-
2017.08.31
0
Таиз ар гурт удысын тыршисьёс понна капчиен ӧз сётӥськы. Тулыс бер вуэмен, кизён ӝегатскиз - ужъёсты вакчи дыр куспын быдэстоно луиз. Инвожое но пӧсьтолэзе дугдытэк кисьтэм зоръёс пудо сиён дасяны люкетӥзы. Хозяйствоос зоръёсын нюръяськыса сямен сенаж, силос тыризы ке но, турын тырмыт дасяны ӧз быгатэ. Та уж али но азинске на. Ю тысь дасян дыр но вуиз. Тросаз хозяйствоосын толйись ӟегез но кизё. Уж трос, куазь гинэ медаз люкеты соосты быдэстыны.
-
2017.08.03
0
Башкортостанын «Племенное животноводство - 2017» адӟытон-аукцион ортчиз. Сое республикаысь Гурт хозяйствоя министерство радъяз. Ньылетӥ ползэ ортчем республика ужрадысь ӟеч выжыысь ветылъёсты, валъёсты но чуньыосты, ыжъёсты адӟыны луиз. Адӟытон-аукционэ Татышлы ёросысь «Рассвет», «Дэмен» СПК-ос но пыриськизы.
-
2017.07.27
0
Куинетӥ гудырикошконысен 2016-тӥ арын ужам республикаысь арлыдоослэн пенсизы будоз. Пенсионной фондлэн Башкортостанысь ёзэтэз ужась пенсионеръёслэсь пенсизылэсь страховой люкетсэ лыдъян ужъёсты дыраз быдэстэм.
-
2015.07.23
0
Республикаысьтымы бусыосын ю-нянь тыро шепъёсыныз веттаське ни. Нош гурт хозяйствоослэн пудо сиён дасянзылэн ӟырдыт вакытэз йылпумъяськымтэ на. Соин музъем ужасьёс чидатэк возьмало куазьлэсь тупатскемзэ. Соос тодо: гурт удысын ваньмызлэн аслаз дырыз.
-
2015.04.02
0
Бусыосысь лымы шунаса быремын ӧвӧл ке но, гурт удысын тыршисьёс гырон-кизён ужъёслы саессэс пужалляса дасясько ни. Котькуд гурт хозяйствоосысь гаражъёсын тупатъяськон ужъёс ӟырдыт мыно. Таяз арын тулыс бусы ужъёсты, БР-ысь гурт хозяй¬ствоя министрлэн Николай Коваленколэн ивортэмезъя, оштолэзьлэн куинетӥ арняяз кутскыны чакламын.
-
2015.02.12
0
Бусыос лымы улын шутэтско на. Нош кивалтэт, гурт калык соосты дыраз гырон-кизён сярысь сюлмасько ни. «Таяз арын бусы ужъёсты быдэстонын трос шуг-секытъёсын пумиськомы. Соос тужгес коньдонэн герӟаськемын луозы. Озьы ке но асьмеос ваньзэ вормыны быгатомы», - вераз Рустэм Хамитов. Та выллем кылъёсты туннэ котькудаз гурт интыын шумпотыса пумитазы, луоз.
-
2014.12.18
0
Башкортостанлэн Президентэз Рустэм Хамитов республикаысь ёрос но город администрациосын, эмъюртъёсын кивалтӥсьёсын пумиськылӥз. Республикалэн тӧроез соос азьын пӧртэм ужпумъёс пумысен вераськон ӝутӥз. Тужгес бадӟым инты висъяськиз калыклэсь тазалыксэ утёнлы. Уго чылкак соин герӟаськемын уж дурысь азинсконъёс, демографи ласянь лыдпусъёс но трос мукетыз.
-
2014.10.02
0
Куарусён толэзьлэн берпуметӥ нуналаз Башкортостанлэн Президентэз Рустэм Хамитов но Казахстанысь Атырауск улосвылысь Аким Бактыкожа Измухамбетов торгово-экономической, научно-технической но гуманитарной ӧръёсын валче ужан сярысь соглашение кутӥзы. Ужрадэ РФ-лэн Президентэз Владимир Путин но Казахстанлэн Президентэз Нурсултан Назарбаев пыриськизы.
-
2014.09.11
0
Шаермылэн пӧртэм сэрегъёсысь бусыосын комбайн-трактор гуретэм куараос кылӥсько. Россия Федерациысь Гурт хозяйствоя министерстволэн лыдпусъёсызъя, 8-тӥкуарусёнэ огъя 30 миллион гектарысь ю тысь кутсамын ни. Бусы ужасьёс котькуд гектарысь 27,2 центнер ю-нянь басьто. Нош Башкортостанын та лыдпус шор лыдын 14,8 центнерлы ӵоша. Та нуналъёсы республикаысьтымы итымъёсын огъя кык миллион тонналы матэ ю тысь люкаськемын ни.
-
2014.07.10
0
ГУЖЕМ гурт хозяйствоын ужасьёс понна котькуд нунал лыдъямын луэ. Бусы ужъёсты дыраз лэсьтоно, турын дасяно, хозяйствоез сенажен, силосэн тырмытоно. Ваньмыз вутскемез, уж шоры кузё синмын учкемез кулэ каре.
Сирия: добиться победы, обеспечить мир
2017.11.27
Просмотры: 377 Комментарии: 0
Вунонтэм кузьым
2017.08.31
Просмотры: 549 Комментарии: 0
Гудырикошкон. Шундыё шуныт ӵукна. Туннэ мынам вордскем нуналэ. Та нуналэ арлы быдэ дорам дуно туганъёсы, эшъёсы лыкто. Нош туэ мон дорын уг луы, кыдёкысь кавказ музъеме, Чёрной море дуре, мыно.
Добавить вопрос