«Вамыштоно ке, мед кылёз пытьы…»
2014-02-27
Шаугетӥсь но ӵашетӥсь нюлэсъёс, жильырась но пӧзись ошмесъёс, муресь но пыдэстэм нюкъёс, ӵошкытэсь но вӧлмытэсь возьёс, лудъёс, син сузёнтэм паськыт бусыос, пичиесь но бадӟымесь шуръёс – котьмаин узыр башкир музъеммы. Тыршись, гажамон, дано адямиос но шаерамы лыдтэм-чоттэм. Соос пӧлысь одӥгез – Ренат Биктимирович Галямшин. 28-тӥ тулыспалэ удмуртъёслэн данъяськымон адямизы 65 арес тырмон юбилейзэ пусъёз.
Калык соослы оске
2014-02-20
Татышлы ёросысь Утар-Елга гуртысь Зинаида но Вадим Ивановъёс бадӟым пизылэсь, Сергейлэсь, азьланяз кин луонзэ пичи дырысеныз ик тодыса улӥзы. Со котьку военной луон сярысь малпаське вылэм. Школаын дышетскыкуз уж быръён сярысь сочинениоссэ эскероно ке, Сергейлэн соос огвыллемесь: котькудаз военной луон мылкыдыз шараяське.
Мон – удмурт. Удмурт кылэн данъяськисько
2014-02-20
Башкортостанын, берпуметӥ лыдъян-чотанлэн лыдпусъёсызъя, 4072,2 сюрс адями улэ. Соос пӧлысь тросэз ог-огзылэсь лулчеберетсыя, сям-йылолъёссыя, вордскем кылзыя висъясько. Уго республикамы калыкез ласянь Россиысь тужгес узыр регионэн лыдъяське. Татын, кылсярысь, 121 пӧртэм кылъёсты пумитаны луэ. Зэм, калыкез лыдъян-чотанын 97,6 сюрс адями анай кылзэ пусйыны пумит луиз. Соин та лыдпусъёс ласянь республикамы, оло, узыргес но луыны быгатысал.
Ӟеч дышетске, пӧртэм ужрадъёсы пыриське
2014-02-06
Янаул ёросысь Вуж Варяш школаысь 10-тӥ классын дышетскись Валерия Милитдинова пӧртэм ласянь усто луэ.
Улонзы синмаськымон пӧрме
2014-01-30
Нефтекамск городын улӥсь Венера Сайфутдиновна Михайлова сярысь тросэз ӟеч кылъёсын гинэ верало. Чильпаськыны, керттӥськыны, вуриськыны яратӥсь кышномуртлэн киосыз котьку пӧртэм ужъёсын выро. Сергей кузпалыз но ачиз кадь ик усто. Со сярысь Венера Сайфутдиновна ушъяса гинэ вера:
Тазалык котьмалэсь дуно
2014-01-23
Калтасы ёросысь Покчи Качак гуртысь Людмила Меншатова улонзэ эмъюрттэт возьматон удысэн герӟам. Бирскысь медколледжез йылпумъям дырысеныз со Качкин-Турайысь фельдшер пунктын тырше.
- Гуртын 268 адями улэ, со пӧлысь ньылез – нуныос. Висьыны усё ке, соос нырысь мыным вазисько. Тазалыксылы тросгес арлыдоос ӝожтӥсько. Нуныосын семьяос доры ачим ӵемысь вуылӥсько, - вера Людмила Шарипзяновна.
Офицер луыны малпа
2014-01-16
Тол каникул нуналъёсы пиналъёс понна тужгес шулдыр вакыт вуэ. Выль арез матысьёсынызы ӵошен пумитаны дыртыса, дор палъёсазы студентъёс но берто. Татышлы ёросысь Вылысь Татышлыын улӥсь Айвар Сафин но вордскем палъёсаз шумпотыса бертӥз. Дораз нуись сюрес сярысь Айварлы ӝыны арлы матэ малпаськоно луиз. Оло, нош солэн мӧзмыны дырыз но ӧз луы, дыр, малы ке шуоно Айвар туэ Санкт-Петербургысь военно-морской академие дышетскыны пыриз. Вуонояз со офицер луыны малпа. Мон Айварлы кӧня ке юанъёсын вазиськи.
Гурт калыклы данъяськымон дышетӥсь
2014-01-16
Янаул ёросысь Вуж Варяш гуртын улӥсь Владимир Галиханович Галиманов ужан сюрессэ пиналъёслы тодон-валан сётонэн герӟам. Владимир Галихановичен пумиськыку, школаын дышетскон аръёсы тодам лыктӥзы. Визьмо учкись синъёсаз, ӝот-ӝот вамышъёсаз дышетоно пиналъёсыз азе чурыт куронъёс пуктыны быгатэмез шӧдӥське. Со кадь дышетӥсьёсты пӧяны уд дӥсьты, куронъёссэ одно ик быдэстыны тыршод, азяз янгышаны возьыт луоз, нош ушъяса верам кылъёсыз котьмалэсь дуно потозы. Владимир Галиханович физкультурая, трудъя но НВП-я урокъёсты дышетэм. Быдэсак тусбуяз, выросъёсаз военной адямиослэн «шӧмзы» пыӵамын.
