архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      Лулчеберет дуннее выль вамыш

      2014.01.23 1029 0
      Лулчеберет дуннее выль вамыш

      17-ТӤ ТОЛШОРЕ Янаул ёросысь Вуж Варяш гуртын бадӟым, тодэ кыльымон ужрад ортчиз. Тупатъян ужъёсты пыр потэм культура юрт та нуналэ выльысь ӧсъёссэ усьтӥз. Ужрадэ трос гуртоос люкаськизы. Соос шоры учкыса, валаны луиз: шуныт, югыт, шулдыр юртлэн усьтӥськемез котькинлы шумпотон ваиз. Тупатъян ужъёсын сэрен ик, гуртын кемалась ини концертъёс но, тунсыко ужрадъёс но ӧз ортчылэ. Та нуналэ калык татчы шутэтскыны вуиз.

       Выльдэм культура юртэз усьтон Лулчеберетлэн араз нырысетӥ вамыш выллем луиз. Ужрадэ дуно куноос но вуэмын вал. Соос пӧлын луизы Башкортостанысь Кун Собранилэн-Курултайлэн тӧроез Константин Толкачёв, БР-ысь культурая министрлэн воштӥсез Ранис Алтынбаев, Кун Собранилэн-Курултайлэн депутатэз Ильдар Гари­фуллин, Янаул ёрос админи­страциен кивалтӥсь Ильшат Вазигатов но мукетъёс.

      Варяшъёслы вазиськыса, Ильшат Агзамович шуиз:

      - Та бадӟым ужрадэн асьмеос туннэ ёросамы Лулчеберетлэсь арзэ усьтӥськом. Вераны кулэ, культура юртын тупатон ужъёслы ёрос бюд­жетысь коньдон юнме шорысь висъямын ӧвӧл. Татын тӥляд но, гуртоос, люкетты бадӟым. Тӥ котьку асьтэ культурадэс, йылолъёстэс утён сярысь малпанъёсын улӥськоды. Калык сям-йылолъёсын герӟаськем ужрадъёсы котьку мыло-кыдо пыриськиськоды. Миншакир Шаритдиновен кивалтоно «Югдон» фольклор ансамбльлэн вормонъёсыз но пусйымон. Ансамблез ёросын сяна, бускель шаеръёсын но, республикаын но ӟеч тодо. Оскисько, таиз ар но культура ласянь уно шумпотонъёс ваёз.

      Константин Толкачёв вераськоназ тупатон ужъёслэсь вылӥ ӟечлыкен быдэстӥськемзэс пусйиз. Туэ культура удысын ужасьёслы коньдон юрттэт возьматӥськоз, уждун ласянь кылдэм шуг-секытъёс но палэнтэмын луозы шуыса оскытӥз. Кун-Собраниысь-Курултайысь куноос культура юртлы светоэффект кузьмазы.

      Ранис Алтынбаев но ужрадэ кузьымъёстэк ӧз вуы. И. Вазигатовлы, Вуж Варяш гурт поселенилэн администрациеныз кивалтӥсьлы М. Шаритдиновлы но «Югдон» ансамбльлы со Тау карон гожтэтъёс сётӥз. Культура юртэн кивалтӥсез Радик Нигиевез ужаз пайдаё луись методической пособиосын шумпоттӥз. Со шуиз:

      - Таяз арын БР-ысь культурая министрлэн Амина Шафиковалэн кинюртэменыз Тау карон гожтэт нокинлы ӧм сётэ на вал. Лулчеберетлэн араз тужгес бадӟым кузьым нырысь ик тӥледлы шедиз. Малпасько, ар пумозь со выллем гожтэтъёс шыкысады трос люкалоды.

      Ӟечкылан кылъёс, кужмо кичабонъёс – та нуналэ соос трос луизы. Миншакир Шаритдинов гуртоосызлы пумтэм тау карон кылъёсын вазиськиз, азьланяз но тупаса, ӵошен ужаны куриз.

      «Восток» СПК культура юртлы ноутбук кузьмаз. Та нуналэ сое хозяйствоысь валтӥсь бухгалтер Олег Зайнуллин сётӥз. БР-ысь удмуртъёслэн НКЦ-енызы кивалтӥсьлэн Янаул ёросъя воштӥсез Юрис Саитов гуртысь библиотекае аслаз библиотекаысьтыз удмурт кни­гаосын но пособиосын узырмытон сярысь малпанзэ шараяз.

      - Гажано варяшъёс, ӟечкыласько тӥледыз праздникен. Та шуныт но чебер юрт котьку калыкен кусып возён интылы мед пӧрмоз, татын ноку медаз чалмытскы крезьгур, - вераз Юрис Саитович.

      Пумиськонэз шулдыр концерт азинтӥз. Учкисьёслы ёросысь «Ялкын», «Рябинушка», «Мирас», «Чулпан», «Рапсодия» ансамбльёс шулдыр кырӟанъёссэс, задор эктонъ­ёссэс кузьмазы. Гуртоос тужгес кужмоесь кичабонъёсын пумитазы но келязы Вуж Варяшысь «Югдон» ансамблез, Роберт Шакирзяновез, Ксения Нигиеваез, Кирилл Шакирзяновез но Янаулысь Ахмадуллинъёслэсь семьязэс.

      Ужрад котькинлэсь мылкыдзэ ӝутӥз. Тросэз келяськыса шуизы: «Шуныт юртын выль пумиськонъёс трос мед луозы. Татын котьку мед жингыртоз шулдыр крезьгур».

      Миляуша БУЛАТОВА.

      Янаул ёрос.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп