Статьи

Таяз арын «Ошмес» газетлэн кубокез понна волейболъя ӵошатсконэ удмурт школаосысь пиналъёс 22-тӥтулыспалэ люкаськизы. Шудонъёс Татышлы ёросысь Выль Татышлы, Улысь Балтач но Уразгильды школаосысь спортзалъёсын мынӥзы. «Туннэ Выль Татышлыысь пиослэн, Бадӟым Гондырысь яке Бадӟым Качакысь нылъёслэн вормонзылы оскон бадӟымгес», - вера ӵошатсконлэн валтӥсь судьяез А. И. Сабанчин. Быдэсмозы меда солэн малпанъёсыз?

21-тӥ тулыспалэ Сандугачын куасэн ӵошатскон ортчиз. Ужрад Барабановка школаысь физкультурая дышетӥсез Муллагали Шарафисламович Какимовез буре ваёнлы сӥземын вал. Туэ ӵошатсконэ Янаул ёросысь сяна, бускель ёросъёсысь куасчиос но ӧтемын вал. Жаляса верано, янаулъёс сяна, куас сюресын мукет ёросъёсысь спортсменъёс ӧй вал.

Туэ Вӧй келян тулыспал толэзьлэн берпуметӥ арнянуналаз тупаз. Та нуналэ котькуд гуртын сямен шудон-шулдыръяськонъёс радъяськизы. Бурай ёросысь Алтау гуртын улӥсьёс но тулысэз пумитан ужрадэ шумпотыса вуизы. Ужрадэз дасян сярысь сюлмаськизы гуртысь клубен кивалтӥсь Ирина Шарафутдинова но библиотекарь Альфира Минниахметова.

Кылем арняын республикаямы Россиысь Писательёслэн огазеяськонзылэн ёзчиез, Удмурт Элькунысь но Россиысь лулчеберет удысысь сӥё-дано ужась Галина Васильевна Романова но удмурт гожъяськись, Россиысь Писательёслэн огазеяськонзылэн ёзчиез Лидия Степановна Нянькина вуылӥзы. Соос Янаул ёрос библиотекаысь удмурт калыкен ужанъя секторын но Татышлы ёросысь Улысь Балтач школаын пиналъёсын пумиськонъёс радъязы.

Быдӟым Атыкай ожын Вормонлы сӥзем «Победа» марафон Бирск ёросэ выжиз. Со сяна, Котьку ӝуась тыллэсь пичи люкетъёссэ Балтач, Бурай, Татышлы ёросъёсы келязы. Ӵапак отысь кырӟась-эктӥсьёс 17-тӥ тулыспалэ Янаул городын ортчем калык творчествоя «Салют Победы» конкурсэ пыриськизы.

23-тӥ тулыспалэ дунне вылысь вань пиосты праздникенызы – Шаермес утисьёслэн нуналэнызы - ӟечкыласьком. Балтач ёросысь Асавкаысь Руслан Пукроковлы но школаын дышетскыкуз ик та нуналэ шуныт кылъёсын вазиськылӥзы. Но со понна соос трос дыръя валантэмесь вал. Уго пинал пи солдат улонэз но веръямын ӧй вал на. Нош туннэ Руслан та нуналэ чузъяськем кылъёслэсь пуштроссэс ӟеч вала ни, луоз. Табере со – солдат. Руслан Пукроковен интернет пыр герӟаськылӥм.

Россиын, кызьы тодӥськом, 2015-тӥ ар Литературалы сӥземын. Арлэн эмблемаяз куинь тодмо гожъясьёс возьматэмын: Александр Пушкин, Николай Гоголь но Анна Ахматова.

Пичи дыр, кыӵе со луэ? Котькуд адямилэн со вунонтэм. Пичи дыръяз адями азьлань улон сюресэз сярысь чик уг малпаськы на. Солэн тужгес шудо дырыз ук со, будоно, котыр улонэз веръяно. «Альбертлэсь пичи дырзэ син азе пуктыку, сэзь, котькытчы вуись пияш тодэ лыктэ, сьӧраз вутскыны ик ӧм быгатэ», - тодаз вае Альберт Минлебаевлэн Венера апаез.

Бусыос лымы улын шутэтско на. Нош кивалтэт, гурт калык соосты дыраз гырон-кизён сярысь сюлмасько ни. «Таяз арын бусы ужъёсты быдэстонын трос шуг-секытъёсын пумиськомы. Соос тужгес коньдонэн герӟаськемын луозы. Озьы ке но асьмеос ваньзэ вормыны быгатомы», - вераз Рустэм Хамитов. Та выллем кылъёсты туннэ котькудаз гурт интыын шумпотыса пумитазы, луоз.

Быдӟым Атыкай ож бере 70 ар ни ортчемын. Нош солэн тылгизьыез али ке но асьмелэсь сюлэмъёсмес ӵушка на. Солэн пытьыез ноку, нокинэн вунэтонтэм.

«Лыжня России» быдэсросси ӵошатскон 1982-тӥарысен ни куас сюресэз гажасьёсты огазея. Кема аръёс ӵоже возиськеменыз сяна, ужрад аспӧртэмлыкеныз но висъяське: куасэн бызьылонэ котькуд мылкыд карись адями – пичиез но, бадӟымез но, пересез но - пыриськыны быгатэ. Пусйымон, ӵошатскон арысь аре шаерамы паськытгес вӧлме. Кылем арняын шаерысьтымы тросаз городъёсын но ёросъёсын «Лыжня России-2015» куасэн ӵошатсконъёс радъяськизы. Но куд-ог ёросъёсын та спорт ужрадлы саклык висъямын ӧй вал. Шумпотымон, школаос палэнэ ӧз кыле: тросаз дышетон юртъёсын нылпиос куас сюрес вылын кужымзэс эскерыны быгатӥзы.

Прокуратура Татышлинского района по коллективному обращению работников ООО «Верхнетатышлинские электрические сети, жилье и благоустройство» (далее – ВЭС и ЖБ») проведена проверка соблюдения трудового законодательства в части своевременной выплаты заработной платы.

Анализ показал что за истекший период 2014 г. всего в районе зарегистрировано 184 преступления ( +16 с АППГ), раскрыто 157 преступлений (+5 с АППГ). Нераскрытыми остались 16 преступлений, что на 4 факта меньше чем за АППГ. Значительно больше выявлено преступлений превентивной направленности что позволило снизить количество тяжких и особо-тяжких преступлений против личности, в т.ч. убийств в быту. В то же время возросло количество преступлений совершенных в состоянии алкогольного опьянения. Особую тревогу вызывает криминальная активность лиц, ранее совершавших преступления. Выросло количество преступлений в общественных местах.

Башкортостан Республикае Россиысь Правительствоен кивалтӥсь Дмитрий Медведев вуылӥз. Шоркарамы тазалыкез утён удысысь шуг-секытъёсты эскеронэн герӟаськем кенешон ортчиз.

Кыкетӥтулыспалэ Уфаын Быдӟым Атыкай ожын Вормонлы сӥзем республика марафон кутскиз. Та нунал юнме быръемын ӧй вал. Ӵапак соку Совето Союзысь ожгарчиос Сталинград ожын тушмонэз пазьгизы.

Радъясьёс: БР-ысь удмуртъёслэн национально-культурной центрзы, историяя но культурая центр.

Куеда ёросысь Кирга гуртын улӥсь Гыльсафа Идиятуллина доры вуыку, милемыз арлыдо песянай таӵе кылъёсын пумитаз:

Толшор толэзьлэн берпуметӥ нуналаз Татышлы ёросысь Вуж Курдымын лулчеберетлы, ужлы но спортлы сӥзем ёрос эстафета усьтӥськиз. Литературалэн арез, Быдӟым Атыкай ожын Вормонлы 70 ар тырмон, Татышлы ёрослэн кылдэмезлы 80 ар тырмон улсын ортчись ужрад гурт поселениос пӧлын радъяськоз. Эстафетаез усьтон юнме шорысь Вуж Курдым культура юртын ӧз радъяськы: та гуртын вордскыса будэмын Башкоростанысь калык кылбурчи Ангам Атнабаев. Ужрад обелиске венок понон бордысен кутскиз. Кышкыт ожысь берытскемъёсты буре вайыса, калык одӥг минут ӵоже шып сылӥз.

Бирскын эстрада кырӟанъёсъя но эктонъёсъя «Крещенские морозы» республика фестиваль-конкурс ортчиз. Город 21-тӥ ползэ ни Башкортостанысь сцена вылысь кизилиосты пумитаз. Таяз арын отчы 300-лэсь трос адямиос пыриськизы. Соослэсь быгатонлыкъёссэс «Эстрадная песня», «Эстрадный танец» но «Эстрадная музыка» но¬минациосын дунъязы.

Андрей Васильевич Гильмаевез тодэ вайыкум, котьку син азям пуктӥсько солэсь ульчаетӥ каллен гинэ вамыштэмзэ. Соин трос пол сюрес вылысен пумиськылӥмы. Ӟечбуръяськылӥмы но, Андрей Васильевич аслэсьтыз ужъёссэ лэсьтыны кошкылӥз.