Общественно-политическая газета удмуртов Республики Башкортостан

Быдӟым Атыкай ож бере 70 ар ни ортчемын. Нош солэн тылгизьыез али ке но асьмелэсь сюлэмъёсмес ӵушка на. Солэн пытьыез ноку, нокинэн вунэтонтэм.

Калтасы ёросын Быдӟым Атыкай ожын Вормонлы 70 ар тырмонлы сӥзем «Салют Победы» калык творчествоя фестиваль ортче. Сое ёро¬сысь котькудӥз культура юрт пумита. Та нуналъёсы Бадӟым Туганеевоысь гурт клубын но бадӟым концерт ортчиз. Отчы гурт калык, ож мышкын тыршем ветеранъ¬ёс вуизы. Соос котькудзы Быдӟым Атыкай ожын вормон понна нюръяськемъёслы йыбырттӥзы.
…Быдэс зал тыр Левитан¬лэн куараез чузъяськиз. Ша¬ерамы улӥсьёслы со Быдӟым Атыкай ож кутскем сярысь ивортӥз. Нош собере котыре «Священная война» кырӟан вӧлмиз. Концертэ пыриськи¬сьёс, солдатъёсты ож лудэ келяса, «До свидания, мальчики» кырӟанэз быдэстӥзы. «Марӟан» вокал ансамбльысь нылкышноос учкисьёслы «Огонёк», «Милая мама», «Тулкымъяське», «Раненой солдат» кырӟанъёсты кузь-мазы. Та нуналэ чузъяськизы на «Катюша», «Журавли», «Си¬ний платочек» кырӟанъёс. Нош куать аресъем Вилена Байтемирова сцена вылы¬сен «Вечный огонь» кылбур лыдӟиз. Кема кылӥськиз на со бӧрсьы учкисьёслэн ки¬чабем куараоссы. Та нуналэ концертэ лыктэмъёс пӧлысь тросэзлэн синъёссы син¬кылиен тыризы. Соос шудо улонмы понна ожмаськем улосчиосмылы тау карыса выллем быльыразы. Концерт «День Победы» кырӟанэн йылпумъяськиз.
Лилияна ШАРАФУТДИНОВА,
гурт клубен кивалтӥсь.
Калтасы ёрос.