Бадӟым ву лыктэ

Соку Белая шур 10 метрлы матэ ӝутӥськем но трос гуртъёс ву улэ кылиллям. Тудвулэн быдӟалаез п ӧ р т э м м у г ъ ё с ы н герӟаськемын, кылсярысь, тол ӵоже усем лымылэн мурдалаеныз, музъемлэн кынмеменыз но мукет. Туэ лымы шор лыдын 70 процентлы тросгес усиз. Озьы ке но та лыдпус сокем кышкыт ӧвӧл. Берло кызь ар ӵоже тужгес лымыё луизы 2000-2001-тӥ но 2006-2007-тӥ аръёс. Тудву термометр ноль градуслэсь бадӟымгес лыдпусъёс возьматыкуз кышкатыны кутске. Оштолэзь кутсконын республикаямы 10-13 градус шуныт луоз ни. Белая шурлэн вуэз тямыс метрозь ӝутскыны кулэ. Озьыен, Башгидрометын верамзыя, Башкортостанэ зэмос тулыс вуоз 4-8-тӥ оштолэзе, шуръёс 10-15-тӥ оштолэзе усьтӥськозы. Туэ тудву республикаысьтымы огъя 258 городъёсы но гуртъёсы вуыны быгатоз. Солэсь кужымзэ 80 сюрслэсь трос адями шӧдоз. Ву улэ шедёно гуртъёсын но городъёсын docs.cntd.ru/ document/463500747 сайт возьматэ. Росс и ы с ь МЧСл э н Башкортостан Республикая валтӥсь управлениезлэн лыдпусъёсызъя, т у л ы с тудвуэн нюръяськыны 1500 техника дасямын, сизьым сюрслэсь трос адями ужалоз. Тудвуэз космосысен, омырысен но музъем вылысен эскерозы.

Дасяз Ольга НИГАМАТУЛЛИНА.