icon_gotop
18+
autorisation
Войти | Регистрация
Время в Татышле
15:42
Пятница, 29 Марта
Рекламный баннер 990x90px top

Калыклэн осконэз - кивалтэтлэн ужезлы ӟеч дунъет

14:45 16.07.2015

Рустэм Хамитовлэн верамезъя, республикамылэн саммитъёсты радъямез шаермылэн кивалтэтэныз вылӥ дунъямын. Россилэн Президентэз Владимир Путин Башкортостанысь калыклы  тыршемез понна тау карон кылъёссэ вераз. «Саммитъёсы дасяськонын Башкортостан Россилэн огазеям командаяз шудӥз», - вераз Рустэм Хамитов.

Рустэм Хамитов пресс-конференциын быдэстэм ужъёсызлы йылпумъянъёс лэсьтӥз. Туэ солэн республикаен кивалтыны кутскемез дырысен вить ар тырме. Та дыр куспын трос ужъёс лэсьтэмын. ШОС но БРИКС саммитъёс но соос пӧлын бадӟым инты басьто. Уфалэн таӵе ужрадэз ортчытыны быгатонэзлы тросэз ӧз оске, но, республикамылэн Тӧроезлэн кылъёсызъя, РФ-лэн Президентэз Владимир Путин юрттэт возьматӥз.

Мукетыз вормон «Башнефтьлэн» кунлы берытсконэныз герӟаськемын. Рустэм Хамитовлэн кылъёсызъя, солэсь басьтэм вить миллиард манетлы матэ быдӟалаен дивидентъёс социальной кулэяськонъёсты палэнтонлы кутэмын луозы.

Вить ар куспын республика калыкмы понна «усьтӥськиз». Озьы ке но экономикаын, социальной улонын тырмымтэос пумисько на. Руспубликалэн Тӧроезлэн малпамезъя, соосты быдэсак палэнтон понна кӧня ке дыр кулэ луоз. «Ортчем аръёс куспын трос ужъёс быдэстэмын, но азьланяз соосын гинэ буйгатсконо ӧвӧл, азьпала вамыштоно», - шуэ Р. Хамитов.

Башкортостанлэн Тӧроез азьланезлы малпанъёсыныз но люкиськиз. Уфаын ШОС но БРИКС саммитъёсты ӟеч ортчытэм бере выль уж ӵектӥсьёс ке но луизы, со республикаен кивалтонлэсь дырызлэсь вазь уз дугды. «Монэ калык бырйиз, секыт ужез оскиз. Соин мон соосты пӧяны уг быгаты», - вераз Рустэм Хамитов.  

Пресс-конференция час но ӝыны дыр ӵоже кыстӥськиз. Республикалэн Тӧроезлы 20-лы матэ юанъёсын вазиськизы.

Галия НАБИЕВА,

Алим ФАИЗОВ.

«Башинформ».

5199

Оставить сообщение: