Спорт

Башкортостанысь удмуртъёслэн национально-культурной центрзы выльзэ арез бадӟым ӵошатсконэн кутскиз. Республикаысьтымы но Пермь шаерысь Куеда ёросысь удмурт гуртъёсысь нылкышноослэн но пиосмуртъёслэн волейболъя командаоссы кужымзэс эскеризы. Ӵошатскон Татышлы ёросысь Калмияр гуртын ортчиз. Зэм, командаос ньыль площадкаосын шудӥзы. Пиосты Уразгильдыын но Калмиярын пумитазы, нош нылъёс Выль Татышлыысь кык площадкаосын шудӥзы. Ӵошатсконэз таӵе амалэн радъян дырез трослы шыръяны юрттӥз. Отчы пиослэн тямыс но нылъёслэн куать командаоссы пыриськизы угось.

Выль Татышлы культура юртысь спортзал тодмантэм воштӥськем: татын тупатъян ужъёс йылпумъяськемын. Соосты быдэстыны юрттэт возьматӥз Татышлы ёрослэн администрациез. Со сяна, культура юртлэн липетэз, укноосыз но ӧсъёсыз воштэмын.

2002-тӥ арын 19-тӥ гудырикошконэ Ханкалаын МИ-26 вертолёт усиз. Отын бырыны шедиз асьмелэн улосчимы, Улысь Балтачысь Ясон Миллиятов. Со дырысен 14 ар ортчемын. Озьы ке но Ясон Гильманович сярысь шуныт тодэ ваёнъёс калыклэн сюлэмаз уло на.

Азьлань! Вормон понна Арлы быдэ тулыслэн тужгес шулдыр вакытаз, куартолэзе, удмурт школаосысь нылпиос олимпи шудонъёсы люкасько. Туэ республика ӵошатскон Татышлы ёросысь улысь балтач музъемын ортчиз. Туэ со дас куинетӥзэ радъяськиз. Жаляса верано, азьло аръёсын ӵошатон дыръя, ужрадын вить командаос гинэ нюръяськизы: Калтасы ёросысь Бадӟым Качак школаысь (тренерзы Г. Тимирбаев), Татышлы ёросысь Выль Татышлы школаысь (тренеръёссы А. Сабанчин, М. Шаритдинов), Кальтяево школалэн филиалысьтыз – Вязовка школаысь (тренерзы Р. Нуриахметов) но Улысь Балтач школаысь (тренеръёссы Р. Губаев, Ю. Губаев), Янаул ёросысь Вуж Варяш школаысь (тренерзы Л. Багаутдинов). Ӵуж-ӵуж сяськаосын шобырскем сабантуй возь ӵаш! вазе. Тодмооссылэсь мӧзмем пиналъёс шумпотыса ог-огзы пумитэ бызё. «Ура! Нош ик пумиськон нуналмы вуиз. Ура, фестиваль», - кылӥське котырын.

1. Олимпи шудонъёслэн ужпумъёсыз: нылпиос пӧлын тазалыко улонэз вӧлмытон; пӧртэм ёросъёсысь дышетскисьёс пӧлын эшлыко кусыпъёсты юнматон; пиналъёс пӧлысь усто спортсменъёсты шараян.

Азьвыл арлы быдэ сямен БР-ысь удмуртъёслэн НКЦ-зылэн уж планаз СССР-ысь спортъя мастерлэн, Россия Федерациысь сӥё-дано ужасьлэн, Калыкъёслэн эшъяськон ордензылэн кавалерезлэн, Кузебай Герд нимо йӧскалык премилэн лауреатэзлэн Р. Б. Галямшинлэн кузьымезлы куасэн ӵошатсконэз пыртылӥзы. Со Выль Татышлыын ортчылӥз. Отчы Татышлы ёросысь трос куасчиос пыриськылӥзы. Но берло аръёсы, жаляса верано, таӵе сям ышемын вал. Туэ сое выльысь улӟытон сярысь сюлмаськизы. Южтолэзе Татышлы ёросысь «Косая степь» шутэтскон базаын БР-ысь удмуртъёслэн НКЦ-зылэн почётной председателезлэн кузьымезлы куасэн ӵошатскон ортчиз.

Эскеронъёс возьмато, шахматэн шудонлэн вашкала амалъёсыз Индиын кылдӥллям, асьме эраысь нырысетӥ тысячалетилэн нырысетӥ палараз. Соку та шудон Чатуранга нимаськем. Со дырысен трос вакыт ортчемын ни. Но шудон туннэ нуналэ но улэ, сое азинто шахматэз гажасьёс.

Каллен гинэ, шӧдӥськытэк, тик-так ортче час, кыкетӥез… нуналъёс, аръёс. Бӧрсяд учконо ке, йылтэм-пумтэм, вырйыло-гопо сюресъёс. Вакыт. Макем ӝог со ортче. Со юрттэ шуг-секытъёсты пыр потыны, чигиськытэк вормыны. Вакыт йӧнатэ шуо ке но, сюлэм яраосты со чик уг бурмыты, огдырлы сылмытэ гинэ. Берпуметӥ гожтэт

Тазалыкез коньдонэн уд басьты. Со – ачиз ваньлык. Соин адямилы нуналлы быдэ сое утёно, юнматоно. Нош со понна, тазалыко улонэн эшъяськем сяна, мугорез кыдатон сярысь но вунэтоно ӧвӧл. Зэм, гужем куазен гурт калыклэн лул-мугорезлэн котькуд люкетэз «ужа». Ваньмон дырыз но сокем трос ӧвӧл. Та вакытэ быдэс нунал уж пӧлын ортче. Нош тол куазен нунал но жадьымон кузь кыстӥське, телевизор сьӧрын пукыса пӧртэм висёнъёс но асьсэды шӧдытыны кутско. Соин берло аръёсы тросэз таӵе амалэн шутэтсконлы пумит луо. Озьы гуртъёсын но, бадӟым городъёсын сямен ик, пӧртэм фитнес-клубъёс кылдылыны кутскизы. Нош кытын ке куасэн, бодыосын (скандинавская ходьба) ветлӥсьёслэн лыдзы йылӥз. Тазалыко улонэн тросгес 40 ареслэсь бадӟым нылкышноос эшъясько.

Арлы быдэ, 2007-тӥ арысен кутскыса, Сандугач школаын Барабановка школаын ужам физкультурая дышетӥсез Муллагали Шарафисламович Какимовез буре ваён ужрад - куасэн ӵошатскон - радъяське.

Удмурт школаосысь волейболъя командаос Шаермес утисьёслэн праздниксылы сӥзем шутэтскон нуналъёсты чидатэк витё: та нуналъёсы арлы быдэ «Ошмес» газетлэн кубокезлы ӵошатскон радъяське.

Вылысь Татышлыысь «Планета Спорт» ФОК-ын Татышлы ёрос администрациен кивалтӥсьлэн Р. К. Гараевлэн кузьымезлы кускерттонэн нюръяськонъя регионъёс куспысь ӵошатскон ортчиз. Отчы республикаысьтымы Октябрьский, Уфа городъёсысь, Туймазы, Шаран, Аскын, Балтач ёросъёсысь, Пермь шаерысь Чернушка но Барда ёросъёсысь нюръяськисьёс вуизы.

Волейболэз гажасьёс понна таиз ар но котьку сямен кутскиз, шуыны луоз. Кылдэм йылолъя, выль ар каникулъёсын Калтасы, Татышлы, Янаул но Куеда ёросъёсысь командаос Башкортостанысь удмуртъёслэн НКЦ-зылэн кубокез понна нюръяськизы. Ужрад Улысь Балтач гуртын ортчиз. Сое ортчытыны юрттэт возьматӥзы Улысь Балтач гурт поселенилэн администрациез, «Рассвет» СПК, Улысь Балтачысь но Кызыл-Ярысь школаосын ужасьёс. Ӵошатсконэ огъя дас куинь командаос вуизы.

Татышлы ёросын арлы быдэ ӝӧквыл теннисъя чемпионат радъяське. Со толсур толэзе Выль Татышлы школаын ортчылэ. Ӝӧквыл теннисэн эшъяськисьёс туэ 12-тӥ толсуре пумиськизы.

Нефтекамскын Башкортостанысь Дышетонъя министерстволэн 2000-2001-тӥ аръёсы вордӥськем пиналъёс пӧлын волейболъя чемпионатэз ортчиз.

Гужем куазен тросэз шаермылэн пӧртэм сэрегъёсаз яке кунгож сьӧрын шутэтскыны тыршо. Нош ми, Калтасы ёросысь егитъёс, туэ Надеждино гурт вӧзамы Танып шур дуре люкаськыны малпамы. Озьы 1-тӥ гудырикошконэ отчы студентъёс, егит ӧнерчиос, ёросысь егитъёслэн Кенешазы ужасьёс но мукетъёс люкаськизы. Шутэтсконмы «Турфест» выллем ортчиз. Монэн ӵош отчы Бадӟым Качакысь Светлана Галиахметова но вуылӥз.

Дас кык ар талэсь азьвыл физкультурая дышетӥсьёслэн Григорий Юлкубаевич Тимирбаевлэн но Александр Иванович Сабанчинлэн малпанзы кылдэм: удмурт школаос пӧлын спортъя ужрад ортчытыны. Соослы мукетъёс но дурбасьтӥллям. Озьы Башкортостаныысь удмурт школаос пӧлын радъяськись спортъя фестиваль кылдэм.

Шӧдӥды ни, вылды, республикаысьтымы калык берло аръёсы спортэн, тазалыко улонэн юнгес эшъяськыны кутскиз. Татышлы ёросысь Выль Татышлыын радъяськись ӝӧквыл теннисъя ӵошатскон но сое яркыт возьматэ.

Татышлы ёросын 1995- 1997-тӥ аръёсы вордӥськем егитъёс пӧлын Кускертто- нэн нюръяськонъя Россилэн первенствоез ортчиз. Отчы шаермылэн пӧртэм сэрегъёсысьтыз 250-лы матэ нюръяськисьёс пыриськизы. Россиысь Спортъя министерствоен, Башкортостанысь Егитъёслэн политиказыя министерствоен, кускерттонэн но «Куреш» нюръяськонъя федерациен но Татышлы ёрос администрациен радъям ӵошатсконын республикаысьтымы 52 нюръяськисьёс кужымзэс эскеризы.

ЮЖТОЛЭЗЬ - Нефтекамскын улӥсь удмуртъёс понна тужгес «пӧсь» толэзь. Та толэзе городын удмурт кыллы, культуралы но литературалы сӥзем месячник ортче.