архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    АНЕКДОТЫ

      «Котьку мед луоз эшъяськонмы»

      2015.03.26 991 0
      «Котьку мед луоз  эшъяськонмы»

      Арлы быдэ, тулыс каникул нуналъёсы, удмурт школаосысь пиналъёс нылпи творчествоя республика фестивальын пумисько. Туэ усточиосты «Лучшие школы России» быдэсросси конкурсын вормон утэм Татышлы ёросысь Улысь Балтач школа пумитаз. Дас тямысэтӥ ползэ радъяськись ужрадэ Калтасы ёросысь Бадӟым Качак, Татышлы ёросысь Выль Татышлы, Вязовка, Калмияр, Кызыл-Яр, Улысь Балтач, Уразгильды, Янаул ёросысь Вуж Варяш, Сандугач, Шудек школаосысь быдэн куать пиналъёс но удмурт кылъя дышетӥсьёс пыриськизы.

      Пумиськон, тодматскон

      Удмурт эктонэн, «Ми тӥледыз куное ӧтимы» кырӟанэн балтачъёс фестива­лез усьтӥзы. Ӟечкылан кылъ­ёсын вазиськизы школаен кивалтӥсь Л. Л. Зидымаков, гурт поселенилэн админи­страциеныз кивалтӥсь Э. Б. Ра­химзянов, БР-ысь удмуртъёс­лэн ИКЦ-енызы кивалтӥсь Л. З. Рахимьянова. Соос пи­налъёслы вормонъёс сӥзизы, ужрадэз дасясьёслы пумтэм тау кылъёссэс веразы. Озьы ик фестивале вуиз БР-ысь дышетонэз азинтонъя инсти­тутысь башкир но мукет анай кылъёсъя но литератураосъя кафедраысь дышетӥсь Лутфул­ла Гайфуллович Хабибов.

      Тодматскон люкетын котькуд ко­манда вакчи дыр куспын ас сярысьтыз вераз. Кылсярысь, «Котьку но котьку мед луоз эшъяськонмы» кылъёсын сцена вылэ вамыштӥзы Кызыл-Яр школаысь «Люконтэм эшъёс». Кал­мияръёс визитказэс Литературалэн арезлы сӥзьыса дасяллям. Котькуд пинал яратоно кылбурчиезлэн чуръ­ёсыз пыр аслаз быгатонлыкъёсыз сярысь вераз. Ангелина Фархутдино­ва нимысьтыз балтачъёслы сӥзьыса гожтэм кылбурзэ кузьмаз.

      «Трос-а кулэ милемлы, милем­лы – люгыослы?» тунсыко кырӟанэн шулдыртӥзы Выль Татышлы школа­ысь «Выльгурт люгыос». Юанзылы соос асьсэос ик веразы: трос кулэ ӧвӧл, эшъёс гинэ, пе, кулэ.

      Уразгильды но Бадӟым Качак школаосысь «Усточиос», Вуж Ва­ряшысь «Узы-боры», Сандугачысь «Етӥз пиналъёс», Шудекысь «Шунды нылъёс», Улысь Балтачысь «Льӧль тӧлпуос» но сцена вылын асьсэды усто возизы. Вязовкаысь «Кузьыли­ослэн» ӝог эктонзыя валаны луиз: макем шаплыесь пиналъёс туннэ фестивале вуиллям.

      Сизьым пусшуккет сьӧрын

      Ужрадэз школаысь удмурт кылъя но литературая дышетӥсен З. Т. Шарафутдиноваен дасям «Сизьым пусшуккет сьӧрын» деловой шудон азьланьтӥз. Отчы котькуд командаысь одӥг пинал быръемын вал. Соос «Визь­погъёс» но «Визьлюкъёс» командаослы люкиськыса шудӥзы. Юанъ­ёслы верамзы бере тодмо луиз: 4:4. Вор­миз эшъясь­кон!

      Котьмалы быгатӥсь

      пиналъёс

      Фестива­льын куать творчествоя мастер­скойёс ужазы. Усто ужъёс Данъян грамотаосын пусъемын. «Художе­ственная фотография» мастерской­ын (кивалтӥсез А. В. Самирзянов) Кызыл-Яр школаысь Карина Шаймар­дановалэн ужезлы нырысетӥ инты сётэмын, «Искусственные цветы» ма­стерскойын (И. Ш. Шакирова) – Улысь Балтач школаысь Анастасия Гузаи­ровалы, «Работа с программой Micro­soft Office Publisher» мастерскойын (C. Р. Миллиятов) – Калмиярысь Алесья Васильевалы, «Литературное творчество» мастерскойын (М. Ф. Булатова) «Поэзия» номинациын – Шудекысь Милана Мухаметшиналы, «Проза» номинациын – Вязовкаысь Валерия Камалтдиновалы, «Объём­ная аппликация» мастерскойын (Т. Н. Ахмадуллина) – Уразгильдыысь Инесса Мухаметзяновалы, пулэз пу­жыятыса вандылон но кызьпу туйен лэсьтӥськон мастерскойын (А. Б. Шагиев) «Резьба по дереву» номи­нациын – Улысь Балтачысь Марс Гайнияровлы, «Маленький сувенир» номинациын – Кызыл-Ярысь Марс Зайдуллинлы.

