архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      «Удмурт гурт вордӥз монэ, Удмурт шӧмзэ кузьмаз нэнэ»

      2017.08.24 178 0
      «Удмурт гурт вордӥз монэ, Удмурт шӧмзэ кузьмаз нэнэ»

      Дас укмысэтӥ гудырикошконэ Калтасы ёросысь Бадӟым Туганеево 220 ар тырмонзэ пусйиз. Празднике гурт калык пыр-поч дасяськем: урамъёс ӝикыт утялтэмын, огзылэсь огзы чебересь коркаос куноосты доразы ӧтьыса сямен сыло. Одӥгаз ульчаын бадӟым празднике лыктэмъёсты кунояны ӝӧкъёс дасямын. Тыл вылын ческыт шыд пӧзе. Котырын удмурт крезьгур чузъяське.

      Гуртлэн кылдэмезлы сӥзем ужрад нылпиослы шудон площадка усьтон бордысен кутскиз. Отчы Калтасы ёрос администрациен кивалтӥсь Юрий Садыров но пыриськиз. Та уж «Единая Россия» партилэн «Реальные дела» проектэзъя быдэстэмын. Собере калык Быдӟым Атыкай ожын быремъёсты буре вайыса, обелиск вӧзы сяськаос понӥз.

      «Удмурт гурт вордӥз

                                           монэ,

      Удмурт шӧмзэ кузьмаз

                                                нэнэ…»Таӵе кылбур чуръёсын праздникез усьтӥзы ужрадэз нуисьёс Светлана Каташова но Вера Байтимирова. Собере люкаськем калыкез бадӟым праздникен ӟечкыласа вераськизы Калтасы ёрос администрациен кивалтӥсь Юрий Садыров, Тюльди гурт поселенилэн администрациеныз кивалтӥсь Вадим Пазугутов. Соос калыклы азинсконъёс, выль вормонъёс, котьку тупаса улыны сӥзизы.

      Тугынилэн кылдэм, азинскем сюресэз сярысь вераз гуртысь одӥгез гажано адями Геннадий Мингареев. (Гуртлэн историеныз газетлэн вуоно номераз тодматомы). Вераны кулэ, Геннадий Ахметбаевич та ужрадэз дасянэ трос кужымзэ понэм, азяз пуктэм ужпумъёссэ йылаз-пумаз вуттыса быдэстэм. Озьы ик та секыт ныпъетэз ас вылаз басьтэм 1993-2005-тӥ аръёсы гуртысь клубын ужам кышномурт, али дыре но гуртын ортчись ужрадъёсы азинлыко пыриськись Тамара Галяутдинова.

      - Бадӟым тау кылъёсме верасько гуртоосылы, тужгес ик Флюр Шаритдиновлы, Афанасий Диязовлы, Александр Тимирзяновлы. Та праздник гурт калык тыршемен радъяськиз, гурт калык ик коньдонэн но юрттӥз. Бадӟым праздникез ортчытон капчиен уг сётӥськы, ужпумъёс трос луо. Кылсярысь, куноосты куноян понна ӝӧк дасяно. Гурт калык сюлмысь та уж борды басьтӥськиз. Бадӟым тау сцена тупатӥсьёслы Валентин Тимирзяновлы, Александр Чужековлы но Константин Кисамитдиновлы, пӧзьтӥськисьёслы, соослы пу, ву ворттыны юрттӥсь арлыдо воргоронъёслы – Сергей Бадырзяновлы но Галимзян Нуриевлы. Озьы ик пӧзьтӥськисьёслы бадӟым юрттэт возьматӥз Сергей Семёнов. Сценариез дасян бордын тыршиз Светлана Каташова. Солы юрттӥськиз Вера Байтимирова. Юртаез праздниклы дасянэз ас вылаз басьтӥз «Марӟан» ансамбль. Соослы но тау кылъёсме верасько. Гурт поселенилэн администрациеныз кивалтӥсьлы Вадим Владимировичлы но бадӟым тау. Таӵе ужрадэз оген дасяны уг луы, - вера Тамара апай.

      Гуртлэн узырлыкез – со калык, гуртын улӥсь дано адямиос, семьяос. Та нуналэ Тугынилэсь зэмос геройёссэ, война пыр потэмъёсты, секытлыкез вормемъёсты, сютэмлыкез адӟем арлыдоосты – 92 аресъем Какима Гильмияроваез, 90 аресъем Евдокия Мингарееваез, 89 аресъемъёсты Ольга Зайнетдиноваез, Меняй Дедымышеваез, 86 аресъемъёсты Гыльбинса Шакирзяноваез, Менлифа Мукасеваез, 81 аресъем Анастасия Камильяноваез, 84 аресъем Назима Тимирзяноваез - данъязы. Палэнэ ӧз кыле кема аръёс ӵоже ӵошен улэм кузпалъёс но. Ӟечкылазы зарни сюанэнызы Зинаида но Михаил Семёновъёсты, 45 ар ӵош улэм Роза но Галимьян Нуриевъёсты, 40 ар ӵош улэм Анна но Юрий Мукасевъёсты, 35 ар ӵоже артэ вамыштӥсь Людмила но Владимир Галиевъёсты, 30 ар ӵош улэм Фарида но Геннадий Мингареевъёсты, Светлана но Валентин Тимирзяновъёсты, Надежда но Эрик Мухаметдиновъёсты, Анна но Виталий Уразбаевъёсты, Тамара но Геннадий Галяутдиновъёсты, азвесь сюанзэс пусйись Мария но Александр Шаптраев кузпалъёсты. Озьы ик кузьымъёсын шумпоттӥзы гуртэ улыны кылем трос нылпиё егит семьяез – Ольга но Руслан Минтимировъёсты, соос куинь муспотон нылъёсты будэто.

      Праздниклэсь азьвыл Бадӟым Туганеевоын «Образцовой юрт» конкурс ялэмын вал. Жюрилы кема тунано луэм, малы ке шуоно котькин ас улон интызэ празднике чеберъян сярысь сюлмаськем. Нош вормисе потӥзы Алина но Флюр Шаритдиновъёс.

      Гуртлэн вуоноез – нылпиос. Праздникын куать нылпиё семья понна но – Анна но Вячеслав Миназевъёс – шунытэсь кылъёс верамын вал. Тугынилэсь тужгес пичи улӥсьсэ – кык арня талэсь азьвыл вордӥськем Милана Минтимироваез но ужрадын пусйытэк ӧз кельтэ.

      Сцена вылын шулдыресь удмурт кырӟанъёс чузъяськизы. Концерт дасян сярысь сюлмаськиз гуртысь «Марӟан» вокальной ансамбль. Учкисьёслы задор мылкыд, кырӟанъёссэс но эктонъёссэс кузьмазы на Бурай ёросысь Алтауысь, Калтасы ёросысь Бадӟым Качак, Вылысь Тыхтем, Кургак, Тюльди гуртъёсысь но Нефтекамскысь вуэм ансамбльёс. 

      Ужрад бер ӝытозь кыстӥськиз. Пра зднике люкаськем калыкез туганеевоос пӧсь чаен, пыжиськемъёсын но ческыт шыдэн куноязы. Кунооссылы соос ӟеч мылкыдзэс, шуныт кылъёссэс но ӧз жалялэ.

                                                                                                                                                               Миляуша  БУЛАТОВА.

      Калтасы ёрос. 

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп