архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Удмуртлык

      2014.05.22 2272 0
      Удмуртлык

      Жингрес удмурт кырӟан
      Кисьтэ шулдыр гурзэ,
      Сюлмам ӝужам марӟан
      Данъя ас чеберзэ.
      Жильыртыса каллен
      Вия чылкыт вуэн,
      Бурдъяськыса тӧлэн
      Лобе со беркытэн.
      Вань улон-вылонмес
      Дыртэ возьматыны.
      Кайгу бордысь шудэз
      Тырше палэнтыны.
      Ӵукна усем лысву
      Сётӥз, дыр, кутӥськон…
      Бусыын вуись ӟегмы
      Кузьмаз нош шумпотон.
      Нош калыкысь эшлык
      Луиз солы кужым!
      Ваньмыз со узырлык!
      Ваньмыз удмурт гурын!
      Данъя вал, адями,
      Ас вордӥськем кылдэ,
      Гажа удмуртлыклэсь
      Пушкысь крезь-кырӟанзэ.

      Небыт анай кылмы

      Мон шаерысьтымы вить сю витьтон сюрслэсь ятыр удмуртъёс пӧлысь одӥгез. Иж каре баш­кир музъемысь дышетскыны вуэмелэсь азьвыл, ноку ӧй малпаськылы маин висъясько асьмелэн кылмы но культура­мы шуыса. Семьяям, эшъёсы­ным, школаын мон вордӥськем кылыным вераськи. Али ке но ӟуч кылын малпаськыны ӧй дышы на: нырысь ваньзэ йырам удмурт сямен бергатӥсько, со­бере гинэ ӟуч кылэ берыктыса шараясько. Озьы выреме монэн нырысьсэ пумиськем адямилы туж паймымон адӟиське, дыр. Университетысь дышетӥсе одӥг пол юаз: «Кыӵе кылын тон малпаськыны дышемын? Удмуртэн?»

      Тодам на нырысетӥ кур­сын удмурт кылэз дышетэм­мы. Малы ке но мон кожасько вал, ваньзы удмурт кылэн вераськозы шуыса. Янгышась­кем. Укмысэз студентъёс пӧлысь кыкез гинэ анай кыл­зэс вольыт тодо. Солэсь но тумошо йӧтӥз, куке одӥгез нылаш кунгож сьӧрысь вуэм адями сямен вераськон мытӥз. Та нылашлы удмурт кылын вазем бере, со шуиз: «Говори по-русски, я тебя не понимаю». Трос вал сыӵе учыръёс. Ноку но таӵеез адӟымтэ бере, мы­ным ваньмыз паймымон потӥз: огез вераськыкуз котькуд уд­мурт кыл бере ӟуч кыл пуктэ, мукетыз аслэсьтыз диалект кылъёссэ кутэ, куинетӥез чылкыт удмурт кылын верась­кисько шуыса малпа… Озьыен, асьмеос пӧртэмесь, но коть­кудмы лулпушкын, мылкыдын - удмуртъёс.

      Асьмелэн кылмы шаркан удмуртъёслэн кадь чебер-во­льыт ке но ӧвӧл, алнашъёслэн кадь жингрес ке но ӧвӧл, бусы­ын веттаськись ю-нянь кадь небыт но улэп. Калыке ноку уг малпаськы кылзэ утён ся­рысь, малы ке шуоно уг кышка солэн быремезлэсь. Удмурт кылын вераськемысь ми ноку ум дугдэ.

      Наталия РОМАНОВА.

      Иж кар.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить