архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    ФОТОГАЛЕРЕЯ

    АНЕКДОТЫ

      Лыдпусъёс ог-огзы сьӧры уисько. Кин вормоз?

      2017.01.12 331 0
      Лыдпусъёс ог-огзы сьӧры уисько. Кин вормоз?

      Башкортостанысь удмуртъёслэн национально-культурной центрзы выльзэ арез бадӟым ӵошатсконэн кутскиз. Республикаысьтымы но Пермь шаерысь Куеда ёросысь удмурт гуртъёсысь нылкышноослэн но пиосмуртъёслэн волейболъя командаоссы кужымзэс эскеризы. Ӵошатскон Татышлы ёросысь Калмияр гуртын ортчиз. Зэм, командаос ньыль площадкаосын шудӥзы. Пиосты Уразгильдыын но Калмиярын пумитазы, нош нылъёс Выль Татышлыысь кык площадкаосын шудӥзы. Ӵошатсконэз таӵе амалэн радъян дырез трослы шыръяны юрттӥз. Отчы пиослэн тямыс но нылъёслэн куать командаоссы пыриськизы угось.

      Калмиярын – ньыль команда

      Ӵошатсконэ вуэм командаос нырысь Выль Татышлые люкаськизы. Бӧрысь соосты пӧртэм площадкаосы келязы. Калмияре пиослэн куинь командаоссы вуизы: Бальзюгаысь, Бадӟым Качакысь но Улысь Балтачысь. Татын ик шудӥзы кузёос но. Шудонэз усьтӥзы Калмиярысь но Бадӟым Качакысь командаос. Вераны кулэ,  куноос – кылем арын ортчем ӵошатсконын вормисьёс. Соин, вылды, калмияръёслы нырысь соослы пумит шудыны ӧжыт шурдытгес вал. Нош берло пиослэн асьсэ кужымзылы осконзы будӥз. Шудон 2:1 лыдпусэн йылпумъяськиз. Озьыен, нырысетӥ шудонын кузёос кужмогес луизы. Но Улысь Балтачысь командаен соослы ӧз удалты, куноос шаплыгес но кужмогес вал. Соос Бадӟым Качакысь вуэм командаез но азьпалтӥзы. Та нуналэ Бальзюгаысь команда но туж кужмо адӟиськиз. Пиос ог-огзэс шӧдыса, валаса шудӥзы. Соин, вылды, соослэн Улысь Балтачысь командаен шудонзы тунсыко луиз. Лыдпусъёс огзы сьӧры огзы уиськизы, кожалод. Балтачъёсты бальзюгаос но чигтыны ӧз быгатэ. Кыкез ик командаос финалэ потӥзы.

      Вера валтӥсь судья

      Волейболъя ӵошатсконэ Арибашысь но Калмиярысь нылъёслэн командаоссы нырысьсэ вуизы. Соослы пумит султӥзы Бадӟым Гондырысь но Выль Татышлыысь нылъёс. Ӵошатсконэ соос кык командаосын вуиллям. «Нылъёс пӧлын вань командаос кужмо шудӥзы, чебер волейбол возьматӥзы, - вера ӵошатсконлэн валтӥсь судьяез Александр Сабанчин. - Но Бадӟым Гондырысь командаос кужмогес луизы. Йылпумъянъёс умоесь, шудон котькинлы ӟеч мылкыд кельтӥз. Ӵошатсконын нырысетӥ интыын луиз Бадӟым Гондырысь дышетскисьёслэн командазы, кыкетӥ интыез басьтӥзы отысь нылкышноос. Выль Татышлыысь студентъёслэн командазылы куинетӥ интыен буйгатсконо луиз». Валтӥсь судья бадӟым тау карон кылъёссэ вера ӵошатсконэ нырысьсэ пыриськись командаослы но соосты татчы вуттон сярысь сюлмаськисьёслы.

      Александр Сабанчин вераськонзэ азьланьтыса, пиослэн Уразгильдыын ортчем пумиськонзы сярысь вераз. Со шуиз: «Пиослэн командаоссы кужмоесь. Тодмо ӧй вал, кин финалэ потоз. Татын устогес шудӥзы кузёос но Бадӟым Гондырысь команда. Командаос кужмо луэмен, кылем арысь вормисьёслы – качакъёслы – пумит зол шудон возьматӥсьёс луизы. Туннэ бадӟым тау карон кылъёсме вераме потэ на ӵошатсконэз ортчытыны юрттӥсьёслы – «Агро-Танып» СПК-ен но Калмияр гурт поселенилэн администрациеныз кивалтӥсьёслы Сергей Хановлы но Фануз Ивановлы, Калмияр школалэн коллективезлы».

      Финал

      Финалын ньыль команда пумиськиз. Нырысь кужымзэс эскеризы Бальзюгаысь но Уразгильдыысь пиос. Пумиськон 0:2 лыдпусэн йылпумъяськиз. Кужмогес луизы уразгильдыос. Собере Улысь Балтачысь команда гондыръёсты азьпалтӥз. Бальзюгаос но соослэсь кужмогес луизы. Нырысетӥ инты понна шудонын Уразгильдыысь но Улысь Балтачысь пиос пумиськизы. Шудон кема кыстӥськиз. Огезлэн но командалэн сётскемез уг поты угось. Куинетӥ партиын гинэ вормись шараяськиз – кубокез уразгильдыос басьтӥзы. «Берпуметӥез пумиськон тужгес секытэз вал, - вера Уразгильдыысь  Виталий Зинатуллин. – Кужым огвыллем луиз».

      Ӵошатсконын кыкетӥ интые потӥз Улысь Балтачысь команда, куинетӥе – Бальзюгаысь. «Устоез нападающий» ним сётэмын вормись командаосысь Влас Мардамшинлы но Оля Мансуровалы.Вормисьёсты ӟечкыласа вераськизы Калмияр гурт поселенилэн администрациеныз кивалтӥсь Фануз Иванов, валтӥсь судья Александр Сабанчин но БР-ысь удмуртъёслэн НКЦ-енызы кивалтӥсь Салимьян Гарифуллин. Вормисьёслы киысь кие выжись кубок но медальёс сётэмын.

      Ольга НИГАМАТУЛЛИНА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    Свежий номер

    Факты

    ПАРТНЕРЫ

    Поздравления

    Гороскоп