icon_gotop
18+
autorisation
Войти | Регистрация
Время в Татышле
09:19
Вторник, 19 Марта
Рекламный баннер 990x90px top

Вунонтэм кузьым

09:27 31.08.2017

Тани ми – Удмуртиысь, Башкортостанысь, Пермь шаерысь, Свердловск но Кировысь улосвылъёсысь, Татарстанысь удмуртъёс – Ижевске люкаськимы. Уйин 12 часын автобус кузь сюрес вылэ вырӟиз. Ог-огенымы тодматскыса, вераськыса жадеммес ик ӧм шӧдэ. Кӧня выль кырӟанъёс дышетскимы автобусын, серекъямы. Нош дырын-дырын дугдылыса нюлэс дурын чай быректытыса юимы, сиён пӧзьтӥмы. Соос вуытозь арган гурен кырӟамы, эктыны но кужыммы тырмиз на.

Ми Цандрыпш посёлокын улӥмы. Нош пыласькыны Рица ты дуре ветлӥмы. Со сяна, татын ми адӟимы син сузёнтэм ӝужыт гурезьёсты, пырамы Гагра городысь национальной парке. Ми азе таӵе ужпум пуктэмын вал: эшлыко абхаз калыкез удмурт культураен, дӥськутэн, эктонъёсын но кыр-ӟанъёсын тодматоно.

Абхазиысь бертыкумы Волгоградэ пырамы. Татын Россиысь валтӥсь мемориальной комплексэз – Мамаев Курганэз – адӟимы. Озьы мынам пичи дырысь малпанэ быдэсмиз. Абхазие вуылон мон понна бадӟым кузьым луиз. Соин бадӟым тау карон кылме вераме потэ Камсьӧр удмуртъёслэн огазеяськонэнызы кивалтӥсьлы Флюра Ахметовна Чибышевалы. Солэн тыршеменыз милемлы мурт шаерлэсь чеберлыксэ адӟыны кылдӥз. Флюра Ахметовналы юн тазалык, ужаз азинсконъёс, семьяяз тупаса улон, шумпотон сӥзисько.

Оскисько, азьланяз трос луозы та выллем пумиськонъёс, ӵошен ветлон паськыт но вольыт сюресъёс.

                                                                                                                             Альфия  МЕДВЕДЕВА.

Татышлы ёрос.  

8199

Оставить сообщение: