Общественно-политическая газета удмуртов Республики Башкортостан

Ӵуказе Сочиын XXII Тол олимпи шудонъёс кутскозы. Нош туннэ со Олимпи шудонъёслэсь эстафетазэс пумитаз. Тылэз нырысетӥен нуыны оскизы тодмо фигуристкалы, олимпи чемпионкалы Татьяна Навкалы.

Калыккуспо олимпи ко­митетлэн президентэзлэн Томас Бахлэн малпамезъя, вуоно олимпиада историын одӥгез устоез луоз. XXII Тол олимпи шудонъёсы 88 шаеръёсысь спортсменъёс пыриськозы. Отчы нырысетӥосын вуизы Новой Зеландиысь, Япониысь, Бельгиысь, Монголиысь, Филиппиныысь командаос. Тол олимпи шудонъёсы Россия 232 спортсмензэ келяз. Соос спортлэн 15 видъёсызъя кужымзэс эскерозы. Тямысэтӥ тулыспалэ, кылсярысь, медаль понна нюръяськозы биатлонистъёс, куасчиос, сноубордистъёс но мукетъёс. Нош туннэ сноубордъя, фигурной катаниея но фристайлъя квалификациос ортчо.

7-23-тӥтулыспалэ Сочиын огъя 98 комплект медаль понна ӵошатскозы.