Лэсьтӥмы, быгатӥмы, вормимы
2014-02-27
Тол олимпи шудонъёсын Башкортостанысь спортсменъёс Руслан Захаров но Семён Елистратов шорт-трекын зарни медаль утӥзы. Нош Межгорьеын будэм Ольга Вилухина биатлонын кык азвесь медаль басьтӥз. Россия Федерацилэн Пре¬зидентэз В. В. Путин соосты Эшъяськон орденэн данъяз.
Олимпиада – Сандугачын
2014-02-20
Алигес Янаул ёросысь Сандугач школаын дышетскисьёс Олимпиадалэсь «шӧмзэ» веръязы. Покчи классъёсысь пиналъёс, «Орёл» но «Молния» командаослы люкиськыса, «Малые Олимпийские игры» ужрадын кужымзэс мертазы.
«Спортэн эшъяськись адями кужмо луэ»
2014-02-13
Нефтекамск городысь Левитан Михайлович Габидуллин машиностроительной колледжын физкультурая урокъёсты нуэ. Пичи дырысеныз спортэн эшъяськись, Стерлитамакысь физкультурая техникумез йылпумъям, «Лучший работник физической культуры РБ», «Отличник образования РБ» нимъёслы дано луэм дышетӥсь 20 арлы матэ пиналъёслы спортэз яратон мылкыд пыӵатэ.
Олимпи тыл ӝуатскоз
2014-02-06
Ӵуказе Сочиын XXII Тол олимпи шудонъёс кутскозы. Нош туннэ со Олимпи шудонъёслэсь эстафетазэс пумитаз. Тылэз нырысетӥен нуыны оскизы тодмо фигуристкалы, олимпи чемпионкалы Татьяна Навкалы.
Нюръяськисьлэн кужмыз вормон бордын
2014-02-06
Татышлы ёросэ туэ куинетӥ ползэ кускерттонэн нюръяськисьёс люкаськизы. Ёрос администрациен кивалтӥсьлэн Рушан Гараевлэн призэзлы турнирын Татарстанысь, Пермь шаерысь, Свердловск улосвылысь но республикамылэн пӧртэм городъёсысьтыз но ёросъёсысьтыз вуэм 17 командаос кужымзэс мертазы. 177 нюръяськисьёс пӧлын бадӟым вормонъёссы луэмъёс но, та удысэ нырысетӥвамышъёссэс лэсьтӥсьёс но луизы.
Дышетӥсез ӟырдыт шудонэн данъязы
2014-02-06
Татышлы ёросысь Бальзюгаысь Александр Иванович Сабанчин трос спортсменъёсты будэтӥз. Дышетӥсь со бордын нырысь Бигиней школаын тыршиз. Нош туннэ со Выль Татышлыын пиналъёсты тазалыко улонэн эшъяськытэ. Солэн киосыз пыр кужмо куасчиос, бызьылӥсьёс потӥзы. Нош берло аръёсы БР-ысь калыкез дышетонысь сӥё-дано ужась волейболэн шудонлы бадӟымгес саклык висъяны кутскиз. Соин ортчем шутэтскон нуналъёсы Выль Татышлыын спортысь ветеранлэн Александр Иванович Сабанчинлэн призэзлы волейболъя ӵошатскон ортчиз.
Пиналъёсты выль вормонъёс витё
2013-09-19
Россиысь ДОСААФ-лэн кичӧлтэмезъя, туэ Татышлы ёросысь Выль Татышлы школаын пневматической пыӵалэн но арбалетэн ыбылӥськонъя секция ужалоз. Отчы 18 аресозь нылъёс но пиос пыриськозы. Вераны кулэ, та выллем секция школаын куинетӥарзэ ужа ни.
