архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

      Кырӟалом но эктом, лулчеберетмес ӝутом

      2014.02.20 1000 0
       Кырӟалом но эктом, лулчеберетмес ӝутом

      Ермекей ёросын Лулчеберетлэсь арзэ усьтонлы сӥзем бадӟым концерт радъяськиз.

      - Ёросысь самодеятель­ной коллективъёслэн пӧртэм ласянь будэмзы берло дыре золгес шӧдӥське. Соос пӧлысь сизьымез «калык ансамбль» ним нулло, кыкез – «образцовой». Республика­ын но солэн палэназ паськыт вӧлмемын дано крезьгур­чиослэн Раис Ханнановлэн но Винер Мухаммадиевлэн нимъёссы. Со сяна, азинлыко тыршо кырӟасьёс Ильшат Ва­леев но Ильфир Заляев. Нош «Тодэ ваён» удмурт калык ансамбль но «Подруги» морд­ва коллектив 65 арлэсь кема ужало ни. Арысь аре паськыта «Земля предков» регионъёс куспысь фестиваль, - ужрадэз усьтыса пусйиз ёрос адми­нистрациен кивалтӥсьлэн социальной ужпумъёсъя воштӥсез Татьяна Головина.

      Дауръёс ӵоже ермекей музъемын даслэсь трос пӧртэм калыкъёс тупаса, ог­кылысь луыса уло но ужало. Соин ик ужрад «Большие Ер­мекеевские посиделки» ни­мамын вал. Бадӟым концертэ «Зангари» удмурт калык ан­самбль, «Сумбуль» - башкир, «Ярмэкэй» - бигер, «Рябинуш­ка» - ӟуч ансамбльёс, «Илем» - чуваш но «Ахирэтлэр» бигер фольклор ансамбльёс пырись­кизы. Ужрадлэн нырысетӥлюкетэз «Опусти колечко» йылол шудон амалэн ортчиз. Кинлэн кияз зундэс кыле, со ик аслэсьтыз дасям кырӟанзэ яке калык сям-йылолзэ возь­матэ.

      Праздниклэн кыкетӥлю­кетэз «Я вырос здесь, и край мне этот дорог» нимась­киз. Сое Гульнара Габдулга­лиеваен кивалтоно «Гуль­рус» эктон калык ансамбль усьтӥз. Соос эктон пыр ёро­сын улӥсь калыкъёслэсь улонзэс, сямзэс, пуш дуннезэс яркыт возьматӥзы. Само­деятельной артистъёсын ӵош, шаерзылэсь узырлык­сэ но чеберлыксэ кырӟан-эктонъёсынызы данъязы егит талантъёс но.

      Ужрадын радъям «Край родной, ты капелька России», «Всё прекрасное на земле – от солнца, всё хорошее – от че­ловека», «Село моё, как диво дивное» адӟытонъёс интыысь кибашлыослэсь ужъёссэс, вашкала улонэз, котькуд ка­лыклэсь сямзэ но культуразэ возьматӥзы.

      Ёрос администраци­лэн информационно-ана­литической сектореныз кивалтӥсьлэн Энже Шафико­валэн кылъёсызъя, Лулчебе­ретлэн араз администрация культура юртъёслы, библио­текаослы, музейёслы, само­деятельной коллективъёслы материально-технической юрттэт возьматоз. Матысь дыре Ермекейысь культура юрт выль автобуслы узырмоз. Культура удысын тыршись егит ӧнерчиослы улон интыен но юрттозы.

      Алим ФАИЗОВ.

      «Башинформ».

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить