icon_gotop
18+
autorisation
Войти | Регистрация
Время в Татышле
10:37
Среда, 17 Апреля
Рекламный баннер 990x90px top

Общество

Киссаос но вӧсяськизы
2017-07-06
Берло дыре тросэз пичи удмурт гуртъёс бырон югдуре вуэмын. Егитъёслы уж луымтэен, школаос ворсаськемен, умой сюресъёс ӧвӧлэн, отын улӥсьёслэн лыдзы кулэсме. Со выллем югдур вал Бурай ёросысь Касиярово гуртын но. Гурт калык умме усемын кадь вал: нокыӵе ужрадъёс соосты иземысь ӧз сайкатъялэ. Колхоз ферма но основной школа пытсаськемен, та суред начармиз гинэ. Гурт калык каллен удмурт сям-нергеосызлэсь но куштӥськыны кутскиз. Ог 25 арлы чалмизы вӧсяськон интыос: гуртоос отчы люкаськемысь кемалась дугдӥзы.
Выль амалэн ужан пайдаё луоз-а?
2017-07-06
ГУРТ удысын тыршисьёсты инкуазь туэ уг шумпотты. Зоро нуналъёс пудо сиён дасянэз трослы ӝегато. Татышлы ёросысь «Агро-Танып» СПК-ын тыршисьёс озьы ке но дырзэс пайдаен ортчытыны тыршо. Туэ соос пудо сиён дасянзылэсь кӧня ке люкетсэ выль амалэн но быдэсто.
Камсьӧрысь удмуртъёслэсь йылолъёссэс эскерон азинтӥське
2017-06-29
Татышлы ёросысь тросаз удмурт гуртъёсын инвожо толэзь кутсконын вӧсьёс ортчизы. Соос пӧлысь куд-огаз кунгож сьӧрысь но республикамылэн шоркарысьтыз куноос вуылӥзы. Вераны кулэ, туэ соос вӧсьёсын нырысьсэ ӧй вал. Тодосчиос кылем аръёсы но Балтач, Бурай, Янаул, Татышлы, Пермь шаерысь Куеда ёросысь удмуртъёслэсь Инмарлы вазиськемзэс учкизы ни. Нош туэ соос кыӵе муген вуэмын? Со пумысен Тарту университетысь научной сотрудникен, Парижысь шундыӝужан пал кылъёсъя но культураосъя институтын финно-угроведениез дышетӥсен Ева Тулузэн вераськиськом.
«Шаермылэн Президентэз Владимир Путин РФ-ысь Правительство но регионъёс азе валтӥсь ужпумъёс пуктэ – экономикаез азинтоно, ужбергатон удыслы бадӟым саклык висъяно, Россиын улӥсьёслы улыны ӟеч луонлыкъёс кылдытоно». БР-лэн Тӧроезлэн Р.З. Хамитовлэн Вазиськ
2017-06-29
Татышлы ёросысь Бальзюгаысь Яков Камидуллин ужбергатон удысэ нырысетӥ вамышсэ 2002-тӥ арын лэсьтэм. Соку Яков Минказипович Выль Татышлы школаын физкультурая дышетӥсь луыса ужа вылэм.
Устоосыз ужасьёс – республика конкурсын
2017-06-29
Арлы быдэ ёросъёсын скал кыскисьёс но осеменаторъёс пӧлын ӵошатсконъёс радъясько. Отын вормисе потэмъёс республика конкурсын ёроссылэсь данзэ утё. Туэ устоос пӧлысь устооссэ скал кыскисьёсты Мелеуз ёросысь Салават нимо СПК-колхоз пумитаз. Ньыльдон кыкетӥ ползэ радъяськем республика конкурсын 53 адями кужымзэ мертаз. Соос пӧлын Татышлы ёросысь «Агро-Танып» СПК-ысь Наташа Байдиева (Петропавловка гурт), Калтасы ёросысь «Победа» ООО-ысь Надежда Минтимирова (Кургак гурт), Янаул ёросысь «Победа» ООО-ысь Ирина Идиятова (Можга гурт) но луизы.
Инкуазь – асьмелэн дормы
2017-06-01
Чылкыт омырен шокан, чебер будосъёслы шумпотон понна, адямилы сюлмаськоно. Инкуазьлэн вуоноез – асьме киын.
Атаезлэсь сюрессэ пиез азинтэ
2017-05-25
2002-тӥ арысь 19-тӥ гудырикошконын Чечен Республикаын асьмелэн МИ-26 вертолётмы пазьгиськиз. Отын бырыны шедиз Татышлы ёросысь Улысь Балтачысь Ясон Миллиятов. Со дырысен татын арлы быдэ дано улосчизэс буре вайыса, пӧртэм ужрадъёс ортчытъяло. Кылем арын Улысь Балтачын нырысьсэ военно-прикладной многоборьея ӵошатскон ортчиз. Туэ но отчы 10-лэсь трос командаос шумпотыса вуизы.
Зарни кидыс пыре музъеме
2017-05-18
Гурт хозяйствоос бусы ужъёсты быдэстон бордын кужмысь тыршо
Зарни сюанозь вуттэм сюрес
2017-05-18
Бурай ёросысь Байша¬ды гуртын улӥсь Сеткай но Гильниахмет Нурисламовъ¬ёс зарни сюанзэс пусйизы. Витьтон ар ӵошен улэменызы ӟечкыласа, Тепляки гурт по¬селенилэн администрациез кузпалъёсты синпель кузьы¬мен пусйиз, республикамылэн Тӧроезлэсь Р. З. Хамитовлэсь ӟечкылан гожтэтсэ сётӥз.
Медаз кисьтӥськы калыклэн курыт синвуэз
2017-05-18
Сизьымдон кык ар ортчемын Быдӟым Атыкай ожын ыбылэм, пуш¬тэм куара чалмем дырысен. Кемалась бурмизы ни музъемлэн «яраосыз», сяськаяло возьёс, ю тулкымъёсын веттасько бусыос. Сюлмысь яраос гинэ ялан уг бурмо. Вормон Нуналэ котькин со кышкыт аръёсы берытске, бам кузя васько пӧсь синвуос. Ыш¬тонъёс, куректонъёс зӥбо сюлэмез.
Соос понна зарни сюан гур шудӥз
2017-05-11
Хализа Исламовна но Гарифулла Гарифанович Гарифановъёс ог-огзылы матысь гуртъёсын - Улысь Балтачын но Дубовкаын - вордӥськизы. Школаын дышетскыкузы егитъёс люконтэм эшъёс луизы. Нош быдэ вуыса, 1965-тӥ арын, кузпалъяськизы.
Нылпиос анай кылзэс медаз вунэтэ
2017-05-11
Кема ӧвӧл ёросамы воспитательёс пӧлын альбом тупатонъя конкурс ялэмын вал. Номинациосты бырйыны луонлык но луиз. Ачим удмурт бере, «Народные традиции удмуртов» альбом дасяны малпам.
Совето Союзысь Геройлэн гуртаз улӥсько
2017-05-04
Быдӟым Атыкай ожмаськон дугдэм дырысен сизьымдон кык ар тырме. Гуртамы оже пыриськем ветеранъёс ӧвӧл ни. Ми, туала нылпиос, странамес но эрикмес утисьёслы, бадӟым тау кариськом, бырем солдатъёсты котьку буре ваиськом, шудо улонмы понна соос азьын музъемозь йыбырттӥськом.
Гуртооссэ выль иворъёсын шумпоттэ
2017-05-04
Туала вакытэ тросэз электронной почталы, интернетлы выжизы ке но, куд-ог адямиос азьвыл сямен ик ог-огенызы гожтэтъёс пыр кусып возё, газет-журналъёслы гожтӥсько. Соос почта нуллӥсез чидатэк витё. Байшады гуртын улӥсьёс, кылсярысь, Эвелина Хайдароваез шумпотыса возьмало. Со арняяз куинь пол гуртооссэ выль иворъёсын шумпоттэ. Нош со понна Эвелина Фёдоровналы тямыс иськемез ортчоно луэ. Кӧс куазен со сюрессэ велосипедэн, мотоциклэн вакчиятэ, нош буранэн, зоро-кото нуналъёсы Пётр кузпалыныз бускель гуртысьтызы почта ёзэтазы машинаен ветло.
Бусы ужъёслы дыраз, пыр-поч дасяськоно
2017-04-20
КАЛТАСЫ ёросысь «Победа» ООО-лэн Бадӟым Качакысь ёзэтаз ёрос агроконференция ортчиз. Со тулыс бусы ужъёсты радъянлы сӥземын вал.
Мар сярысь сюлмасько алтауос?
2017-04-13
Бурай ёросысь Алтау гуртын собрание радъяськиз. Отчы Бурай ёрос администрациен кивалтӥсьлэн социальной ужпумъёсъя воштӥсез Н. М. Хаматдинов, полициысь участковой уполномоченной Р. Б. Дюсьметов, полициын ужась И. Ф. Галиев, гурт хозяйствоя управлениысь валтӥсь агроном Р. М. Шагиахметов, ёрос эмъюртысь валтӥсь эмчилэн лечебной люкетъя воштӥсез А. Р. Габдуллина, ДРСУ-ысь валтӥсь инженер И. Ф. Нуриев, пенсионной фондын ужась С. Н. Гарипова, ёрос Кенешлэн депутатэз Л. Н. Хамитьянова пыриськизы.
Финн-угор калыкъёс ӵошен азинско
2017-04-13
Башкортостанысь Калыкъёслэн эшъяськон юртазы республикаысьтымы финн-угор калыкъёслэн ассамблеязылэн отчётно-перевыборной конференциез ортчиз. Отчы БР-ысь культурая министрлэн нырысетӥ воштӥсез Валентина Латыпова, БР-лэн Тӧроезлэн администрациысьтыз представитель Вадим Антонов, БР-ысь Калыкъёслэн Эшъяськон юртэнызы кивалтӥсь Азат Ибрагимов пыриськизы.
Куштӥськем кортъёсты «улӟыто»
2017-04-06
Юнме уг верало, дыр, быгатӥсь муртлэн ки улаз лултэм маке но улӟе шуыса. Янаул ёросысь Шудекысь Руслан но Андрей Зайдулинъёслы но таӵе кылъёс тупало. Гуртысь кулибинъёс шуыны луоз соосты. Агай-вынъёс ветлӥсьтэм машинаослэсь запчастьёссэс но мукет куштӥськем корт арбериослэсь пичи трактор, снегоход люказы. Озьы соос кулэтэм, костаськись кортъёслы «лул» пыртӥзы.
Висёнэз куддыръя шуныт кыл но бурмытэ
2017-04-06
Калыкын верало: «Тазалык – узырлык». Таза ке луид, улонысь секытлыкъёсты вормыны кужым шедьтод. Байшады гуртысь Дарбина Нуртдинова татчы выль кен луыса вуэмез дырысен фельдшерын тырше. Та удысын со 31 ар ужа ни.
Бадӟым ву лыктэ
2017-03-30
Башкортостанын тужгес бадӟым тудву луэм 1979-тӥ арын.
1 ... 71 72 73 74 75 ... 87