архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Ӵошатскон выльысь улӟиз

      2016.06.02 1324 0
      Ӵошатскон выльысь улӟиз

      2002-тӥ арын 19-тӥ гудырикошконэ Ханкалаын МИ-26 вертолёт усиз. Отын бырыны шедиз асьмелэн улосчимы, Улысь Балтачысь Ясон Миллиятов. Со дырысен 14 ар ортчемын. Озьы ке но Ясон Гильманович сярысь шуныт тодэ ваёнъёс калыклэн сюлэмаз уло на.

      Та нуналъёсы подполковникез буре вайыса, Улысь Балтачын военно-прикладной многоборьея ӵошатскон ортчиз. Отчы Татышлы ёросысь шор ёзо школаосысь но профессиональной училищеысь командаос ӧтемын вал. Вераны кулэ, та выллем ӵошатскон азьвыл Бигиней школаын ортчылӥз. Но берло со малы ке вунэтэмын вал. Россиысь ДОСААФ-лэн интыысь ёзэтэныз кивалтӥсьлэн М. С. Самигуловлэн сюлмаськемезъя, туэ сое выльысь улӟытӥзы.

      Ӵошатсконэ огъя вить команда вуиз. Кужымзэс мертаны мылкыд каризы Вылысь Татышлыысь нырысетӥ но кыкетӥ номеро школаосысь пиналъёс, Выль Татышлыысь но Улысь Балтачысь пиос. Соос азьын вераськизы  Россиысь ДОСААФ-лэн интыысь ёзэтэныз кивалтӥсь М. С. Самигулов, Улысь Балтач гурт поселенилэн администрациеныз кивалтӥсь Э. Б. Рахимзянов, БР-ысь военной комиссариатлэн Татышлы но Балтач ёросъёсъя ёзэтэныз кивалтӥсь А. Ф. Арсланов. Со сяна, ужрадэ пыриськизы Татышлы ёрос администрациысь егитъёслэн политиказыя но спортъя ёзэтэныз кивалтӥсь Э. Д. Валиева, «Ошмес» газетлэн валтӥсь редакторез С. Г. Гарифуллин.  Собере Бигиней школалэн азьвыл директорез А. И. Сабанчин памятной доскаез Улысь Балтач школалэн директорезлы Л. Л. Зидымаковлы сётӥз. Сое дышетскон юртлэн борддораз юнматӥзы. Со вӧзы сяська поныса вераськиз Ясон Миллиятовлэн Людмила кузпалыз. Собере кыл сётӥськиз валтӥсь судьялы Р. В. Губаевлы. Пиналъёсты со ӵошатсконлэн радлыкеныз пыр-поч тодматӥз. Та нуналэ пиослы эстафетаын (полоса препятствий), гозы кысканын, пневматической винтовкаен ыбылӥськонын, автомат сэрттонын-люканын, гиря ӝутканын, турникын ӝуткаськонын кужымзэс эскероно луиз. Вераны кулэ, соосты быдэстон пиналъёслы капчиен ӧз сётӥськы. Озьы ке но пиос шуг-секытъёсты чиданы тыршизы.

      Ӵошатсконын тужгес удалтӥз кузёослы. Улысь Балтачысь команда нырысетӥ интыын луиз (кивалтӥсьсы Р. В. Губаев). Кыкетӥ интые потӥзы Выль Татышлыысь пиос (кивалтӥсьсы Р. Г. Гафуров). Куинетӥын луиз Вылысь Татышлыысь кыкетӥ номеро школаысь команда (кивалтӥсьсы Р. А. Бадертдинов). Нош личной первенствоын Улысь Балтачысь Влас Кайрановлы вуисьёс ӧз луэ.   Солы ДОСААФ-ын праволы дышетскыны 20% скидка сётэмын. Вормись командаос грамотаосын но кузьымъёсын данъямын.

      Ольга НИГАМАТУЛЛИНА.

      Татышлы ёрос.  

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить