Статьи

Кылем арын Вылысь Татышлыын, кема аръёс ӵоже чусомыса улэмез бере, выльысь гурт вӧсь усьтӥськиз. Инмар-кылчинлы интыысь вӧсясь Кабиок Бадамшин вазиськиз. Вӧсез радъясьёс, шонерзэ вераса, отчы сомында калык вуоз шуыса но ӧз малпалэ. Но куриськисьёс Инмарлы вазиськем бере, луд вылэ егитэз но, арлыдоез но кыстӥськизы.

Илиш ёросысь Ташкичи гуртын милемыз трос пӧртэм семьяосын тодматӥзы. «Татын ог-огзэс валаса уло, анай-атайёс нылпиоссы понна шумпото», - вераз БР-ысь удмуртъёслэн НКЦ-енызы кивалтӥсьлэн Илиш ёросъя воштӥсез Сильвия Шайдуллина. Нош туннэ тӥледыз Зоя но Гаяз Нафиковъёслэн, Фагиля но Тимергази Минетдиновъёслэн семьяосынызы тодматэммы потэ. Соос улон сюресэтӥ 50 арлэсь кема ни ӵошен вамышто.

26-тӥ инвожое Пермь шаерысь Куеда ёросысь кирга но бадӟым гондыр музъемын бадӟым ужрадъёс – Элен вӧсь но «Древние напевы удмуртов «Чакара» регионъёс куспысь фестиваль – радъяськизы.

Дышетскон ар бере кылемын. Табере нылпиос кузь гужем каникулъёсын шутэтско. Школазы куарусён толэзе соос понна выльысь ӧсъёссэ усьтоз. Нош Янаул ёросысь Вылысь Барабановка гуртын со кӧня ке аръёс ӵоже ни пытсаськемын. Чылкак татысь борддоръёс сьӧрын ик ортчизы Светлана Ахматнуровна Гафутдиновалэн ужан аръёсыз. Школаын дышетскисьёсыз солы Светлана Аркадьевна шуыса вазиськылӥзы.

Кылем арняын Татышлы ёросысь «Косая степь» шутэтскон базаын республикаысьтымы журналистъёслэн фестивальзы ортчиз. Отчы валтӥсь редакторъёс, журналистъёс, республика но ёрос газет-журналъёсын, радиоын но телевидениын, интернет-изданиосын ужасьёс пыриськизы.

Андреевка – Янаул ёросысь удмурт гурт. Куке но татын юн гурт хозяйство вылэм, школа тыр чалмытскисьтэм пинал куараос жингыраллям. Нош туннэ нуналэ гуртлэн «кизилиез» луэ клуб. Огдырлы ужъёссэ вунэтыса, калык татчы шутэтскыны дыртэ. Клубен кивалтӥсьлэн Гузалия Губаевалэн верамезъя, клубын ужрадъёс ӵем ортчыло, кылсярысь, арняяз куинь пол нылпиослы ужрадъёс но радъясько.

11-тӥ инвожое Выль Татышлыын гырон-быдтонлы сӥзем шулдыръяськон ортчиз. Со кӧня ке люкетъёслэсь сылӥз. Отын ужын азьмынӥсьёсты данъязы, Бальзюгаысь вӧсясьлы Назип Садриевлы «Древо мира» премия сётӥзы, «Ошмес» газетэз лыдӟисьёс пӧлын «Счастливое авто» акция радъяськиз, трос кырӟанъёс чузъяськизы, спорт шудонъёс луизы. Ваньмыз сярысь радызъя мадёмы.

Истяк гурт поселение тямыс гуртъёс пыро. Соос пӧлысь одӥгез – Банибаш (Ваня) гурт. Одӥг урамлэсь гинэ сылӥсь Ваняын эшъяськись удмурт калык улэ. Шумпотоно, бигер гуртъёс пӧлын улыса-вылыса но соос кылзэс, лулчеберетсэс, сям-йылолъёссэс утё но азинто. Ваняос 12-тӥ инвожое гуртазы трос калыкез люказы. Та нуналэ тупась куинь праздникъёс одӥг бугоре биниськизы. Россилэн нуналэз, гырон-быдтон но «Инвожо» ансамбльлэн вить ар тырмонэз гурт калыклы, вуэм куноослы кемалы тодазы кылёзы.

«Семьяямы ми вить нылпи будӥмы: куинь пи но кык ныл. Мон пичиез вал. Анаен атай котьку шуылӥзы, мон, пе, соослэн утись пизы луо. Озьы ик луиз. Кытын вордӥськи – отын ик кулэ луи. Туннэ нуналозь но мон Кирга гуртын», - ас сярысьтыз юанэлы валэктыса вера Пермь шаерысь удмуртъёслэн НКЦ-енызы кивалтӥсь Станислав Гадиятов. Со сяна, Станислав Идиятович Куеда ёросысь Бадӟым Гондыр гурт поселенилэн администрациез бордысь культурно-спортивной центрен кивалтэ. Со центр гурт поселениосысь культура юртъёсты, библиотекаосты но клубъёсты огазея.

Россия Федерацилэн Президентэз В. В. Путин республикаямы вуылыкуз, шуиз: «Башкортостанын, ву шапыкын выллем, быдэс Россиысь калыклэн пӧртэм культураез, осконэз, кылэз но калыклэн эшъяськонэз шӧдӥське». Нош кылем арын, ШОС но БРИКС саммитъёс йылпумъяськем бере, со башкир кылэз дышетыны ӵектӥз.

Янаул ёросысь Конигово гуртын удмурт калык ог-огзэ гажаса но ог-огзылы юрттыса улэ. Соос ужын но, шутэтсконын но ӵош.

Прокуратурой района проведена проверка соблюдения трудового законодательства в сельскохозяйственном производственном кооперативе в части обеспечения оплаты труда и соблюдения трудовых прав граждан.

Терроризм но экстремизм туала улонлэн кышкыт «висёнъёсыз» луо. Тодады вае Парижын, Брюссельын луэм учыръёсты. Сыӵе югдуръёслэсь утиськон понна асьме регионамы мар лэсьтӥське? Та но мукет юанъёслы валэктонъёс сётэ Башкортостанысь ведомствоос куспысь общественной безопасностья Кенешлэн секретарез Рамиль Искужин.

2002-тӥ арын 19-тӥ гудырикошконэ Ханкалаын МИ-26 вертолёт усиз. Отын бырыны шедиз асьмелэн улосчимы, Улысь Балтачысь Ясон Миллиятов. Со дырысен 14 ар ортчемын. Озьы ке но Ясон Гильманович сярысь шуныт тодэ ваёнъёс калыклэн сюлэмаз уло на.

Нош одӥгез дышетскон ар йылпумъяськиз. Дас одӥгетӥ, укмысэтӥ классъёс понна жингыртӥз берпуметӥ гырлы. Нылпиос но, дышетӥсьёс но, анай-атайёс но та нуналэз витизы, луоз. Озьы ке но сюлмын – мӧзмон. Школа улонэ пытьы кельтэм котькуд пинал та нуналэ бадӟым улонэ вамыш лэсьтӥз угось.

Пыр-почгес малпаськоно ке, улыны луонлык сётэ ву. Котькуд ӵукнаез асьмеос ву бордысен кутскиськом. Соин но, дыр, гуртамы улӥсь Валерий Минтимирович Нигиев гурт вӧзысь шурез чылкытатон малпанэн улӥз. Одӥг аре со та ужрадэ гурт калыкез люказ.

Гужемлэн нырысетӥ нуналаз шаерамы Нылпиослэн нуналзы пусйиське. Асьмелы со Нылпиосты утён нуналэн тодмо. Башкортостанстатлэн лыдпусъёсызъя, республикаямы туннэ нуналэ 848 сюрслэсь трос нылпиос уло. Соос пӧлысь тросэз нылпи садъёсы, школаосы ветло. Каймашабашысь Ольга но Роберт Садриевъёслэн Тимур пизы но гуртысьтызы школаын дышетске. Солэн анай-атаез но татын тодон-валан басьтӥзы. Собере эшъёслэн куспазы бадӟым яратон пуромиз. Туннэ нуналэ шудо егит семьяын куинь нылпиоссы – Тимур, Всеволод но Виталина - будо.

Арлы быдэ республикаын ӟеч тодон-валанэн нылпиослэн «Надежда Башкортостана» форумзы радъяське. Туэ быдэсросси, регионъёс куспысь но республика олимпиадаосын вормисьёсты но призёръёсты данъян ужрад 20-тӥ куартолэзе Башкотостан Республикаысь Дышетонэз азинтонъя институтын ортчиз.

Азьвыл аръёсы калыке паськыт вӧлмемын вал лушкаськон. Нош берло со вӧзы ватсаськизы мукет амалэн йыртэманъёс. Со бордын туала технологиослэн бадӟым вамышъёсын азинскемзы шӧдӥське.

Азьлань! Вормон понна Арлы быдэ тулыслэн тужгес шулдыр вакытаз, куартолэзе, удмурт школаосысь нылпиос олимпи шудонъёсы люкасько. Туэ республика ӵошатскон Татышлы ёросысь улысь балтач музъемын ортчиз. Туэ со дас куинетӥзэ радъяськиз. Жаляса верано, азьло аръёсын ӵошатон дыръя, ужрадын вить командаос гинэ нюръяськизы: Калтасы ёросысь Бадӟым Качак школаысь (тренерзы Г. Тимирбаев), Татышлы ёросысь Выль Татышлы школаысь (тренеръёссы А. Сабанчин, М. Шаритдинов), Кальтяево школалэн филиалысьтыз – Вязовка школаысь (тренерзы Р. Нуриахметов) но Улысь Балтач школаысь (тренеръёссы Р. Губаев, Ю. Губаев), Янаул ёросысь Вуж Варяш школаысь (тренерзы Л. Багаутдинов). Ӵуж-ӵуж сяськаосын шобырскем сабантуй возь ӵаш! вазе. Тодмооссылэсь мӧзмем пиналъёс шумпотыса ог-огзы пумитэ бызё. «Ура! Нош ик пумиськон нуналмы вуиз. Ура, фестиваль», - кылӥське котырын.