Общество

Янаул ёросысь Каймашабаш школаын бадӟым ужрад ортчиз. Со тодон-валан праздниклы пӧрмиз. Таӵе уж удмурт огазеяськонлэн кичӧлтэмезъя радъямын вал. Ужрадэ вань удмурт школаосысь удмурт кылъя но литературая дышетӥсьёс, быдэн кык пиналъёс, озьы ик удмурт гуртъёсысь но Янаул ёросысь центральной модельной библиотекаын ужасьёс пыриськизы.

Республикаысьтымы Калыкъёслэн эшъяськон юртэнызы кылем арын нылпи суредъёсъя «Традиции моего народа в гармонии с природой» темаен «Многонациональный Башкортостан» конкурс ялэмын вал.

Республикаысьтымы Калыкъёслэн эшъяськон юртэнызы кылем арын нылпи суредъёсъя «Традиции моего народа в гармонии с природой» темаен «Многонациональный Башкортостан» конкурс ялэмын вал.

«Удмурт кенеш» огазеяськон Ижкарын 1991-тӥ арын кылдытэмын. Солэн ёзэтъёсыз Удмурт Элькунысь котькуд карын но ёросын вань. Озьы ик татчы пыро «Удмурт нылкышно кенеш», «Удмурт лулчеберетъя «Дэмен», егитъёслэн «Шунды» огазеяськонъёс но Башкортостанысь, Татарстанысь, Марий Элысь, Киров, Свердловск, Томск, Пермь улосвылъёсысь удмуртъёслэн национально-культурной огазеяськонъёссы.

Афган ож. Кӧня солдатъёслэсь, офицеръёслэсь улонъёссэс со чигиз. Башкортостанысь отын 335 адями бырыны шедиз. 15-тӥ тулыспал советской войскоосты Афганистанысь поттон нуналэн ялэмын. Арлы быдэ та нуналэ пӧртэм ёросъёсысь афган оже пыриськемъёс «Боевое братство» военно-спортивной конкурсэ люкасько. Туэ ужрад Татышлы ёросын ортчиз. Отчы Аскино, Балтач, Караидель но Мишкино ёросъёсысь командаос ӧтемын вал.

Витетӥ тулыспалэ БР-ысь историяя но культурая центрлэн кичӧлтэмез улсын, удмурт кышномуртъёсын пумиськон радъяськиз. Татышлы ёросысь удмурт гуртъёсысь кышномуртъёс огазе люкаськыса лулысь-сюлмысь вераськизы, кенешизы. БР-ысь Эшъяськон юртлэн ужан планаз пыртыса камсьӧрын улӥсь кышномуртъёслэсь огазеяськон клубзэс кылдытон сярысь вераськон мынӥз.

18-тӥ толшоре «Республика Башкортостан» Издательский домлэн генеральной директорез В. М. Хакимова «Ошмес» газетын ужасьёсты выль редакторен тодматӥз. Табере удмурт кылын потӥсь республика газетэн Салимьян Гарифуллинович Гарифуллин кивалтоз.

РЕДАКЦИЯМЫ Свердловск улосвылысь гожтэт вуиз. Сое Татышлы ёросысь одӥгезлэн лыдӟисьмылэн нылыз гожтэм.

19-тӥ толшоре Татышлы ёросысь Уразгильды школае ёросысь дышетон юртъёсысь шаертодонъя музейёсын кивалтӥсьёс люкаськизы. Семинаре Вылысь Татышлыысь Нылпи творчествоя центрен кивалтӥсьлэн воштӥсез Р. Р. Гарайшина пыриськиз. Ужрад куинь люкетъёслэсь сылӥз.

Дырын-дырын, улонлэн пӧртэм этапъёсаз, адями бераз учкылэ. Шонер сюрес бырйиз меда со улоназ? Мукетъёслы адӟем карымон ужъёс быдэстӥз-а?

Линара Газизова Янаул ёросысь Вуж Варяш школаын 7-тӥ классын дышетске. Зӥбыт, трос тодӥсь-валась нылаш школаысь пӧртэм ужрадъёсы пыриське. Трос дыръя, пе, сое ужрадэз нуисьлы быръё. Татын нылашлы вольыт, чебер вераськыны быгатэмез юрттэ, дыр. Уго Линара ваньмон вакытсэ лыдӟиськонлы сӥзе. «Мыным ӟуч гожъясьёс кельшо. Яратыса лыдӟисько Пушкинлэсь, Лермонтовлэсь кылбуръёссэс», - шуэ со. Со сяна, нылашлэн книгаен эшъяськемез олимпиадаосын, исследовательской ужъёс быдэстонын но бадӟым юрттэт возьматэ. Отын со ӵемысь призо интыосты басьтэ.

Татышлы ёросын быдэс ар ӵоже Ужъя, культурая но спортъя эстафета мынӥз. Та дыр куспын со котькуд гурт поселение вуылӥз. Эстафета Вылысь Татышлыын йылпумъяськиз. Солы сӥзем ужрадын вордскем шаереныд, дано калыкеныд данъяськон мылкыд шӧдӥськиз.

Янаул ёросысь Вуж Варяш гурт поселение – кужмо, азинлыко ужасьёс пӧлысь одӥгез. Татын арлы быдэ кыӵе ке но бадӟымесь ужъёс быдэстӥсько. Калыклэн куронъёсыз, ӵектонъёсыз эскериськытэк палэнэ уг кылё: интыысь кивалтэт калыкен юн герӟаськемын. Гурт поселенилэн администрациеныз кызь ар ӵоже кивалтэ ни Миншакир Шаритдинов.

Республикаямы газет-журналъёслы гожтӥськон азинтӥське. Та вакытэ «Республика Башкортостан» издательский дом «Приз каждую неделю» акция радъя. Соин «Ошмес» газет но лыдӟисьёссэ шумпоттыны дыртэ: 18-тӥ но 25-тӥ толсуре редакциямы 2016-тӥ арысь нырысетӥ паларлы газетмылы гожтӥськемъёс пӧлын пӧртэм кузьымъёсты шудытомы.

Кыдёкысь Южной Америкаын вань сыӵе шаер - Эквадор. Эквадор - шундыпуксён паласен Тихий океанэн гылтӥське, уйпалтӥ Колумбиен артэ сылэ, нош шундыӝужан паласен но лымшор палтӥ Перуэн артэ луэ. Эквадорлэн тужгес бадӟым городъёсыз Кито (шоркарез) но Манта (25 000 улӥсьёсыз), Куэнка, Гуаякиль, Риобамба городъёс луо. Страна 21 провинциослы люкиське, Та кыдёкысь шаерын улэ но ужа муспотон нылаш - Катя Зарипова. Катя - паймымон егит адями. Южной Америкае сое пӧртэм калыкъёслэсь кылзэс дышетон но пӧртэм кылъёсын вераськыны дышетскон мылкыдыз вуттӥз. Катя удмурт сямен уг ке но вераськы, удмурт кылэз вала. Солэн ӵыжы-выжыосыз, анаез но атаез - удмуртъёс. Сахип песятаезлэн выжыосыз Юда гуртысь, нош Катима песянаезлэн - Майскысь, Майтифа ӵужанаезлэн но Катип ӵужатаезлэн - Вязовкаысь. Тӥледыз, гажано лыдӟисьёсмы, та нылашен тодматэме потэ. Али дыре Ольга но Вячеслав Зариповъёслэн Катя нылзы Эквадорын ужа, Россие туж шер вуылэ. Соин ми скайп но вконтакте сайт пыр вераськимы.

Та нуналъёсы Татышлы ёросысь почта ёзэтын ужасьёслэн кенешонзы ортчиз. Отчы Федерал почтовой связьлэн БР-ысь управлениезлэн Янаулысь почтамтэныз кивалтӥсь Борис Сабирзянов, солэн воштӥсез Элина Гараева но валтӥсь ӧнерчи Чулпан Габдуллина пыриськизы. Кенешон та арысь нырысетӥ паларын газет-журналъёслы гожтӥськонлы йылпумъянъёс лэсьтонлы сӥземын вал. Со сяна, ужрадын саклык висъяськиз ӟеч ужась почта ёзэтъёсты пусъёнлы, почта ёзэтын пумиськись шуг-секытъёсты сэрттонлы-пертчонлы, азьланезлы ужпумъёс быръёнлы.

Башкортостанын ӝог эмъюрттэт возьматонъя огъя диспетчерской служба кылдытэмын луоз. Пресс-конференциын со сярысь ивортӥз республикаысьтымы тазалыкез утёнъя министрлэн нырысетӥ воштӥсез Рустем Валеев. Солэн кылъёсызъя, та выллем служба висисьёслы эмъюрттэт возьматонлэсь ӟечлыксэ ӝутоз. Котькуд висись но эмчи тодо: дыраз сётэм юрттэт адямилэсь улонзэ но тазалыксэ уте.

Кылем арняын Татышлы ёросысь Выль Татышлы гуртын бадӟым ужрад – Башкортостанысь удмуртъёслэн V съездзы - ортчиз. Съездэ республикаысь Балтач, Бурай, Ермекей, Калтасы, Кушнаренко, Татышлы, Янаул ёросъёсысь, Нефтекамскысь, Удмурт Республикаысь, Пермь шаерысь, Свердловск улосвылысь 120-лэсь ятыр делегатъёс пыриськизы.

Гажано делегатъёс, ӧтем куноос! Ӟечкыласько ваньдэс Башкортостанысь удмуртъёслэн съездзылэн ужаны кутскеменыз. Оскисько, туннэ учкем ужпумъёс азьлане сюресмес югдытозы.

Янаул ёросын «Самая читающая семья-2015 года» конкурс ортчиз. Со Литературалэн арезлы сӥземын вал. Отчы 11 семьяос пыриськизы.