      Жингыртӥз удмурт крезьгур

      «Чузъяськы, удмурт крезьгур!» люкетын фестивале вуэм куноос но кузёос кырӟаны-эктыны устолыксэс возьматӥзы. Шулдыресь кырӟанъёсты капчи эктонъёс воштӥзы, эктонъё­сты – серемес сценкаос. Дышетӥсьёс паймыса но данъяськыса учко: макем быгатӥсесь соослэн пиналъёссы! Устоос пӧлысь тужгес устозэ быръ­ён но дунъян жюрилы капчиен ӧз сётӥськы, кема малпаськоно луиз. «Песня» номинациын нырысетӥин­тылы кузё луиз Вуж Варяшысь уӵы куараё Милена Зайнуллина. Эктӥсьёс пӧлын Калмияр школаысь нылъёслы вуисьёс ӧз луэ, соос «Танец» номинациын вормисе потӥзы. Нош «Юмор. Художественное слово» но­минациын «Етӥз пиналъёс» нырысетӥинты утӥзы.

      Мастерскойёсын, «Чузъ­яськы, удмурт крезьгур!» люкетын мукет призо инты­осты басьтэм пиналъёслэсь нимъёссэс газетлэн сай­тысьтыз адӟыны луоз.

      Выльысь пумиськытозь

      Фестиваль эшъяськон дискотекаен йылпумъясь­киз. Ужрадэ вуэм пиналъёс выль тодон-валан басьтон сяна, та нуналэ выль эшъёс шедьтӥзы, ог-огенызы кусыпъёс юнматӥзы. Улысь Балтач школаысь дышетӥсьёс огкылысь луыса, ужрадэ пыр-поч, тыршыса да­сяськемен, пумиськон тунсыко, ке­малы тодэ кыльымон луиз. Оскисько, фестивальын басьтэм тодон-валанъ­ёссы пиналъёслы азьпалан юрттозы, узыр емышъёс сётозы.

      «Художественная фотография»:

      2-тӥ инты – Екатерина Хайдаршина (Калмияр школа) но Милена Гарифуллина (Уразгильды школа).

      3-тӥ инты – Инесса Зидымакова (Улысь Балтач школа) но Кирилл Васильев (Вязовка школа).

      «Искусственные цветы»:

      2-тӥ инты – Виктория Суюндукова (Уразгильды школа) но Линда Гильманова (Выль Татышлы школа).

      3-тӥ инты –Валерия Мардамшина (Калмияр школа) но Оксана Казиякбарова (Бадӟым Качак школа).

      «Литературное творчество»:

      «Поэзия» номинациын

      2-тӥ инты – Диана Насибуллина (Вуж Варяш школа).

      3-тӥ инты – Виктория Зарипова (Кызыл-Яр школа).

      «Проза» номинациын

      2-тӥ инты – Аделина Сиразетдинова (Уразгильды школа).

      3-тӥ инты – Анастасия Каматдинова (Бадӟым Качак школа).

      «Работаспрограммой Microsoft Office Publisher»:

      2-тӥ инты – Рудик Минигалиев (Вуж Варяш школа).

      3-тӥ инты – Влас Кайранов (Улысь Балтач школа).

      «Объёмная аппликация»:

      2-тӥ инты –Милена Зайнуллина (Вуж Варяш школа).

      3-тӥ инты – Карина Байдуллина (Шудек школа).

      «За оригинальность» номинациен пусъемын Виктория Туктакеева (Улысь Балтач школа).

      «За самовыражение» номинациен – Марина Набиуллина (Бадӟым Качак школа).

      «За кропотливость» номинациен – Рада Байрамгулова (Кызыл-Яр школа).

      Пулэз пужыятыса вандылон но кызьпу туйен лэсьтӥськон:

      «Резьба по дереву» номинациын

      2-тӥ инты – Марс Зайдуллин (Кызыл-Яр школа).

      3-тӥ инты – Ярослав Мардамшин (Калмияр школа).

      «Маленький сувенир» номинациын

      2-тӥ инты – Роберт Зиядуллин (Улысь Балтач школа).

      3-тӥ инты – Константин Гадиятов (Сандугач школа).

       

      «Чузъяськы, удмурт крезьгур!»

      «Песня» номинациын

      2-тӥ инты – Анастасия Гузаирова (Улысь Балтач школа).

      3-тӥ инты – Валерия Камалтдинова (Вязовка школа), Мариалина Нуриахметова (Вязовка школа), дуэт Хайдаршина но Мардамшина (Калмияр школа).

      «Танец» номинациын

      2-тӥ инты – Уразгильды школа.

      3-тӥ инты – Улысь Балтач школа.

      «Юмор. Художественное слово» номинациын

      2-тӥ инты – Бадӟым качак школа.

      3-тӥ инты – Уразгильды но Вуж Варяш школаос.

       

      Миляуша БУЛАТОВА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    ОБЪЯВЛЕНИЯ

    ПАРТНЕРЫ

    Гороскоп