icon_gotop
18+
autorisation
Войти | Регистрация
Время в Татышле
10:42
Пятница, 29 Марта
Рекламный баннер 990x90px top

Чингыли дышетскыны ӧте

09:04 03.09.2015

Янаул ёросысь Шудек школа. Кызь ар талэсь азьло усьтӥськем кык этажо дышетон юрт аръёс ӵоже олокӧня нылпиосты поттӥз. Жаляса верано, дышетскисьёслэн лыдзы кулэсмемен, таяз арын со укмыс классъем кылемын. Шумпотымон огез – туэ школа дас кык пичильтыкъёсты пумитаз. Соосты бурд улаз басьтӥз Эльвира Кутузина.

Пиналъёсты выль дышетскон арен ӟечкыласа вераськиз школаен кивалтӥсь Владислав Мухаметшин.

- Ваньдэс но выль дышетскон арен ӟечкыласько. Пиналъёслы но, дышетӥсьёслы но бадӟымесь вормонъёс, выль азинсконъёс сӥзисько. Вераны кулэ, школаын «Единая Россия» партилэн «Реальные дела» проектэз улсын тупатъян ужъёс радъямын вал, укноосты, ӧсъёсты выльдӥмы. Та бадӟым ужын юрттэт возьматэм анай-атайёслы, школаын ужасьёслы пумтэм тау кылъёсме вераме потэ. Оскисько, нырысетӥ классэ лыктэм пиналъёс усто дышетскозы, школалэсь данзэ утисьёс луозы. Ӟеч сюрес тӥледлы, пиналъёс! – шуиз Владислав Фёдорович.

Со сяна, дышетскисьёсты, дышетӥсьёсты Тодон-валан нуналэн ӟечкыланы вуизы Янаул ёрос администрациен кивалтӥсьлэн экономической азинсконъя но ужбергатонъя воштӥсез Лариса Сафаргалиева, «ЯнаулТеплоэнерго» МУП-ен кивалтӥсь Андрей Беспалов, ёросысь дышетонъя управлениысь инженер-программист Альмир Исламов, Шудек гурт поселенилэн администрациеныз кивалтӥсь Валентина Васиуллина, «Ошмес» газетлэн валтӥсь редакторезлэсь ужзэ быдэсъясь Ирина Самигулова.

Тодон-валан нуналлы сӥзем ужрадэ шудекъёс пыр-поч дасяськиллям. Нырысетӥ классэ лыктэмъёс кылбуръёс веразы. Бадӟым классъёсын дышетскисьёс кырӟанъёс, эктонъёс кузьмазы. Котьмалы быгатӥсь, усточи, ӟеч дышетскись пиналъёс доры юрт возьмась Кузя но дышетскыны лыктыны мылкыд карем. Нылпиослы со аслэсьтыз быгатонлыкъёссэ возьматӥз, азьпалан умой дышетскыны оскытӥз, «Повтори-ка» шудон но радъяз. Таяз арын Кузя татын дышетскоз, «визьлюклы» пӧрмоз.

Дзинь-дзинь! Дзинь-дзинь! Дышетскисьёсты классъёсазы ӧтиз чингыли. Туэ татын витьтон куать нылпиос тодон-валан басьтозы, визьнод люкалозы. Соос сярысь котьку сюлмаськыса улозы ас ужзэс ӟеч тодӥсь дышетӥсьёс.

Миляуша БУЛАТОВА.

Янаул ёрос.

7019

Оставить сообщение: