icon_gotop
18+
autorisation
Войти | Регистрация
Время в Татышле
03:57
Sunday, 28 Ноября
Рекламный баннер 990x90px top

Культура

Тазалыкмес кыдатӥмы, анай кылын сюлмысь вераськимы
2015-03-19
ЮЖТОЛЭЗЬ - Нефтекамскын улӥсь удмуртъёс понна тужгес «пӧсь» толэзь. Та толэзе городын удмурт кыллы, культуралы но литературалы сӥзем месячник ортче.
Тулыс вуиз яркыт дӥсьёсын
2015-03-12
Тани нош ик вуиз шулдыр тулыс, атасъёс кырӟало, тылобурдоос чирдо, шундылэн шуныт сиосыз лымыез шунто, нылпиос бызьыло, серекъяло!
Куноын – выжыкылысь геройёс
2015-03-05
Вуж Варяш культура юртын Литературалэсь арзэ усьтонлы сӥзем ӝыт ортчиз. Отын гурт калыклы вазиськыса интыысь поселенилэн администрациеныз кивалтӥсь М. Ш. Шаритдинов вераськиз. Собере гурт библиотекаен кивалтӥсь М. Е. Хисамутдинова лыдӟисьёсынызы ӵош дасям выжыкылзэс возьматӥзы.
Табань зын лӧсъяськиз омырын
2015-02-26
Туэ Вӧй келян тулыспал толэзьлэн берпуметӥ арнянуналаз тупаз. Та нуналэ котькуд гуртын сямен шудон-шулдыръяськонъёс радъяськизы. Бурай ёросысь Алтау гуртын улӥсьёс но тулысэз пумитан ужрадэ шумпотыса вуизы. Ужрадэз дасян сярысь сюлмаськизы гуртысь клубен кивалтӥсь Ирина Шарафутдинова но библиотекарь Альфира Минниахметова.
Вормонлэн куараез аръёс ӵоже чузъяське
2015-02-19
Быдӟым Атыкай ожын Вормонлы сӥзем «Победа» марафон Бирск ёросэ выжиз. Со сяна, Котьку ӝуась тыллэсь пичи люкетъёссэ Балтач, Бурай, Татышлы ёросъёсы келязы. Ӵапак отысь кырӟась-эктӥсьёс 17-тӥ тулыспалэ Янаул городын ортчем калык творчествоя «Салют Победы» конкурсэ пыриськизы.
Нылпиос книгаен мед эшъяськозы
2015-02-19
Россиын, кызьы тодӥськом, 2015-тӥ ар Литературалы сӥземын. Арлэн эмблемаяз куинь тодмо гожъясьёс возьматэмын: Александр Пушкин, Николай Гоголь но Анна Ахматова.
Малпанъёс сюлэмъёсмес ӵушкало на
2015-02-12
Быдӟым Атыкай ож бере 70 ар ни ортчемын. Нош солэн тылгизьыез али ке но асьмелэсь сюлэмъёсмес ӵушка на. Солэн пытьыез ноку, нокинэн вунэтонтэм.
«Дунне вылын мед луоз шудо улон»
2015-02-05
Кыкетӥтулыспалэ Уфаын Быдӟым Атыкай ожын Вормонлы сӥзем республика марафон кутскиз. Та нунал юнме быръемын ӧй вал. Ӵапак соку Совето Союзысь ожгарчиос Сталинград ожын тушмонэз пазьгизы.
Уж но вормон герӟасько крезьгурен
2015-02-05
Толшор толэзьлэн берпуметӥ нуналаз Татышлы ёросысь Вуж Курдымын лулчеберетлы, ужлы но спортлы сӥзем ёрос эстафета усьтӥськиз. Литературалэн арез, Быдӟым Атыкай ожын Вормонлы 70 ар тырмон, Татышлы ёрослэн кылдэмезлы 80 ар тырмон улсын ортчись ужрад гурт поселениос пӧлын радъяськоз. Эстафетаез усьтон юнме шорысь Вуж Курдым культура юртын ӧз радъяськы: та гуртын вордскыса будэмын Башкоростанысь калык кылбурчи Ангам Атнабаев. Ужрад обелиске венок понон бордысен кутскиз. Кышкыт ожысь берытскемъёсты буре вайыса, калык одӥг минут ӵоже шып сылӥз.
«Сьӧрады ӧсъёсты пытсаны эн дыртэ…»
2015-01-29
Бирскын эстрада кырӟанъёсъя но эктонъёсъя «Крещенские морозы» республика фестиваль-конкурс ортчиз. Город 21-тӥ ползэ ни Башкортостанысь сцена вылысь кизилиосты пумитаз. Таяз арын отчы 300-лэсь трос адямиос пыриськизы. Соослэсь быгатонлыкъёссэс «Эстрадная песня», «Эстрадный танец» но «Эстрадная музыка» но¬минациосын дунъязы.
Кӧлэ жадем музъем
2015-01-29
Тол. Кезьыт. Чылкыт омыр, Кыӵе чебер, югмыт котыр.
Антиквариатэн вузкарисьёс
2015-01-22
Кылчи Гури чиганлэсь «Штиль» бензопила басьтэм бераз, ӵуказеяз сое эскерыны потӥз. Ӵапак укно улаз, урамын, вандымтэ коръёс кыллё.
Выль ар уе
2015-01-15
Лена корка пушкытӥз шумпотон мылкыдын поръя. Урамын мамык лымы пурӟе. Туннэ Выль ар ӝыт, туннэ со анаен атайзэ Игореныз тодматоз. Со сяна, Леналэн туннэ вордӥськем нуналыз. Кӧня шумпотон - ваньмыз одӥг нуналэ! Зэмзэ верано ке, Лена понна Выль ар пумитан ӝыт выжыкыл кадь потэ. Пичи дырысеныз ни со та нуналэз котьку чидатэк возьма. Та уе выжыкыллэн зэмос быдэсме¬мез улоназ шӧдӥське.
Ачиз но ӝуа, мукетъёсты но кенжытыны быгатэ
2014-12-25
ТАТЫШЛЫ ёросысь Выль Татышлыысь культура юртын пӧртэм смотръёс, фестивальёс ортчыло. Зифина Ильдусовна Фархутдиноватэк та юртэз син азе пуктыны уг луы. Котькытын солэн ужез шӧдӥське. Ваньмыз понна сюлмыныз висись ӧнерчи котькытчы вутске. Ӟуч, удмурт, бигер кылъёсын умой вераськись кышномурт ушъяны но, тырмымтэез сярысь но дыраз вераны быгатэ. Татысь юртын кема аръёс ӵоже «Шулдыр ӝыт» калык ансамбль ужа. Пӧртэм аръёсы Р. Мусакаев, Д. Марданов, А. Рахимьянова, В. Даутова, Линда но Алина Гильмановаос кадь яркыт кизилиос ӝуатскизы. Татын ӝуатскем котькуд кырӟась-эктӥсьлэн яркыт пиштэмаз Зифина Ильдусовналэн тыршемез шӧдӥське. Со угось пичиеныз но, егитэныз но, мӧйыеныз но огкыл шедьтыны быгатэ. Соин, вылды, ужазы басьтэм вормонъёссы но трос. 2013-тӥ арын Зифина Ильдусовнаен дасям но ортчытэм «Клуб’ок» проект Гран-прилы кузё луиз. Ас удысаз быгатыса тыршись ӧнерчи сярысь веранэн ик йылпумъяммы потэ Лулчеберетлэсь арзэ.
Одӥг арын - кык вормон
2014-12-25
ТАИЗ ар Татышлы ёросысь Кызыл-Ярысь Румяна Шайдуллина понна кемалы тодаз кылёз. Нырысь со «Вот задачка» быдэсросси конкурсын кыкетӥ степенё диплом утӥз. Нош кема ӧвӧл Румяна «Созвездие талантов» республика конкурсын «Художественное слово» номинациын вормисе потӥз.
Удмуртлыксэс утьыны сюлмасько
2014-12-18
Удмурт калык пӧртэм интыосын улэ, куд-ог адямиосты улон сюресэз кыдёкысь шаеръёсы, гуртъёсы но городъёсы вуттэ. Свердловск улосвылын огъя дас тямыс сюрслы матэ удмуртъёс уло. Дор палъёсысьтызы пӧртэм мугъёсын кошкыса, соос ас улонзэс азьланьто, пӧртэм удысъёсын ужало. Мукет калыкъёс пӧлын улыса ас кылзэс яратон но гажан мылкыдзы уг быры, лул-сюлэмзэс шунтыны юрттэ. 13-14-тӥ толсур толэзе Свердловск улосвылысь «Урал кенеш» огазеяськонлэн кичӧлтэмезъя, Каменск ёросысь Мартюш посёлокын но Дегтярск городысь библиотекаосын удмурт калыклэн культураезлы сӥзем сэрегъёс усьтӥськизы. Та ужрадъёсы газетмылэн редакциез но ӧтемын вал. Удмурт сэрегъёсты усьтонын «Ошмес» газетмылы гожтӥськон радъяськиз. Газетмы та сэрегъёсын бадӟым куно луиз.
Артэ но ӵош
2014-12-18
Башкиръёс но удмуртъёс дауръёс ӵоже уло артэ но ӵош. Соосты герӟало Урал гурезьёс, Кама но Агидель шуръёс, кыдёке кыстӥськись нюлэсъёс но кыр интыос. Та калыкъёсты культураоссы но матэ каро.
Финн-угор калыкъёслэн яркыт тугокозы
2014-12-04
Кылем арняын республикамылэн уйпал-шундыпуксён пал ёросъёсыз удмурт, пор, мордва но мукет калык кырӟан-эктон гуръёсын лэйказы. 26-28-тӥ шуркынмонэ Башкортостанын финн-угор калыкъёслэн лулчеберетсыя но искусствозыя укмысэтӥез йӧскалык фестиваль ортчиз. Со Нефтекамск городын усьтӥськиз.
«Жин-жин гырлыен, жингыр-жингыр арганэн…»
2014-12-04
Шуркынмон толэзьлэн берпуметӥ нуналаз Пермь шаерысь Куеда ёросысь Бадӟым Гондыр гуртын «Тол вӧсь» ортчиз. Та праздник христианстволэсь азьвыл возиськем сямен лыдъяське. Удмуртъёслэн йылолзыя, та нуналэ вӧсясьёс Инмарлы сётэм ю тысез, узыр бакча сиёнэз понна тау каро, кезьыт толэз капчиен вормыны кужым куро, ужрадэ вуэмъёсты ческыт ӝукен кунояло. «Пермь шаерысь удмуртъёс туннэ нуналэ уникальной этнической обществоен лыдъясько. Соос быгатыса утиллям, али но тыршыса утё асьсэлэсь сям-йылолъёссэс», - гожтэ этнограф, истори наукаосъя доктор Александр Черных.
«Урал-батыр» эпос пӧртэм кылъёсын чузъяськиз
2014-12-04
Башкортостанысь школаосын дышетскисьёс пӧлын «Урал-батыр» башкир калык эпосэз лыдӟисьёслэн республика конкурссы ортчиз.
1 2 3 4 5 6 7 8 9 10