Общество

Терроризм но экстремизм туала улонлэн кышкыт «висёнъёсыз» луо. Тодады вае Парижын, Брюссельын луэм учыръёсты. Сыӵе югдуръёслэсь утиськон понна асьме регионамы мар лэсьтӥське? Та но мукет юанъёслы валэктонъёс сётэ Башкортостанысь ведомствоос куспысь общественной безопасностья Кенешлэн секретарез Рамиль Искужин.

2002-тӥ арын 19-тӥ гудырикошконэ Ханкалаын МИ-26 вертолёт усиз. Отын бырыны шедиз асьмелэн улосчимы, Улысь Балтачысь Ясон Миллиятов. Со дырысен 14 ар ортчемын. Озьы ке но Ясон Гильманович сярысь шуныт тодэ ваёнъёс калыклэн сюлэмаз уло на.

Нош одӥгез дышетскон ар йылпумъяськиз. Дас одӥгетӥ, укмысэтӥ классъёс понна жингыртӥз берпуметӥ гырлы. Нылпиос но, дышетӥсьёс но, анай-атайёс но та нуналэз витизы, луоз. Озьы ке но сюлмын – мӧзмон. Школа улонэ пытьы кельтэм котькуд пинал та нуналэ бадӟым улонэ вамыш лэсьтӥз угось.

Пыр-почгес малпаськоно ке, улыны луонлык сётэ ву. Котькуд ӵукнаез асьмеос ву бордысен кутскиськом. Соин но, дыр, гуртамы улӥсь Валерий Минтимирович Нигиев гурт вӧзысь шурез чылкытатон малпанэн улӥз. Одӥг аре со та ужрадэ гурт калыкез люказ.

Гужемлэн нырысетӥ нуналаз шаерамы Нылпиослэн нуналзы пусйиське. Асьмелы со Нылпиосты утён нуналэн тодмо. Башкортостанстатлэн лыдпусъёсызъя, республикаямы туннэ нуналэ 848 сюрслэсь трос нылпиос уло. Соос пӧлысь тросэз нылпи садъёсы, школаосы ветло. Каймашабашысь Ольга но Роберт Садриевъёслэн Тимур пизы но гуртысьтызы школаын дышетске. Солэн анай-атаез но татын тодон-валан басьтӥзы. Собере эшъёслэн куспазы бадӟым яратон пуромиз. Туннэ нуналэ шудо егит семьяын куинь нылпиоссы – Тимур, Всеволод но Виталина - будо.

Арлы быдэ республикаын ӟеч тодон-валанэн нылпиослэн «Надежда Башкортостана» форумзы радъяське. Туэ быдэсросси, регионъёс куспысь но республика олимпиадаосын вормисьёсты но призёръёсты данъян ужрад 20-тӥ куартолэзе Башкотостан Республикаысь Дышетонэз азинтонъя институтын ортчиз.

С 12 по 22 мая 2016 года, в рамках текущей подписной кампании, объявляется традиционная акция – Всероссийская декада подписки. Это отличная возможность подписаться на любимые периодические издания с выгодой. На республиканские издания будет действовать скидка 5%, на районные и городские издания – 10%! Акция пройдет одновременно во всех отделениях почтовой связи Республики Башкортостан.

Куартолэзе куазь шундыё улэмен, республикаын бусы ужъёс трослы азинскизы. Куюргазы но Бижбуляк ёросъёсын сакыркушман кизён ужъёс йылаз-пумаз вуттэмын ни, Абзелил, Дуван, Иглино ёросъёсын кумбагыш кизён ужъёс йылпумъяськемын.

Оштолэзьлэн кутсконаз башкир музъеме концертэн вуылӥз Удмурт Республикаысь Дэбес ёросысь кырӟанъя «Шудбур» ансамбль. Со дыре концертэз нуисен, РФ-ысь Журналистъёслэн союззылэн ёзчиеныз, Удмурт Элькунысь сӥё-дано журналистэн Валерий Нуриахметовен матысенгес тодматскыны шуд усиз.

«Куиньёстэк дышетскыны, школаез йылпумъяны, профессия басьтыны но шаерлэн оскымон пияшез луыны», - таӵе малпанэн улэ но дышетске Каймашабаш школаысь Максим Хайбуллин.

Рустам Галямшин – Татышлы ёросысь «Дэмен» СПК-лэн управляющеез, кивалтӥсьлэн животноводствоя воштӥсез. Гурт удысын тыршись ӧнерчи тодон-валанзэ будэтон сярысь но сюлмаське. Туэ 26-тӥ тулыспалэ солы «профессор» звание сётэмын. Рустам Ренатовичлэн дышетсконлы сӥзем сюресэныз тодматскон вылысь, юанъёсын вазиським.

Рая Нафикова киужен эшъяськонзэ венен керттэм тапочкиез бордысен кутскиз. «Со оло туж ик чебер но ӧз пӧрмы, - вера кышномурт. – Но керттӥськон борды кутӥськыны дӥсьтонме усьтӥз».

Янаул ёросысь Шудек гурт поселение куинь удмурт гуртъёс пыро: Можга, Конигово но Шудек. Гуртъёсын огъя 262 юртъёсын 890 адями улэ: Можгаын – 164 адями, Кониговоын – 161 адями, Шудекын – 564 адями. Школаын дышетскисьёслэн лыдзы 106-лы ӵоша, пичильтыкъёслэн – 109-лы, егитъёслэн (18-35 аресъемъёс) – 229-лы, пенсионеръёслэн – 187-лы. Гурт поселениын егит семьяослэн но лыдзы арысь аре йылэ, али дыре огъя 72 семья лыдъяське, трос нылпиё семьяос – 12.

Дырлэсь ортчемзэ шӧдыны ик уд вуы, макем ӝог ортчо аръёс! Кожалод, толон гинэ вал кадь егит, задор, жадёнэз валатэк бызьылыса ветлэм дырыд. Туннэ со аръёс яркыт кизили выллем тодэ ваёнъёсын гинэ уло на.

Россилэн Президентэз Владимир Путин 2016-тӥ арлы Вазиськоназ нылпиослэн, егитъёслэн ӟеч вуонозылы бадӟым саклык висъяны куре. «Асьмелэн нылпиосмы тунсыкоесь, трос выльзэ тодон сярысь сюлмаськисесь. Соин асьмеос соослэн вуонозы сярысь малпаськыны кулэ. Туала пиналъёс ӟеч тодон-валан мед басьтозы, асьсэлы кельшись уж мед бырйыны быгатозы. Вань нылпиослэн улонэ вамыштыны огвыллем луонлыкъёссы мед кылдозы», - пусъе президент.

Котькин тодэ – шаерын экономика ласянь секыт югдур кылдэмын. Котькыӵе удысэз, ӧрез басьты – кризис. Гурт удыс но палэнэ уг кыльы. Хозяйствоослэсь вузъёссэс – йӧлэз, сӥлез – дунтэмен басьто. Со дыре ик гурт удысын пайдаяськон техникалэн, ГСМ-лэн дунъёссы нуналлы быдэ сямен будо. Но гурт калык секытлыкъёслэсь уг кышка, котькыӵе югдурысь но потыны быгатоз. Кужмоесь хозяйствоос котькуд ёросын вань. Удмурт хозяйствоос но сыӵеос пӧлын лыдъясько.

Мынам тодматэме потэ школаысьтымы ньыль нылъёсын. Соос котьку ӵошен: школаын но, урамысен но ӵошен пумиталод. Ньыль нылъёс - люконтэм эшъёс.

Анай Лыз-чагыр синъёсыд. Учкиськод лушкемен Вырӟытса мынэсьтым мугорме. Кыӵе нош тон кужмо! Вераны луонтэм - Сюлэмам пыремын та нылмурт вунонтэм. Кер потыса мугорыд куалекъя мон азьын, Бамъёсыд гордэктэм ӵук ӝужась шундыен. Ческытсэ но, курытсэ но ворме кышномурт, Изьытэк потылэ уйёссэ луыку шуг-секыт. Анай, тон котьку визь-кенеш сётӥськод, Ческыт сиёнэн возьмаськод кадь куно. Югыт корка тыр нылпиос ӵашето - Таӵе улонлэсь анаймурт туж шудо! Шулдыр гур куддыръя мытӥськод, Сюлмысьтыд шуныттэ жалятэк сётӥськод. Туннэ котькин дыртэ сяськаос кузьманы, Анайлы шунытэсь кылъёс вераны! Антонина ИСЛАМОВА. Куеда ёросысь Бадӟым Гондыр гурт.

Кылем арын Вуж Варяш администрацилэн юртаз бадӟым тупатӥськон ужъёс кутскизы. Та вакытэ ик калык тодӥз: табере гуртысьтызы фельдшерско-акушерской пунктсы выль липет улэ интыяськоз. Шуркынмон толэзе фельдшер Клара Нигиева но акушерка Светлана Минигараева висисьёсты «выль юртазы» учкизы ни. Соку калыклэн шумпотонэз пумтэм луиз: табере соос тазалыксэс юнматон понна кезьыт эмъюртэ уз лыктэ ни угось.

Башкортостанысь удмуртъёслэн историяя но культурая центренызы кивалтӥсьлэн Ирина Самигуловалэн кемалась одӥг малпанэз вань вал: пӧртэм ёросъёсысь афган оже пыриськем удмурт геройёсты люкаса, соослы сӥзем ужрад ортчытыны. Кылем арняын кивалтӥсьлэн малпанэз быдэсмиз. Татышлы ёросысь Выль Татышлы гуртын воинъёсын-интернационалистъёсын пумиськон ӝыт радъяськиз. Со «Красная гвоздика» нимаськиз.