Гурезьын
2014-01-16
Ой, акыльтӥзы ук шутэтскон нуналъёс. Вож кыз, Выль ар пумитан ӝыт, пумтэм-йылтэм шулдыръяськонъёс. Кожалод, вань дунне кыӵе ке выжыкылэ йыромем. Шутэтскон но шутэтскон. Изь, кӧня иземед потэ, кунояськы - кӧня мылкыдыд куре.
Быдэстоно ужпумъёс сак эскеремез куро
2013-12-19
Россия Федерацилэн Президентэз Владимир Путин Федерал Собрание азе Вазиськонэн потӥз. Шаермылэн азьмуртэз отын пӧртэм удысъёсын герӟаськем ужпумъёсты ӝутӥз.
Школаямы нянез данъямы
2013-12-19
Туала вошъяськись уло¬намы гурт удысын тыршисьёслэн ужзы туж кулэ но данъямон луэ. Гурт хозяйствоын ужасьёслэн тыршеменызы ӝӧк вылэ пӧртэм сиён-юонъёс вуо. Бадӟым городъёсын но гуртъёсын улӥсьёс понна нянь тужгес дуно сиён луэ.
Уж шоры кузё синмын учконо
2013-12-12
7-тӥ толсуре Башкорто¬стан Республикалэн Президентэз Рустэм Хамитов Татышлы но Балтач ёросъёсы вуылӥз. Со татысь вуз поттонлэн но социальной удыслэн азинскеменызы тод¬матскиз.
«Востэм луыны модно ӧвӧл»
2013-12-12
Ижкарысь Эшъяськон юртын «21-тӥдаурысь егитъёс» улоскуспо научно-практической конференция ортчиз, туэ со кыкетӥзэ радъямын ни вал. Солэн ужаз пыриськизы Удмурт Элькунысь, Татарстанысь, Марий Элысь, Киров но Свердловск улосвылъёсысь егитъёс, тодосчиос, егитъёсын кивалтӥсьёс, усточиос. Конференцие Башкортостан Республикаысь Балтач, Татышлы, Калтасы, Янаул, Кушнаренко ёросъёсысь дышетӥсьёс но нылпиос вуылӥзы.
Быдэсъяно ужез сюлэмызлы матын
2013-12-12
Калтасы ёросысь Бадӟым Качак гуртын улӥсь Роза Уразметовна Саитгалиева-лэн бухгалтер луыса ужан аръёсыз 28 арлэсь ортче¬мын ни
Сюрес нуэ «Искоже»
2013-12-12
1987-тӥар. Та аре Нефтекамскын улӥсь Роза Шакирзяновалэн уж сюресэз городысь «Искожен» герӟаськем. Со отын басма, шорт бинись (мотальщик) луыса ужаны кутскем. Бӧрысь солы буяськисьлэсь (красильщиклэсь) ужзэ ӵектӥллям. Со дырысен 25 арлэсь трос вакыт ортчем ини, нош Роза Владимировна ялан дышем ужаз тырше.
Адями чебер уженыз, музъем – будосэныз
2013-12-05
Дунне вылэ нокин дано луыса уг вордӥськы. Адямиез ужъёсызъя, тыршемезъя, вормонъёсызъя дунъяло. Янаул ёросысь Вуж Варяш гуртысь Миншакир Шаритдинов гуртаз гинэ ӧвӧл, ёросаз одӥгез гажамон адями. Кызь арлы матэ гурт поселенилэн администрациеныз кивалтӥсь котьку ӟечсэ лэсьтон малпанъёсын уж дураз вамыштэ. Солэн калыкез, гуртэз понна лэсьтэм ужъёсыз лыдъяса быдтонтэм.
Пинал сюлэм шунытэз мед шӧдоз
2013-11-28
25-тӥ шуркынмон толэзе Башкортостанэ РФ-лэн Президентэз бордысь Нылпиослэн эрикрадзыя (правооссыя) уполномоченной Павел Астахов вуылӥз. Та нуналэ ик со республикалэн Президентэныз Рустэм Хамитовен пумиськылӥз.
Пельпумъёсаз кизилиос пишто
2013-11-28
Дознаватель. Полициын ужасьёслэн малпамзыя, та уж секыт но тунсыко. Йыружъёсты сэрттон-пертчонын дознаватель котьку бадӟым юрттэт возьматэ.
Дырзэс юнме ӧз ортчытэ
2013-11-21
Янаул ёросысь Шудек школаысь пиослэн гужем шутэтскон нуналъёссы юнме ортчымтэ. 8-тӥклассын дышетскисьёс Константин Шайдуллин но Андрей Зайдуллин, 9-тӥклассысь Никита Габтиевен Сергей Васильев, 11-тӥ классын дышетскись Дмитрий Шайдуллин гурт хозяйствоын тыршыса табыш поттӥллям. «Победа» ООО-е пинал ужасьёсты шумпотыса кутӥллям. Соос комбайнын ужасьёслы юрттӥськиллям, кырын пудо возьмаллям.
Быгатонлыкъёссы данъяськымон
2013-11-21
Кирга школаен кивалтӥсь Светлана Алексеевна Ментимирова: «Дышетӥсьёсмылэн шаер конкурсын вормонзы – ми понна пумтэм шумпотон. Ужрадэ пыриськыса, Татьяна Денисовнаен Маргарита Катыпзяновна быръем ужзэс гажамзэс, лулысь-сюлмысь ужамзэс возьматӥзы. Азьланяз но соосты уж дуразы бадӟымесь вормонъёс мед витёзы».
