Финн-угор калыкъёс ӵошен азинско
2017-04-13
Башкортостанысь Калыкъёслэн эшъяськон юртазы республикаысьтымы финн-угор калыкъёслэн ассамблеязылэн отчётно-перевыборной конференциез ортчиз. Отчы БР-ысь культурая министрлэн нырысетӥ воштӥсез Валентина Латыпова, БР-лэн Тӧроезлэн администрациысьтыз представитель Вадим Антонов, БР-ысь Калыкъёслэн Эшъяськон юртэнызы кивалтӥсь Азат Ибрагимов пыриськизы.
Куштӥськем кортъёсты «улӟыто»
2017-04-06
Юнме уг верало, дыр, быгатӥсь муртлэн ки улаз лултэм маке но улӟе шуыса. Янаул ёросысь Шудекысь Руслан но Андрей Зайдулинъёслы но таӵе кылъёс тупало. Гуртысь кулибинъёс шуыны луоз соосты. Агай-вынъёс ветлӥсьтэм машинаослэсь запчастьёссэс но мукет куштӥськем корт арбериослэсь пичи трактор, снегоход люказы. Озьы соос кулэтэм, костаськись кортъёслы «лул» пыртӥзы.
Висёнэз куддыръя шуныт кыл но бурмытэ
2017-04-06
Калыкын верало: «Тазалык – узырлык». Таза ке луид, улонысь секытлыкъёсты вормыны кужым шедьтод. Байшады гуртысь Дарбина Нуртдинова татчы выль кен луыса вуэмез дырысен фельдшерын тырше. Та удысын со 31 ар ужа ни.
Кырӟазы но эктӥзы, кылбуръёс веразы, куаш поттыса ужазы
2017-03-30
25-тӥ южтолэзь Янаул ёросысь Сандугач школаын ужасьёс но дышетскисьёс понна аспӧртэм нуналлы пӧрмиз. Татын республикаысь удмурт школаосын дышетскись пиналъёслэн нылпи творчествоя фестивальзы ортче. Сандугачъёс ужрадэ вань удмурт школаосысь усточи пиналъёсты витё. Но… Туннэ фестивальын дас командаос кужымзэс мерталозы: Балтач ёросысь Асавкаысь, Бурай ёросысь Выль Тазларысь, Калтасы ёросысь Бадӟым Качакысь, Татышлы ёросысь Выль Татышлыысь, Улысь Балтачысь но Уразгильдыысь, Янаул ёросысь Вуж Варяшысь, Каймашабашысь, Максимысь но Сандугачысь школаос.
В Башкирии появилась очередная финансовая пирамида
2017-03-30
У печально известной финансовой пирамиды «Древпром» появился «преемник».
Трос кужмо куасчиосты будэтӥз
2017-03-23
Вениамин Набиокович Набиоков – Татышлы ёросысь Вязовка гуртлэн дано адямиез. Ёросын со усто куасчи, быгатӥсь тренер луэменыз тодмо, «Отличник народного просвещения РСФСР» нимен пусъемын. Куамын арлэсь кема физрук луыса ужам дышетӥсьлэн (соос пӧлысь кызьзэ Бигинее ветлыса ужам) пиналъёсыз ёросын чемпион нимлы кузё луылӥллям, командаез котькуд ёрос ӵошатсконысь вормонэн берытскем. Тросэз, дышетӥсьсылэсь адӟем карыса, физкультурая дышетӥсьлэсь ужзэ бырйиллям. Кылсярысь, Александр Сабанчин, Яков Бадамшин, Руслан Нуриахметов, Александр Фаршатов но мукетъёс.
Гурт сыӵеос вылын возиське
2017-03-09
Туннэ республикаын поттэм гурт продукцилэн одӥг куиньмосэз - нимысьтыз хозяйствоосын дасям вузъёс. Соослы азьпалан но ужаны ӟеч луонлыкъёс кылдытоно: будэтэм продукцизэс вузаны, утялтыны, переработать карыны мед быгатозы, «от грядки – до прилавка» ужан амал кылдытэмын мед луоз, вузъёссэс дунтэмен медаз вузалэ. Пудо вордон бордын тыршисьёслы ужан тӥрлыкъёс но пудо басьтыны юрттэт возьматоно.
Республикалэн Тӧроезлэн Р. Хамитовлэн вазиськонысьтыз.
