архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Ӧте, вите «Усточикар»

      2015.07.16 1009 0
      Ӧте, вите «Усточикар»

      БР-ысь Культурая но йӧскалык политикая министерствоен но БР-ысь Егитъёсын ужанъя кун комитетэн ӵошен Башкортостанысь удмуртъёслэн национально-культурной центрзы 1-12-тӥ гудырикошкон толэзе усточи удмурт пиналъёслы творческой лагерь радъя.

      Ужрадлэн ужпумъёсыз: удмуртъёслэн культурно-этнической узырлыкъёсынызы тодматон; нылпиослэсь быгатонлыкъёссэс шараян но волятон; ужез но вордскем шаердэ гажаны дышетон; ог-огдэ валан, гажан мылкыд пыӵатон но мукет.

      Ужрадэ пырисько: шор ёзо школаосысь 6-9-тӥ классъёсын дышетскись, удмурт кылэз тодӥсь пиналъёс. Пиналъёслэн сьӧразы таӵе документъёссы луыны кулэ: вордӥськемзы сярысь свидетельствозылэн яке паспортсылэн (пропискаен) копиез, ИНН, пенсионной страховой свидетельство, дерматологлэн но педиатрлэн йылпумъянъёсынызы ф.079-У медицинской справка, СЭС анализъёслэн результатъёссы, инфекционной висисьёсын кусып возьымтэзы сярысь справка (ф.№291), «Ошмес» газетлы 2015-тӥ арлэн кыкетӥ паларезлы гожтӥськемзы сярысь квитанция.

      Пиналъёсты лагерь таӵе адресъя вите: Башкортостан, Татышлы ёрос, Вязовка гурт, Комаров нимо ужан но шутэтскон нылпи лагерь.

      Творческой лагерьлэн программаез: анай кыллы но культуралы дышетон, творческой мастерскойёсын ужан, спортивно-оздоровительной но культурно-массовой ужрадъёс радъян.

      Нуналлэн радлыкез:

      9.30-13.00 – творческой мастерскойёсын ужан;

      14.00-16.00 – спортивно-массовой ужрадъёс;

      17.00-19.00 – ӝыт ортчись ужрадэ дасяськон;

      19.30-21.00 – конкурсъёс, викторинаос, КВН но мукет ужрадъёс;

      21.00-22.30 – дискотека.

      Творческой мастерскойёс: «Кызьпу туй», «Зарни куро», «Эстрада», «Калык кырӟан гуръёс», «Литература но поэзия», «Лидер», «Театр», «Художественной туспуктэм» (сьӧразы басьтоно фотоаппарат).

      Коньдон юрттэт: БР-ысь Егитъёслэн политиказыя кун комитет нылпиослэсь сиськем дунзэс но улэм дунзылэсь люкетсэ тыре, БР-ысь Культурая но йӧскалык политикая министерство методической ужъёсты радъянлы коньдон висъя, родительской взнос - 1000 манет.

      Кылдэм юанъёсын вазиськоно БР-ысь историяя но культурая центре: (34778) 3-21-91 номеро телефонъя, e-mail: udmikz@bk.ru.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить