архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      Милемыз пумитаз Выль Сусадыбаш

      2017.08.03 142 0
      Милемыз пумитаз Выль Сусадыбаш

      Азьвыл ветлымтэ удмуртъёс улоно гуртэ вуылӥм Иткинеево, Сусады-Эбалак, Ирдуган, пичи гинэ Андреевка, Вуж Сусадыбаш гуртъёсты ортчыса, Выль Сусадыбаше вуим. Та гуртын ми нырысьсэ.

      Тодмотэм интыын нырысь ик инкуазьлэн чеберез, шулдырлыкез син шоры йӧтэ. Хозяйствоын ужасьёс паськытэсь вож-вож бусыосын пудо сиён дасяло. Киосынызы шонаса сямен лыктӥсьёсты пумитало гуртэ пырись сюрес дурысь писпуос. Ульчаос вож ожоен шобырскемын. Пыд кутчанэз кыльыса, гольык пыдын ортчем ик потэ. Котырак шыпыт. Кыӵе ке но шунытлык лыктэ кадь та гурт бордысь.

      Выль Сусадыбаш Янауллэсь 23 иськеме интыяськемын, Первомай гурт поселениын лыдъяське, «Дружба» СПК–е пыре. Исторической кагазъёсты эскероно ке, гурт 1858- тӥ арын кылдэмын. 2010-тӥ арын ортчем лыдъян-чотанъя, Выль Сусадыбашын 87 адями улэ. Азьло аръёсын ӵошатоно ке, гуртын улӥсьёслэн лыдзы трослы кулэсмемын. Кылсярысь, 1917-тӥ арын татын 395 адями улэм.

      Дас арлэсь ятыр «Дружба» СПК-ен кивалтӥсьлэн Ралиф Шайдуллинлэн кылъёсызъя, Выль Сусадыбашын тыршись, ужась калык улэ. Отын поръёс тросгес ке но лыдъясько, удмуртъёс вордӥськем кылзэс уг вунэто, ог-огенызы анай кылынызы верасько.

                   Удмурт семья

      Анна но Хамидулла Нуриевъёс доры пырим. Тямыстон ареслэсь бадӟым кузпалъёс милемлы вакчияк гуртсы сярысь но мадизы. Калыкын Выль Сусадыбашез Починка, пе, шуо. Нош бускель Вуж Сусадыбашез – Вужгурт.

      - Выль Сусадыбашез, кызьы верало вал анай-атайёсмы, Конигово, Можга но Шудек гуртъёсысь выжыса лыктэм удмуртъёс, Вуж Сусадыбашысь поръёс кылдытӥллям, - вера Анна Салимзяновна. – Вакытаз гурт урамъёсмы нылпи куараосын тырмо вал. Али егитъёс луымтэ бере, гуртмы пичия. Пересьёс но та улонэ пыраклы лыктэмын ӧвӧл ук. Коркаос ӵогасько. Гурт быре.

      Анна песянай Калтасы ёросысь Бадӟым Туганеевоын вордӥськыса будэмын. Татчы со 1958-тӥ арын тулыспал толэзе лыктэм. Хамидулла песятаен соос куатьтон арлы матэ ӵош вамышто ни улон сюрес кузя. Кыксы ик колхозын ужаллям. Анна песянай скал кыскем, пӧртэм ужъёсты быдэсъям. Хамидулла песятай пенсие потытозяз фермаын ужам. Кузпалъёслэн пичи дырзы ож аръёсы тупам. Со «курыт» нуналъёссэ тодаз вайыса, Хамидулла песятай вера:

      - Семьяын ми вить нылпи вал, огнам кыли ини. Сисьмем картофка сиыса будӥм. Турын-куарен кӧтмес тыриськом вал. Ма, озьы гинэ кӧтэз тырытод-а? Сютэмлыклэсь марзэ умой тодӥсько.

      - Беризь куар куасьтӥськом вал. Сое сисьмем картофкаен сураськом но ӝуась гур азе куштӥськом. Пыжемъяськиськом вал, дыр, ини. Со гырезь луоз вал. Улӥськиз ини, оломар но адӟим, секытлыкъёсты вормыса, тямыстонозь но вуыны гожтэм вылэм, - арлыдо песятайлэсь веранзэ азьланьтыса шуэ песянай.

      Ӟеч тодон-валан басьтыны но соослы кылдымтэ. Анна Салимзяновна куинь класс дышетскем. Хамидулла Шайдуллинович гуртсылэсь дас иськеме интыяськем Калтасы ёросысь Тюльди школае дышетскыны ветлэм. Нуналлы быдэ со 20 иськемез пыдын ортчылэм.

      - Пыдын – кут, Тюльдие мынон понна, куинь мур гопъёсты потоно вал. Котмем пыдын школаын пукиськод но, озьы ик бертыны потӥськод, - тодаз вае песятай. - Озьы сизьым классэз йылпумъяй, собере дышетсконэз азинтыны луонлыкъёс ӧй вал.

      Тямыстон ареслэсь бадӟым кузпалъёс кыкназы уло, юртъер котырысьтызы ужъёссэс каллен быдэсъяло. «Нылпиосмы ӵем  бертыло. Милям соос трос – вить нылпиосмы, сизьым внукъёсмы но тямыс правнукъёсмы», - шуо соос.

              Миляуша БУЛАТОВА.

      Янаул ёрос.

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп