архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Уж но вормон герӟасько крезьгурен

      2015.02.05 1031 0
      Уж но вормон герӟасько крезьгурен

      Толшор толэзьлэн берпуметӥ нуналаз Татышлы ёросысь Вуж Курдымын лулчеберетлы, ужлы но спортлы сӥзем ёрос эстафета усьтӥськиз. Литературалэн арез, Быдӟым Атыкай ожын Вормонлы 70 ар тырмон, Татышлы ёрослэн кылдэмезлы 80 ар тырмон улсын ортчись ужрад гурт поселениос пӧлын радъяськоз. Эстафетаез усьтон юнме шорысь Вуж Курдым культура юртын ӧз радъяськы: та гуртын вордскыса будэмын Башкоростанысь калык кылбурчи Ангам Атнабаев. Ужрад обелиске венок понон бордысен кутскиз. Кышкыт ожысь берытскемъёсты буре вайыса, калык одӥг минут ӵоже шып сылӥз.

      Ангам Атнабаевлэсь нимзэ нуллӥсь школалэсь спортзалзэ усьтон ужрад но та нуналэ ик тупаз. Татын бадӟымесь тупатъян ужъёс радъяськизы угось. Горд лентаез вандонэз оскизы ту­патъян ужъёслы бадӟым юрт­тэт возьматэм Татышлы ёрос администраци­ен кивалтӥсьлы Рушан Гараев­лы но школаен кивалтӥсьлы Лэйсэнэ Гата­уллиналы. Уж­радын дышет­скисьёслы но дышетӥсьёслы сӥзем ӟечкылан кылъёс чузъ­яськизы, ку­ноос соосты кузьымъёсын шумпоттӥзы. Нош спортэз гажась дышетскисьёс ӵошатсконъёсын кужымзэс возьматӥзы. Ужрадэз Курдым гурт поселениысь командаос пӧлын радъяськем ӝӧквыл теннисъя ӵошатскон азинтӥз.

      Культура юртын бадӟым адӟытон радъямын вал. Ёрос центрысь шаертодонъя му­зейын но библиотекаын ужа­сьёс, школаын дышетскисьёс историе пырем лыдпусъёслы сӥзем книгаос, архивысь материалъёс дасяллям. Нылпи­ослэн быдэстэм киужъёссы но адӟытонын возьматэмын вал.

      Зал тыр калык люкаське­мын. Фестиваль-эстафетаез усьтыса вераськиз Рушан Гараев.

      - Ёрослэн юбилеез Быдӟым Атыкай ожын Вор­монлы 70 ар тырмонэн тупамез аспӧртэм символ выллем луэ. Ёросэз кылдытӥсьёсты, асьсэды жалятэк ожмаськем атай-песятайёсты, матысьё­сты ми котьку буре ваиськом. Соослы пумтэм тау кылъёс­мес вераськом. Азьпалан но улонамы таӵе исторической лыдпусъёс трос мед луозы, - вераз со.

      Эстафеталэсь штандарт­сэ, АПК-лэсь вымпелзэ но спортъя кубокез Курдым гурт поселенилэн администраци­еныз кивалтӥсь Рамир Ахме­тов но «Карл Маркс» СПК-ен кивалтӥсь Ульфат Габсаля­мов басьтӥзы.

      Бӧрысь бадӟым концерт радъяськиз. Учкисьёс понна пӧртэм калык кырӟанъёс чузъяськизы. Задор эктонъёс люкаськем калыклы капчи мылкыд кузьмазы. Ож аръёс­лы сӥзем кылбуръёс котькин­лэн сюлмаз сюрес шедьтӥзы. Улысь Балтач но Выль Та­тышлы культура юртъёсын ужасьёсты Ирина Шайхлисла­моваез, Олег Мардановез но Марина Низамоваез, «Ӧрӟи» вокал но «Шулдыр љыт» ка­лык ансамбльёсты учкисьёс кужмо кичабонъёсын пуми­тазы-келязы. Фестиваль-эстафетаез усьтон тунсыко но кемалы тодэ кыльымон луиз. Ар ӵоже кыстӥськись ужрадлэн котькуд люкетэз но озьы ик аспӧртэм, шулдыр ортчоз шуыса оскем потэ.

      Эльмира ГАРЕЙШИНА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить