архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Огвыллем малпанъёссы пӧртэм сямен быдэстӥсько

      2015.03.12 974 0
      Огвыллем малпанъёссы  пӧртэм сямен быдэстӥсько

      Башкортостанысь гурт хозяйствоослы кылем ар капчиен ӧз сётӥськы. Тулыс куазен вань ужъёсты дыраз быдэстыны луиз ке но, сӥзьыл куазь узырлыкеныз ӧз висъяськы.

      Шуркынмон толэзе, кылсярысь, та удысысь лыдпусъёс 99,7 процентлы гинэ ӵошазы. Соосты 104,4 процентлы вуттыны малпа­мын вал. Тросгес «минус» басьтэмын ю-нянь будэто­нын. Нош йӧл дасянын лыд­пусъёс «плюс» возьматӥзы. Башкортостанысь гурт хо­зяйствоя министр Н. А. Ко­валенко та удысэз азинто­нысь куд-ог тырмытэосты уж радлыкез тӥямен герӟа. Соин Николай Анатольевич таяз арын тулыс бусы ужъ­ёслы ӟечгес дасяськыны, пудоосты толйытонын ка­ньыл сюресъёс утчаны, выль программаосы пыриськыны,

       котькуд удысысь ужъёсты ӟечгес быдэстыны куре. Озьы гинэ, пе, кылем арысь тыр­мымтэосты-янгышъёсты ту­патыны луэ.

      Республикаысьтымы гурт хозяйствоя министрлэн кылъёсыз пумысен таяз арын тросэз гурт хозяйствоосын кивалтӥсьёс мур малпась­коно луозы. Нош Татышлы ёросысь «Агро-Танып» СПК-ын ужасьёс, кылсярысь, таиз арысь бусы ужъёсты асьсэ кужмынызы ортчытыны мал­пало. Нош кылем арын со пон­на кредит басьтоно луиллям. Но со пумысен таныпъёс туж уг ӝожтӥсько, вылды, тыр­шемзылэн емышез сӥзьыл куазен зол шӧдӥськиз. Соос огъя 16370 центнер ю-нянь октӥзы. Таӵе лыдпусъёсты таныпъёс берло куать ар ӵоже нырысьсэ басьтӥзы. Йӧл, сӥль дасянын но  хозяйство азьпала вамыштӥз, 2013-тӥ арен ӵошатыса, лыдпусъ­ёссы 106 но 107 процентъёс­лы ӵошазы. Озьы кылем арын таныпъёс 32 миллион 83 сюрс манет табыш поттӥзы. Со коньдон ик таиз арысь бусы ужъёсты но кредитъё­сын пайдаяськытэк радъяны юрттоз.

      Вераны кулэ, кылем арын «Агро-Танып» СПК «500 ферм» программая одӥгзэ пудо вордон корпус­сэ тупатӥз. Со сяна, ар ӵоже хозяйство пудо сиён дасян комбайн, ИСРК-12Г «Хозя­ин» кормораздатчик, кыед поттон кык транспортер, кык доильной установка бась­тыны быгатӥз. Зэм, со понна таныпъёслы кредитэн пайда­яськоно луиз. Но татын оско: та выллем вамышсы юнме уз луы. Уго вуж тракторен яке комбайнэн трослы азьпала уд вамышты, ю-нянь дасян, скал кыскон лыдпусъёс улӥе усёзы.

      Янаул ёросысь гурт хо­зяйствоос тазэ арез 18540 йыр сюро пудоен пумитазы. Соос огъя 269587 центнер йӧл дасязы, 46014 центнер – сӥль. Котькуд скаллэсь шор лыдын 3920 центнер йӧл кы­скизы. Нош «Агрофирма «Ура­да» ООО-ын одӥг скаллэсь, кылсярысь, шор лыдын 5216 килограмм йӧл басьтӥзы.

      Янаулъёс кылем арын 47 сюрс тонна ю тысь октӥзы. Ю тысьсылэн удалтонлыкез шор лыдын гектарысьтыз 15 центнер усиз. Нош «АгроМ» ООО-лэн бусыосысьтыз, кыл­сярысь, гектарысьтыз 11 центнер ю тысь басьтӥзы. Урадаослэн та лыдпуссы 16 центнерлы ӵошаз. Соослэн бусыоссы ӟечлыкенызы уг висъясько ке но, кузё киос куанер музъемез но узырмы­тыны йӧндыризы.

      Кылем арын сандугачъёс ёросэн дасям йӧллэсь тямыс процентсэ кыскизы. Та ла­сянь соос – ньылетӥ интыын. Нош азьпалан «Победа» ООО, «Колхоз Восток» СПК, «Агро­фирма «Урада» ООО мыно.

      «Победа» ООО-лэн Кал­тасы ёросысь филиалаз но шумпотымон азинско. Кылем арын Качкинтурайысь пудо вордон фермазэс «500 ферм» программа улсын тупатӥзы. Отчы Бурай ёросысь Аб­дуллино фермаысь 284 йыр ветылъёсты выжтӥзы. Тун­нэ соослэсь сюлэсь ятырзэ кыско ни. Котькудӥзлэсь нуналаз шор лыдын 11 кило­грамм йӧл кыско. Та лыд­пусъёс азьланяз йылозы. Уго качкинтурайёслэн пудо сиёнэн шугъяськонъёссы ӧвӧл. Та выллемгес югдур Бадӟым Качакысь фермаын но. Татын 300 йыр кысконо скалъёсты вордо. «Побе­да» ООО-лэн Калтасыысь филиалаз туннэ 72 адями тырше. Соослэсь сюлмысь ужамзэс кивалтэтсы ужду­нэн сяна, турынэн, фуражен дунъя. Соин хозяйствоын тыршисьёс гид куаязы но трос пудо, тылобурдо вордо. Табере соос уж дуразы но шумпотыса вамышто.

      Зэм, республикаысьтымы гурт удыслэсь азинскемзэ кык-куинь хозяйстволэн уженыз гинэ уд возьматы. Та удыс туннэ ваньмызлы огвыллем уг сётӥськы. Хо­зяйствоос пӧлын ужась калы­клы уждун сётонэн шугъясь­кисьёсыз но шедё. Озьы ке но оскем потэ: кивалтэтлэн гурт калыклы юрттэт возь­матыны тыршемез югдурез тупатыны юрттоз.

      Ольга НИГАМАТУЛЛИНА

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить