архив номеров

АРХИВ НОМЕРОВ

ПОСЛЕДНИЕ КОММЕНТАРИИ

Каталог предприятий

    развернутьсвернуть

    ВОПРОС-ОТВЕТ

    Добавить вопрос

    Имя
    E-mail
    Вопрос:
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
     
    Отправить

    АНЕКДОТЫ

      Выль спортзалысен – выль вормонъёсы

      2016.11.10 425 0
      Выль спортзалысен – выль вормонъёсы

      Выль Татышлы культура юртысь спортзал тодмантэм воштӥськем: татын тупатъян ужъёс йылпумъяськемын. Соосты быдэстыны юрттэт возьматӥз Татышлы ёрослэн администрациез. Со сяна, культура юртлэн липетэз, укноосыз но ӧсъёсыз воштэмын.

      Тани зал тыр туп куара, нылпиослэн жингрес серекъямъёссы шуккиське. Табере спортэн тунсыкъяськись пичиослэн но, егитъёслэн но, бадӟымъёслэн но дырзэс пайдаё ортчытыны луонлыкъёссы вань.

      Спортзалэз усьтон ужрадэ ёрос администрациен кивалтӥсь Рушан Гараев пыриськиз. Со выль татышлыослы спортын вормонъёс, азинсконъёс сӥзиз. Татышлы ёросысь спортъя но егитъёсын ужанъя ёзэтэн кивалтӥсь Эльза Валиева но Россиысь ДОСААФ-лэн интыысь ёзэтэныз кивалтӥсь Марс Самигулов выльдӥськем спортзал выль вормонъёсы нуись тубат луоз шуыса осконзэс веразы. Вераны кулэ, Выль Татышлы гурт поселение пырись гуртъёсысь нылпиос, егитъёс ёросын но республикаын ортчись спорт ужрадъёсы азинлыко пырисько, ӟеч лыдпусъёс возьмато, вормисьёс пӧлын луо.

      Россилэсь но Башкортостанлэсь флагъёссэ ӝутонэз волейболын кужмоослы – бронза призёръёслы Ильнар Латиповлы, Кирилл Шайсламовлы но Валерий Зайноковлы оскизы. Ужрадын Выль Татышлы гурт поселенилэн администрациеныз кивалтӥсь Николай Рахимьянов, гуртысь культура юртэн кивалтӥсь Зифина Фархутдинова, физкультурая дышетӥсь Александр Сабанчин ёрос кивалтэтлы пумтэм тау кылъёссэс веразы. Школаын дышетскисьёс но палэнэ ӧз кыле – куноослы тунсыко эктон номеръёс возьматӥзы.

      Ужрад улсын, волейболъя ӵошатскон радъяськиз. Отын бад-ӟымъёслэн тямыс командаоссы кужымзэс мертазы. Нырысетӥ интые потӥз Пермь шаерысь Бадӟым Гондырысь вуэм команда, кыкетӥ интыын – Выль Татышлыысь команда, куинетӥ интыын – Улысь Балтачысь команда, ньылетӥ интыын – Чургулдыысь команда. Выль Татышлы командаысь Николай Шайсламов турнирын тужгес усто шудӥсен лыдъямын. Солы интыысь ДОСААФ-лэсь водительлы дышетскыны сертификат кузьмазы - 20 процентъем скидкаен.

      Пусъёно, спортзалын тупатъян ужъёсты ёросысь «Теремстрой» огазеяськон быдэстӥз. Отысь ӧнерчиослы Александр Мардановлы но Фанил Закировлы ужрадын синпель кузьымъёс сётӥзы.

      Выль Татышлы культура юртысь спортзал табере ёросын тужгес ӟеченыз лыдъяське. Калыкъёслэн огкылысь луон праздниказы со гуртоос понна бадӟым кузьым луиз. Выль спортзал выль вормонъёсы, выль азинсконъёсы сюрес выллем мед луоз!

      Эльмира ГАРЕЙШИНА.

      Рубрики:

      Номер:

    • отправить другу
    • распечатать
    • Комментарии

      Имя
      E-mail
      Текст
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
       
      Отправить
      Сбросить

    ПАРТНЕРЫ

    Поздравления

    Гороскоп