icon_gotop
18+
autorisation
Войти | Регистрация
Время в Татышле
04:13
Sunday, 28 Ноября
Рекламный баннер 990x90px top

Культура

Гожъяськонлэн но кыллэн пӧртмась кужымзы
2015-10-22
Литературая марафон республикаысьтымы ёросъёстӥ вамышъёссэ лэсьтэ. Кылем арняын Калтасы ёрос Литературалэн арезлы сӥзем марафонлэсь тодметпуссэ – бадӟым книгаез – Балтач ёрослы сётӥз. Литературая марафон улсын Калтасы ёросын бадӟым ужрадъёс ортчизы.
«Бадӟым книгалэн бамъёсыз тросгес но яркытгес мед луозы»
2015-09-17
Республикаын литературной марафон азьланьтӥське. Дас одигетӥ куарусён толэзе эстафетаез Татышлы ёрос басьтӥз. Нош татышлыос доры сое Аскын ёрос вуттӥз. Ужрадэ БР-ысь писательёслэн кенешсылэн ёзчиосыз пыриськизы. Соос пӧлын вал: нылпи кылбурчи Фарзана Губайдуллина, кылбурчи Хисмат Юлдашев, «Кызылтан» газетын ужась, кылбурчи Ляйсан Кашфи, прозаик, «Башкортостан» газетын ужась Айгиз Баймухаметов, кылбурчи но журналист Любовь Колоколова, Республикаысь синтэм адямиослэн библиотекаенызы кивалтӥсьлэн воштӥсез Вера Пантелеева.
Инфопикник пӧртэм калыкъёсты люказ
2015-09-17
Асьмелэн котькудмылэн пичи Родинамы вань. Отын адями улэ, шудзэ шедьтэ. Нош уно сюрс калыклэн сюлмызлы матын луэ Нефтекамск город. Со вакчи дыр куспын «будӥз» но бадӟым промышленной но культурной центрлы пӧрмиз. Куарусён толэзьлэн кутсконаз Нефтекамскын улӥсьёс Городлэсь нуналзэ пусйизы. Џукна пильмаськыса ке но улӥз, калыклы со Шутэтсконъя но культурая парке люкаськыны ӧз люкеты. Угось та нуналэ татын вазь џукнаысен крезьгур шудӥз. Ужрадэз ортчытыны городлэн администрациез паськыт план дасям. Озьы та нуналэ калык понна концертъёс, адӟытонъёс, Усточиослэн аспӧртэм аллеязы, пӧртэм шудонъёс но конкурсъёс радъяськизы.
Ыжгонмес но лӧдӥськом, гын сапегмес но кышъяськом
2015-08-27
Азьвыл аръёсы нылпиос пичиысен ик пӧртэм ужъёслы дышыса будӥзы. Нош туала вакытэ улонмы ӧжытлы воштӥськемын. Быгато меда асьмелэн кивоштӥсьёсмы, кылсярысь, гын сапег кышъяны яке сугон пуконаны? Таӵе юанъёс БР-ысь удмуртъёслэн национально-культурной центрзылэн Кенешезлэсь ёзчиоссэ но кемалась сюлмаськытӥзы ни.
«Орлёнок» – со выжыкыл дунне
2015-08-20
Ӝоген гужем каникулъёс йылпумъяськозы. Нылпиос выль кужымен дышетскон борды кутскозы. Нош кытын шутэтскизы республикаысьтымы удмурт пиналъёсмы? Тросэз шуозы, дыр, песяй-песятайёсмы яке ӵужай-ӵужатайёсмы дорын. Кинъёс ке ушъяськозы «Усточикаре» вуылэмзы пумысен. Нош Бадӟым Качакысь Света Галиахметовалы туэ выльысь «Орлёнок» лагере вуылыны кылдӥз.
Лагерен люкиськизы мӧзмыт гурен
2015-08-13
11-тӥ гудырикошконэ Татышлы ёросысь Комаров нимо лагерь мӧзмон гурен лэйказ. Та нуналэ отын «Усточикар» смена йылпумъяськиз. Нылпиослэн синъёсазы эшъёссылэсь, лагерь улонлэсь мӧзмон шӧдӥськиз. Нош кинъёслэн ке анай-атайзэс адӟыса синкылиоссы бам кузязы быльыразы.
Шутэтскозы, дышетскозы, мӧзмыны уз лу дырзы
2015-08-06
Башкортостанысь удмурт гуртъёсысь пиналъёс гудырикошконэз чидатэк возьмало. Та вакытэ соос понна дас куинетӥ арзэ ни «Усточикар» лагерь радъяське. Туэ солэн ӧсъёсыз 2-тӥ гудырикошконэ усьтӥськизы. Лагере республикаысьтымы Янаул, Татышлы, Калтасы, Ермекей, Балтач, Бурай ёросъёсысь, Пермь шаерысь Чернушка ёросысь нылпиос вуизы. Соосты ӧнерчиоссы но вожатойёссы шумпотыса но эшлыко мылкыдын пумитазы. Лагерьын сюлы матэ нылпиос шутэтскозы, быгатонлыксэс волятозы но тазалыксэс юнматозы.
«Нефтекамскысь удмуртъёслэн куаразы»
2015-08-06
Кык ар талэсь азьвыл Нефтекамске удмурт культуралэн нуналъёсызлы сӥзем ужрадэ вазизы. Городысь шаертодонъя музейын милемыз туж лякыт, зӥбыт кышномурт пумитаз. Озьы нырысьсэ тодматски Нефтекамскысь удмурт огазеяськонэн кивалтӥсен Фируза Фаизоваен. Со дырысен Фируза Шарапгалиевна милям, ошмесчиослэн, эшмы но, юрттӥськисьмы но луиз. Городэ вуиськом ке, яке кыӵе ке уж муген вазиськиськом ке, со ноку уз палэнскы, котьку, котькыӵе югдурын быгатэмезъя юрттэт возьматоз. Фируза апайлэн котькинэн капчиен огкыл шедьтыны быгатэмез ужез бордысь потэм, лэся. Со кема аръёс ӵоже школаын покчи классъёсты дышетэм.
Москваын ортчиз Гербер
2015-07-30
Туэ Москваын Удмуртилэн арез ортче. Вераны кулэ, 2015-тӥ ар Удмурт Элькун понна котыр ласянь узыр луэ. Кылсярысь, куартолэзе дано композиторлэн Пётр Чайковскийлэн вордӥськемез дырысен 175 ар тырмиз. Коньывуонэ Удмуртия кунлыксэ басьтэмез дырысен 95 ар тырмонзэ пусъёз. Солы сӥзьыса шаермылэн шоркараз пӧртэм ужрадъёс ортчылозы: котырес ӝӧк сьӧрын вераськонъёс, конференциос, адӟытонъёс но мукет. Нош 25-тӥ пӧсьтолэзе Москваын улӥсь удмуртъёс Герберын шулдыръяськизы. Люкаськем калыклы њечкылан кылъёсын вазиськиз УР-лэн Тќроез А. В. Соловьёв.
Сюресъёс вуттӥзы «Чакарае»
2015-07-02
Шулдыр, шундыё нунал. Калтасы музъемлэн одӥгаз нюлэсэн котыртэм, узыё, сяськаё возь вылаз регионъёс куспысь «Чакара» фольклор фестиваль ортчиз. Бадӟым ужрад Башкортостанысь, Татарстанысь, Удмурт Элькунысь, Марий Элысь, Пермь шаерысь, Томск, Тюмень, Свердловск но Киров улосвылъёсысь, Санкт-Петербургысь но Москваысь удмурт коллективъёсты, кырӟасьёсты но куноосты пумитаз. Фестиваль Ижевскысь камсьӧр удмуртъёслэн огазеяськонзылэн кичӧлтэмез улсын туэ куатетӥ ползэ ортчиз. Вераны кулэ, фестиваль юнме шорысь Бадӟым Качакын ӧз радъяськы, та гуртлэсь кыдёкын ик ӧвӧл Чакара гурезь интыяськемын.
Элен вӧсь - Вуж Варяшын
2015-07-02
Янаул ёросысь Вуж Варяш гуртын Элен вӧсь куинетӥ ползэ ни радъяськиз. Таяз арын со 28-тӥ инвожо толэзе тупаз. Та нуналэ куазь пӧсь, ӝокыт ке но улӥз, Бадӟым вӧсе калык трос люкаськиз. Отчы республикаысьтымы удмуртъёс сяна, Свердловск, Тюмень улосвылъёсысь, Пермь шаерысь но Удмурт Элькунысь вӧсез сӥлы карисьёс вуизы.
Ваннапалан ӝуатско тылъёс...
2015-06-11
Бусыос гыремын, киземын, бакча ужъёс но йылпумъямын. Гурт калык огвакытлы капчиен шокчыны быгатоз. Озьы ке но асьме калыкмы тыршыны улос котырысьтыз котьку маке шедьтоз, нош ужъёсын гинэ сюлэм тыр уг луы угось – шутэтсконэз но куре.
Куриськон кылъёслы инкуазь но шумпотӥз
2015-06-11
Гырон-кизён ужъёс йылпумъяськем бере, гурт калык тыро, шудо-буро улон курыса Инмар-Кылчинлы вазиськыны потэ. Озьы кылем арняын тросаз удмурт гуртъёсын гуртэн вӧсьёс ортчизы.
Удмурт кыллэсь мӧзмем сюлэмзы небӟиз кадь
2015-06-11
Свердловск улосвылысь удмуртъёслэн «Урал Кенеш» огазеяськонзы сизьыметӥ арзэ ужа ни. Солэн ёзчиосыз Ольга но Георгий Шамшияровъёс пӧртэм ужрадъёсы мыло-кыдо пырисько. ӵемысь соос асьсэос ик удмуртъёсты огазеясь ужрадъёсты ортчытон сярысь сюлмасько. Таяз арын Шамшияровъёслэн кичӧлтэмзыя Свердловск улосвылын удмурт дискотекаос радъяськизы. Со пумысен кӧня ке юанъёсын Ольга Шамшияровалы вазиськимы.
Шоркармы пӧртэм калык гуръёс вылын лэйказ
2015-06-04
Башкортостан Республикаын йӧскалык культураосъя «Бердэмлек - Содружество» калыккуспо фестиваль усьтӥськиз. Туэ со ШОС но БРИКС саммитъёслы сӥземын. Фестиваль тямысэтӥ инвожоозь кыстӥськоз но республикамылэсь пӧртэм сэрегъёссэ котыртоз. Нош нырысь со Белебей ёросэ вуиз. Туннэ отын «Распахнись, душа!» ӟуч калык шулдыръяськонъёс ортчизы. Нош собере Культурая дворец азьын быдэс дуннеысь калыкъёслэн лулчеберетсылэн, сям-йылолъёссылэн шӧмзы шӧдӥськиз.
Бадӟым уж – бадӟым вормон
2015-06-04
Таяз дышетскон арын Уразгильды школа пӧртэм проектной но исследовательской ужъёс быдэстонэ азинлыко пыриськеменыз висъяськиз. Ёрос конкурсъёсын сяна, школаын дышетскисьёс республика ужрадъёсын но вормонъёс утӥзы.
Нылпиослэн ымныразы мед луоз пальпотон
2015-05-28
Дунне вылын ноку ӧй вал нимысьтыз Нылпи шаер. Озьы ке но асьмеос, бадӟымъёс, котькудмы со пыр потэмын. Нылпи дырлэсь шунытсэ туннэ ке но сюлмамы утиськом, анай-атайлэсь небытэсь киосынызы вешамзэс тодамы возиськом.
Бырем солдатъёслэн нимъёссы уз вунэ
2015-05-14
Быдӟым Атыкай ож вакытэ Башкортостан Республика трос солдатъёссэ ож бусые келяз. Но соослы ӧз кылды ваньзылы вордскем палъёсазы берытскыны.
Кырӟанъёсын возисько калык сямъёс
2015-04-10
Южтолэзь пумын Куеда ёросысь Шагиртысь «Инвожо» ансамбль нырысетӥ юбилейзэ – вить ар тырмонзэ – пусйиз.
«Котьку мед луоз эшъяськонмы»
2015-03-26
Арлы быдэ, тулыс каникул нуналъёсы, удмурт школаосысь пиналъёс нылпи творчествоя республика фестивальын пумисько. Туэ усточиосты «Лучшие школы России» быдэсросси конкурсын вормон утэм Татышлы ёросысь Улысь Балтач школа пумитаз. Дас тямысэтӥ ползэ радъяськись ужрадэ Калтасы ёросысь Бадӟым Качак, Татышлы ёросысь Выль Татышлы, Вязовка, Калмияр, Кызыл-Яр, Улысь Балтач, Уразгильды, Янаул ёросысь Вуж Варяш, Сандугач, Шудек школаосысь быдэн куать пиналъёс но удмурт кылъя дышетӥсьёс пыриськизы.
1 2 3 4 5 6 7 8 9 10