Удмуртъёсты огазеяз «Элен»
2014-07-03
2008-тӥ арын Алтауын одӥг нуналэ куинь бадӟым ужрадъёс ортчизы. Ӵапак соку ик республикаямы быдӟым Элен вӧсь улӟиз. «Осто, Инмаре-Кылчинэ» чузъяськиз со нуналэ котырак. Нош таиз арысь 29-тӥ инвожое Алтау музъем вылын куинетӥ ползэ ни Быдӟым вӧсьын Инмарлы вазиськизы. Озьыен, туэ со огъя сизьыметӥ ползэ радъяськиз. Элен вӧсьын арысь аре республикаысьтымы Алтауын но Вуж Варяшын сяна, Пермь шаерысь Кирга музъем вылын но йыбыртто.
«Гуртэ, мынам гуртэ…»
2014-07-03
«Гуртэ, мынам гуртэ. Бадӟым ик со ӧвӧл…» - Г. Корепанов-Камскийлэн чуръёсыныз усьтӥзы гуртлы сӥзем праздникез ужрадэз нуисьёс Лидия Пукрокова но Гульфиза Садриева.
Ми «Гербере» вуылӥмы
2014-06-26
Котькуд гужем Удмурт шаерын улӥсь калык «Гербер» шулдыръяськонэз шумпотыса возьма. «Гербер» - бусы ужъёс йылпумъяськем бере ортчись праздник. Со Инмарез, Куазез, Кылдысинэз данъяса, калыклэн быдэстэм ужез сярысь вера, тулыс бусы ужъёслы йылпумъян лэсьтэ, тужгес тыршыса ужасьёслэсь нимъёссэс дано каре.
Калыкъёсты герӟась, ужасьёсты данъясь шулдыръяськон
2014-06-12
Тулыс бусы ужъёслэсь йылпумъяськемзэс гурт калык вашкала дырысен пусъе. Та йылол туннэ нуналозь но возиськемын. Котькуд ар инвожо толэзьлэн нырысетӥ нуналъёсаз шаерамы сабантуй радъяське. Гырон быдтон праздник ужасьёсты но, палэнысь куноосты но огазея. Та нунал шулдыр гуръёсын, кырӟанъёсын но эктонъёсын тырме.
Укноосын яркыт тылъёс мед пиштозы
2014-06-05
Адями аслэсьтыз ужзэ кызьы быръе? Со сярысь тросэзлэн малпаськемзы вань, дыр. Мон малпасько, котьмалы нырысь ик мылкыд кулэ. Калтасы ёросысь Бадӟым Качак гуртын улӥсь Виктор Шакирович Матзяновлэн трудовой книжкаяз учкид ке, 1977-тӥ арын культура юртазы художественной руководителе юнматэмзы сярысь верась чуръёсты гинэ пумитаны луэ. Культура удыслы 37 ар ужан аръёссэ сётыса, Виктор Шакирович али ке но уж дураз дышем сюрестӥз дыртэ. 1990-тӥ арын СССР-ысь Культурая министерстволэн нимыныз ас удысаз усто тыршемез понна солы гадьпус сётӥзы.
Паськыт урам, чебер урам, данъяломы тонэ…
2014-06-05
Урамъёс…Тӧдьы льӧмпу сяська пӧлы выйыса, радэн сыло чебер юртъёс. Коть-куд юрт югыт тылын пиштэ, котькуд коркан улон азьланьтӥське. Нылпи куараосын тырмем урам. Талэсь чеберез дунне вылын вань меда? Тӥни нылпиос бызьыса урам кузя лыкто. Соос - гуртлэн азьлане вамышез, гуртлэн вуоноез. Гурт урам жингрес нылпи куараосын тырмыса сайка, улӟе, чебергес луэ. Нылпи ке вань, гурт но вань, гурт ке вань, улон но вань. Гуртъёсысь, чебересь урамъёсын будыса дуннее пото адямиос. Соос ас гуртсэс но ас шаерзэс данъяло, быдэс дуннелы тодмо каро. Гурт урам. Кӧня отын кужымез, чеберез, данъяськымон музъем шунытэз. Со вылтӥ ветлыса нылпи кужым люка, визь шедьтэ, улон шоры учкыны, сое валаны дышетске. Котькӧня ар мед ортчоз, адями гуртэзлэсь котькыӵе кыдёке мед кошкоз, сюлэмыз сое одно ик вордскем гуртаз, будэм урамъёсаз вуттэ.
Ужаны но шаермес утьыны ми котьку дась!
2014-05-26
Туала пиналъёслэн, егитъёслэн «Готов к труду и обороне» физкультурно-спортивной комплекс сярысь оло кылэмзы но ӧвӧл, дыр. Нош Совето Союз вакытэ будэмъёслы-улэмъёслы котькудӥзлы сямен соин пумиськылоно луиз. Уго 1931-тӥарысен тодон-валан басьтонэн но спортэн герӟаськем интыосын выль программа быдэстӥськыны кутскиз. Шаермылэн кивалтэтэз сое калыклэсь тазалыксэ юнматон вылысь кылдытӥз.
Ассэ дораз кадь шӧдэ
2014-05-22
УДМУРТ кун университетын пӧртэм кылъёсты дышето. Нош студентъёслэсь тодон-валанзэс будэтон вылысь, кунгож сьӧрын практика ортчыны луонлыкъёс кылдытэмын. Озьы 2006-тӥ арын Балтач ёросысь Асавка гуртысь Марина Ишназарова но нырысьсэ Финляндие вуиз.
«Чакаралэн» куараез кыдёке чузъяськиз
2014-05-01
2009-тӥ арын Ижевскын нырысьсэ Камсьӧр удмуртъёслэн фестивальзы ортчиз.
Сюлмазы калык кырӟан гуръёс курисько
2014-05-01
Таиз арысь «Чакара» Выль Татышлы школаын дышетскись Алина но Линда Гильмановаослэн (туспуктэм вылын паллянысен буре) кемалы тодазы кылёз. Сузэръёс нырысьсэ улосвылкуспо фестивале пы¬риськизы но жингрес куарао-сынызы паймытӥзы. Нылъёс нырысь туала пиналъёслэсь калык кырӟанзэс возьматӥзы, нош собере – вашкалае «вамыштӥзы». Озьы сцена вылын кык туклячиос пумиськизы. Та вакытэ тросэз ӧз но малпалэ, дыр, учкисьёсты кыкетӥ но сизьыметӥ классын дышетскись нылъёс шулдырто шуыса.
Нылпи синъёс, шудо аръёс
2014-05-01
Янаул ёросысь Шудек гуртын улӥсь Ралина Михайловна Гареевалэн улонэз пиналъёслы визьнод сётонэн герӟаськиз. Трос аръёс ӵоже дышетӥсь тодон-валан дуннеын «пӧзьыса» улӥз. Ралина Михайловна БР-ысь дышетон удысысь отличник луэ. Солэн ужез ёрос, республика грамотаосын но дипломъёсын пусъемын. Кема ӧвӧл дышетӥсь юбилейзэ пусйиз. Доразы куное кожылыса, мон гажано дышетӥсен пумиськи.
Чебересь, шаплыесь но йӧноесь
2014-04-24
Янаул ёросысь Вуж Варяш гуртысь культура юрт республикаысьтымы чебер нылъёсты пумитаз. 18-тӥоштолэзе татын ньылетӥез «Чеберина» конкурс ортчиз. Со кык арлы одӥг пол радъяське. Отчы пыриськон понна, нылъёс чебер мугорынызы данъяськон сяна, удмурт кылэз но ӟеч тодыны кулэ. Таяз арысь вожвылъяськонэ Калтасы, Татышлы, Янаул ёросъёсысь но Нефтекамск городысь укмыс чеберайёс вуизы. «Туннэ татчы республикаысьтымы тужгес чебер удмурт нылъёс люкаськизы, - шумпотон мылкыдзэ усьтӥз БР-ысь Эшъяськон юртлэн кивалтӥсезлэн воштӥсез В. А. Фарганова. - Соос сям-йылолъёсты ӟеч тодэмзэс, киужлы усто луэмзэс возьматозы».
Кырӟаса но вераса, мылкыдъёсмес бурдъяса
2014-04-24
Фольклор коллективъёсты учкыса, ӵем дыръя йыре малпан лыктэ: нош кызьы кылдо коллективъёс? Кырӟаны, вераны, эктыны яратӥсь капчи мылкыдо адямиос огазе кариськыса ужаны малпало? Оло нош сыӵе адямиосты клубын ужасьёс сцена вылэ, лулчеберет дуннее кыско?
Нырысетӥ «кечсинъёс»
2014-04-24
Нюлэс кушъёсын чебересь кеч¬синъёс ӧз ӝужалэ на. Нош лымы улысь соос интые тол ӵоже люкам ваньбуръёсмы «ӝутско» ни. Соос пӧлын тужгес трос пумисько пӧртэм ӟенеликъёс. Соин куддыр паймоно: макем узыр улӥськом асьмеос. Но со пумысен туж шумпотоно ӧвӧл, вылды. Уго со выллем узырлык куддыр трос синкылиен берыктӥське. Азьвыл аръ¬ёсы тросэз кузпалъёссы яке пиоссы коньдонзэс водкалы яке сурлы быд¬то шуыса ке ӝожтӥськизы, табере со¬осты спирт воштэ. Калыкын сое «фан¬фурик» нимало. Та выллем суретэз (сое оло спиртэн ниманы но уз луы) вуэн сураса, 40 градусъем курыт юон пӧрмытыны луэ. Басьяськисьёслэсь коньдонзэс со шӧдскымон шыръя. Нош тазалыксэс вормонтэм «сюпсе».
Калык пӧртэм сюлмаськонэн улэ
2014-04-17
Туннэ нуналэ республикаысьтымы аскивалтэт кун бюджетысь юрттэт вылын возиське. Озьыен, соослы ужъёссэс быдэстыны дотациос сётӥсько. Гурт поселениослэн асьсэ кужыменызы пыртэм бюджетсы туж пичи луэ. Угось интыысь бюджет налогъёслэсь кылдэ. Гурт поселенилэн музъем вылаз мувӧй поттӥсьёс яке мукет бадӟым огазеяськонъёс ӧвӧл ке, трос коньдон пыртонлы осконэз ӧвӧл. Нош асьмеос, огшоры калык, со сярысь куддыр чик ум малпаське. Сельсоветлэн коньдон пуйыез пыдэстэм кожаськом. Соин ӵемысь кивалтэтэз вормонтэмзэ но быдэстыны куриськом. Озьы нуналысь нуналэ пӧртэм юанъёсын яке сюлмаськонъёсын сельсоветэ дыртӥськом. Туннэ соос пӧлысь кӧняезлэн ке ужъёсынызы тодматском.
«Выжы кыл» пӧртэм калыкъёсты люказ
2014-04-17
Екатеринбургын удмурт фольклоръя куинетӥез «Выжы кыл» регионъёс куспысь фестиваль ортчиз.
Кусыпъёс юнмалозы, эшъяськонмы кужмоялоз
2014-04-17
Кылем арняын БР-ысь Культурая министерстволэн но Калык творчествоя республика центрлэн кичӧлтэмзыя культура удысын ужасьёслэн семинарзы радъяськиз. Ньыль нунал ӵоже радъяськем ужрадын Удмурт Элькунысь делегациез пумитаны чакламын вал. Отчы Ува, Шаркан, Сюмси, Якшур-Бодья, Пичи Пурга, Камбарка ёросъёсысь но Ижевск городысь культура юртъёслэн кивалтӥсьёссы пыриськизы. Делегациен кивалтӥз УР-ысь культура удысын ужасьёслэсь квалификацизэс будэтонъя центрлэн кивалтӥсез О. Н. Гелюх.
Таза анай-атай - шудо нылпи
2014-04-10
Россиын берло аръёсы наркотикен, юонэн, кысконэн нюръяськон ласянь бадӟым ужъёс нуисько.Озьы РФ-ысь Президентлэн В. В. Путинлэн косэмезъя шаерамы нимысьтыз Концепция дасямын. Со улсын республикаямы 2011-тӥ арысен «Трезвое село» проект быдэстӥське. Отчы 180-лэсь ятыр гуртъёс но городъёс пыриськыны мылкыд каризы. Проект калыкез тазалыко улонэн эшъяськытон, егитъёс пӧлын кысконэн, юонэн но наркотикен эшъяськисьёслэсь лыдзэс кулэстон вылысь радъяське. Туннэ «Трезвое село», Башкортостанын сяна, Новосибирск шаерын, Свердловск но Тюмень улосвылъёсын, Удмуртиын но Тыва Республикаын быдэстӥське. Татысь кивалтэтъёс оско: урод сямъёсты вормыны луоно.
Библиотекаын тунсыко арня ортчиз
2014-04-10
Балтач ёросысь Асавка гуртысь Совето Союзысь Геройлэсь Уль¬мас Шакирович Шакировлэсь нимзэ нуллӥсь модельной библиотекаын пӧртэм ужрадъёс ортчыло. Кема ӧвӧл татын нылпи книгаослы сӥзем арня луиз. Сое библиотекарь Гульфиза Са¬дриева ортчытӥз но Лулчеберетлэн арезлы сӥзиз. Нырысь библиотекае пичи лыдӟисьёс вуизы, соос понна тунсыко экскурсия радъяськиз. Пиналъёс пӧртэм писательёслэн но поэтъёслэн нылпиос понна гожтэм чуръёсынызы, выль книгаосынызы тодматскизы.
Лулчеберетлэн зарни сиосыз
2014-04-03
Башкортостан Республикалэн Президентэзлэн Р. З. Хамитовлэн Указэзъя, 2014-тӥ ар Башкортостанын Лул-чеберетлэн ареныз ялэмын. 23-тӥ толшоре Уфаысь Искусствоя училищелэн Концерт залаз Лулчеберетлэсь арзэ усьтон ужрад ортчиз. Со улсын республикаын муниципал огазеяськонъёс пӧлын «Культурная столица Башкортостана» марафон радъяське. Со нырысетӥ вамышъёссэ лэсьтӥз республикалэн уйпал-шундыпуксёнпал люкетаз интыяськем ёросъёсысен. Ар ӵоже марафон шаерлэсь котькуд карзэ но ёроссэ пыр потоз. Ужрад ар пумын Уфаын йылпумъяськоз.