Нылпиос оскымон киосын
2017-03-09
Гожанысь нылпи сад – ёросысь усто нылпи садъёс пӧлысь одӥгез. Со 1992-тӥ арын 24-тӥ тулыспалэ усьтӥськем. 2014-тӥ арын зданиын бадӟымесь тупатъян ужъёс быдэстӥллям. Макем татын шулдыр, югыт! Висъетъёс огзылэсь огзы чылкыт утялтэмын. Пӧзьтӥськон инты кык блокъёслэсь сылэ: сӥльлы блок но бакча сиёнъёслы блок. Радэн сыло дӥськут куасьтон шкафъёс. Эмъюрттэт возьматон инты но нылпиослы тунсыко мед луоз шуыса тупатэмын. Борддоръёс пичильтыкъёслэн лэсьтэм ужъёсынызы чеберъямын. Огкылын вераса, татын нылпиослы но, ужасьёслы но каньыл - вань луонлыкъёс кылдытэмын.
Улон бугор азьлань питыра
2017-03-02
Капчи-а гуртын улонэз, ужанэз? Та юанлы одӥг гинэ веран куриське кадь: секыт. Но пӧламы вань сыӵе адямиос, кинъёс городын улонэз син азязы но пуктыны уг быгато. Соосты музъем бордаз кыске. Сыӵеос пӧлы ик пыртыны луэ Башкортостан Республикаысь гурт удысысь сӥё-дано ужасез, Янаул ёросысь «Дружба» СПК-ен кивалтӥсез Ралиф Шайдуллинэз. Куке но Ралиф Пайритдинович «синъёс кышкало, киос ужало» веранэз палэнтыса, улонзэ но ужзэ гурт хозяйствоен герӟам.
Ваче ки – ӝыны даурлэсь кема
2017-02-23
Татышлы ёросысь Альга (документъёсын Алга пусъемын) гуртын улӥсь Шамсикаят но Семён Гильманшинъёс 58 ар ӵоже улон сюрес кузя артэ вамышто ни. Мышказы учконо ке, улонлэн секыт ныпъетэз, кузь сюрес, кытын трос луиллям, дыр, шумпотонъёс но, сюлмаськонъёс но. Соослэсь пичи, егит дыръёссэс но чечыен-сакырен уд ӵошаты.
Тӥледын калыкмы данъяське, тӥледлы со оске
2017-02-22
Пиослы озьы гожтэмын: быдэ вуыса, соос шаермес утисьёслэн радазы султо. Солдатъёс ӟеч валало, вордӥськем музъемез утьытэк каньыл улыны, уйёсы шып кӧлыны уг луы. Шаерез утён – данлык, сӥлы уж. Армиын луэм адями, азяз котькыӵе секыт куронъёс мед сылозы, соосты быдэстыны быгатоз. Ассэ жалятэк, со матысьёссэ утялтон сярысь сюлмаськоз.
Малпанъёслэсь кылдо ужъёс, ужъёсысь – вормонъёс
2017-02-16
Туэ куамын витетӥ ползэ ни шаерамы «Лыжня России» куасэн ӵошатскон ялэмын вал. Ужрадэ Россилэн котькуд субъектъёсаз улӥсьёс азинлыко пыриськизы. Ӟырт кезьытъёс но ӧз кышкатэ куасчиосты: бадӟымез но, пичиез но куас сюресэ потӥзы. Соосты данъяса выллем, инмын шунды мыняса пиштӥз.
Ужпумъёс трос. Быръёно одӥгзэ – тужгес валтӥсьсэ
2017-02-16
Бальзюга гуртын 277 адями улэ. Со пӧлысь 203-ез собрание пыриськыны быгатэ. ППМИ-лы сӥзем собраниын 62 адями лыдъяськиз (огъя калыклэн 30,5%-эз). Ӧтемын вал «ППМИ» проектъя консультант Р. Р. Бахтиев, Татышлы ёрос кенешлэн секретарез Р. Г. Рахимов, ёросысь гурт послениослэн централизованной бухгалтеризылэн директорез Л. Ф. Гараева.
Кивалтонын мар тужгес секытэз?
2017-02-09
- Вераськонмес пичи дырды бордысен кутскомы. Тодӥсько, Тӥ Калтасы ёросысь Качкин-Турай гуртын 1962-тӥ арын 20-тӥ толшоре вордӥськемын. Юрий Минзарипович, пичи дырысьтыды кыӵе тужгес яркытэсь тодэ ваёнъёсыныды люкиськысалды лыдӟисьёсын?
Кунмы анайёсты шумпоттэ, нылпиос сярысь сюлмаське
2017-02-09
Нылпи куараен быдэс дунне шулдыр. Башкортостан Республикаын берло аръёсы анайлэсь данзэ ӝутонлы бадӟым саклык висъяське. Со сярысь верало, кылсярысь, пӧртэм программаослэн кылдэмзы, нылпи садъёслэн ӝутӥськемзы но мукетыз. Республикалэн юртаз ортчем совещаниын со сярысь Башкортостанлэн Тӧроез Рустэм Хамитов но вераз.
Секытлыкъёс сётӥсько кужмоослы
2017-02-02
Ермекей ёросысь Купченеево гуртын улӥсь Николай Викторович Константиновлэн пичи но егит дыръёсыз мукетъёслэн выллем ик ортчем, шуыны луоз. Шудо школа аръёсыз ортчем бере, со колхозэ ужаны потэм, тракторист луыса. Бӧрысь сое армие басьтӥллям. Отысь бертэм бераз, школаын дышетӥсьёс тырмымтэен, сое дышетӥсе вазиллям, математика но физика урокъёсты оскиллям. Со дыре ик комсоргын но ужам, Бирскысь пединститутын заочно дышетскем. 1983-тӥ арын со кияз диплом басьтэм. Семья кылдытэм. Кузпалъёслэн кык нылпиоссы вордӥськиллям. Соку ик Николай Викторовичлы улонлэсь юн шуккетсэ но веръяно луэм. Витьымтэ шорысь солэн егит кузпалыз юн висьыны усем. Кема аръёс ӵоже интыысьтыз но султылытэк улэмез бере, югыт дуннеен люкиськем. Атаймурт кык пичильтыкъёсыныз кылем. Секыт ке но, чидам, чигиськымтэ. Улон сое куинь ар «эскерем». Николай Викторовичлэн Удмуртие бызем Люда сузэрез агайзэ туж жаля вылэм. Со ик Николай Викторовичлы гуртысьтызы кузпалызлэсь люкиськем кышномуртэн тодматскыны дэмлам.
Пичи жуг-жаг но бадӟым кышкытлык кылдытэ
2017-02-02
Сюрес вылтӥ ортчись машиналэн укноысьтыз куштэм жуг-жаг тӧл сьӧры паськыт возь вылэ лобӟиз. Ӝоген со тӧдьы лымыен шобыртӥськоз, адямилэн инкуазез саптамез ватӥськоз. Тулыс гинэ со ваньмыз кыре потоз, будосъёсын ӵош «улӟоз». Зэм, со выллем «сяськаосты» адӟыса но адямиослы возьыт уз луы. Соослэн сьӧразы жуг-жагъёсты октӥсьёс вань ук: гурт поселенилэн администрациез араз олокӧня пол сюрес дуръёсын тазатӥськон ужъёс ортчытэ. Со пумысен алигес одӥгез тодмое шуиз: «Сюрес вылын асьмелэн жуг-жаг тырон понна нимысьтыз интыосмы ӧвӧл. Ваньзэ машинаын уд нуллы ук». Озьы бере малы меда гуртъёсмы вӧзысь нюлэсъёсын трос дыръя жуг-жаг костаське? Отын котькудаз со понна нимысьтыз висъям интыос вань ук.
«Книга – мынам матысь эше»
2017-02-02
Бадӟым Качакысь Мирослав Паркутдиновен нырысьсэ кылем арын гужем «Усточикар» лагерьын пумиськи. Шаплы, шӧртчи, котьмаин тунсыкъяськись пияш «Лидер» ӧнерез быръем вал. Кема ӧвӧл Бадӟым Качак школае вуылӥм.
Удмурт огазеяськон эшъёссэ люказ
2016-12-22
Кызь ар талэсь азьло башкир музъемын удмуртъёслэн национально-культурной центрзы кылдӥз. Соин 19 арлэсь ятыр кивалтӥз РФ-ысь гурт удысысь сӥё-дано ужась, Кузёбай Герд нимо премилэн лауреатэз, Калыкъёслэн эшъяськон ордензылэн кавалерез, СССР-ысь куасэн бызьылонъя спортъя мастер Ренат Галямшин. Туннэ нуналэ НКЦ-ен Салимьян Гарифуллин кивалтэ.
