архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Зэмос пыӵал но солдат ӝук

      2014.05.29 1000 0
      Зэмос пыӵал но солдат ӝук

      Котькуд ар куартолэзе 10-тӥ классын дышетскись пиос военно-полевой сборъёсы люкасько. Вить нунал ӵоже соос армия улон пыр потоно луо. Котькуд ёрос вуоно солдатъёслэсь военно-полевой сборъёссэс аспӧртэм радъян сярысь сюлмаське.

      Янаул ёросысь вуоно сол­датъёс ньыль нунал ӵоже дорзылэсь палэнын, ёросысь «Чулпан» шутэтскон лаге­рьын улӥзы. Вазь ӵукна султы­са, мугоръёссэс кыдатэмзы бере, нуналзэс соос спортлэн военно-прикладной видъё­сызлы сӥзьылӥзы. Татын соос служба ортчыны дасьлыксэс но возьматӥзы: пӧртэм спорт видъёсын кужымзэс мертазы.

      Пневматической винтов­каен ыбылӥськонын Вуж Ва­ряш школаысь пиослэн ко­мандазы нырысетӥ интылы кузё луиз, Шудек школаысь команда – кыкетӥ. Пиослэсь ыбылӥськыны быгатонлыкъ­ёссэс нимысьтыз эскероно ке, Максим школаысь К. Армаги­нов кыкетӥ интыын луиз, Шу­декысь М. Садиев – куинетӥ.

      Перекладинаын ӝуткаськонын но пиос усто­лыксэс возьматӥзы. Сан­дугач школаысь И. Идия­туллин котькинлэсь трос ӝуткаськиз. Солэсь ӧжытлы бере кылиз Шудекысь А. Кас­фатов.

      Бызьылонын финише коть­кинлэсь ӝог вуиз Сандугач школаысь И. Идиятуллин, солэсь ӧжытлы берегес кы­лиз Вуж Варяш школаысь К. Шакирзянов, Сандугач школа­ысь С. Набиуллин – куинетӥ. Ӵошатсконъёсы азинлыко пыриськемзы понна, пиналъ­ёсты Данъян грамотаосын пусйизы.

      Ужрадын дышетӥсьёс пон­на но ӵошатсконъёс радъ­яськизы. Шудек школаысь А.С.Зайдуллин ыбылӥськонын нырысетӥ инты утӥз, пере­кладинаын ӝуткаськонын – кыкетӥ.

      Витетӥ нуналаз пиос Алкиноысь военной часте вуылӥзы. Со нуналэ ик зэмос солдатъёсын пумиськыны ву­изы Калтасы ёрос школаоысь дасэтӥ классъёс но. Шаермес утисьёсын пумиськон пиос­лы тунсыко но пайдаё луиз. Зэмос пыӵалэн ыбылӥськон сяна, соос солдат ӝук но веръязы.

      Татышлы ёросын военно-полевой сборъёс школаосын ик радъяськизы. Вить нунал ӵоже солдат дӥськутъёсын пиос «Медицинская подго­товка», «Разборка и сбор­ка автомата», «Строевая подготовка», «Стрельба из пневматической винтовки», «Марш-бросок» видъёсты пыр потӥзы.

      Миляуша БУЛАТОВА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    ОБЪЯВЛЕНИЯ

    ПАРТНЕРЫ