архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Куас сюрес, вормон но пальпотон

      2015.02.12 994 0
      Куас сюрес, вормон но пальпотон

      «Лыжня России» быдэсросси ӵошатскон 1982-тӥарысен ни куас сюресэз гажасьёсты огазея. Кема аръёс ӵоже возиськеменыз сяна, ужрад аспӧртэмлыкеныз но висъяське: куасэн бызьылонэ котькуд мылкыд карись адями – пичиез но, бадӟымез но, пересез но - пыриськыны быгатэ. Пусйымон, ӵошатскон арысь аре шаерамы паськытгес вӧлме. Кылем арняын шаерысьтымы тросаз городъёсын но ёросъёсын «Лыжня России-2015» куасэн ӵошатсконъёс радъяськизы. Но куд-ог ёросъёсын та спорт ужрадлы саклык висъямын ӧй вал. Шумпотымон, школаос палэнэ ӧз кыле: тросаз дышетон юртъёсын нылпиос куас сюрес вылын кужымзэс эскерыны быгатӥзы.

      Ермекей ёросын ужрадэ огъя 200-лэсь ятыр куас­чиос пыриськизы. 1200 мет­ръем сюресэз котькин капчи мылкыдын ортчиз. Кин ке но финише нырысетӥ пырон сярысь сюлмаськиз, мукетыз кужмоослэсь кылёно ӧвӧл шуыса бызиз, нош куинетӥез дистанциез ортчыны быга­тэмезлы шумпотӥз. Вераны кулэ, ӵошатсконэ арлыдоос но мыло-кыдо пыриськизы. Ӵошатскон укмыс возрастной группаосъя радъяськиз. 65 арес но солэсь бадӟымъёс пќлын нюръяськисьёс но трос люкаськизы, куас сюресэ вете­ранъёс но султћзы.

      Ужрадэ Купченей школа­ысь куасчиос но пыриськизы. Школаен кивалтӥсь Геннадий Никитин ӵошатсконын финише котькинлэсь ӝог вуиз (56-65 аресъемъёслы категориын). Солэн дышетскисез Дми­трий Никитин (8-тӥкласс) ӵошатсконысь куинетӥинты­ен берытскиз.

      Янаулын ортчем «Лыжня России-2015» ӵошатсконэ вить сюлы матэ калык пырись­киз, арлыдзыя 5,5 но 83 аресъ­емъёс. Вераны кулэ, кылем арын ужрадын 260 куасчиос кужымзэс мертазы вал.

      Командной ӵошатсконын ужась коллективъёс пӧлын «АгроМ» ООО-ысь спор­тсменъёс вормисе потӥзы, кыкетӥинтыын – Вуж Варя­шысь команда. Школаысь ко­мандаос пӧлын нырысетӥинты утӥзы вуж варяшъёс, кыкетӥ– сандугачъёс, куинетӥ– шу­декъёс. Кивалтӥсьёс пӧлын финише нырысетӥпыриз Шу­дек школаен кивалтӥсь Вла­дислав Мухаметшин. Шудек школаысь нылъёс Айгуль Ахматгараева но Алина Сай­фиева асьсэлэн возрастной группаосазы нырысетӥно кыкетӥинтыосты утӥзы. Пиос пӧлын тужгес кужмо луизы сандугачъёс: Эрнст Мардам­шин финише нырысетӥпыриз, солэсь ӧжытлы бере кыльыса вуиз Илья Идиятуллин. Кайма­шабаш школаысь Денис Алет­динов куинетћ интыын луиз.

      Ӵошатскон кужмо куас­чиосты шараяз. Вормисьёс медальёсын, Данъян грамо­таосын, синпель кузьымъёсын дунъямын вал. Но ужрадлэн тужгес бадӟым рекордэз луиз ӵошатсконэ пыриськемъёслэн пальпотонзы но шумпотонзы, нош кузьымез – куасчиослэн асьсэ кужымзылы, быгатон­лыксылы оскыса, вормонэ вуэмзы.

      Миляуша НИГАМАТУЛЛИНА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    ОБЪЯВЛЕНИЯ

    ПАРТНЕРЫ