Статьи

Арлян Янаул городлы 12 иськемлы палэнэ интыяськемын. Солэн кылдон сюресэз кыдёкысь 1807-тӥ арен герӟаськемын. Гуртэз кылдытонын Уранской волостьысь башкиръёс кичӧлтӥсь луиллям. Нош туннэ Арлянлэсь историзэ удмуртъёс азинто.

Кема зорыса улэм бере пилемъёс сьӧрысь пальышаса потӥсь шунды ужась калыкез турын дасян ужъёсы ӝутӥз. Гурт хозяйствоосын турын, сенаж, силос дасян ужъёс ӟырдыт кутскизы. Гужем пӧсям ву кисьтыса ужад ке, толалтэ пудо сиёнлы уд ёрмы. Сое ужась калык ӟеч вала, соин ик шулдыр нуналэз юнме ыштытэк бер ӝытозь бусыосын, лудъёсын тырше. Республикамылэн пӧртэм интыосаз тракторъёс, машинаос, турын дасянлы юрттӥсь агрегатъёс гурлало. Та вакытэ тросэз гурт хозяйствоос ӟеч будэм вож турынэнызы ушъяськыны быгато. Турнам турынлэн удалтэм пакосъёсыз синъёсыз шумпотто ке но, сюлэмшугъяськон но зӥбе: нош турынэз ӟеч октыны луоз меда? «Гужем зорыса тырмытӥз ни, табере пӧсь шунды сиос кулэ», – сюлэмшугъяськонэныз люкиське ужась калык. Туннэ тӥледыз республикаысьтымы куд-ог ёросъёсысь гурт хозяйствоослэн бусы ужъёсынызы тодматӥськом.

Алия Аксаитова но Дания Хабибуллина Янаул ёросысь Вот. Ошья гуртын вордскиллям. Кышномуртъёс пичиысен эшъясько. Школаын дышетскыкузы соос котьку парта сьӧрын ӵошен пукиллям. Уж удыс но огвыллем бырйиллям: воспитательлы дышетскиллям. Тодон-валан басьтыса, 1986-тӥ арын егит ӧнерчиос Выль Артаулысь «Василёк» нылпи садын ужаны кутскиллям. Семья кылдытэм беразы гинэ матысь эшъёслэн ваче азинскись сюрессы воштӥськем. Алия Минкаировна гуртысьтыз пияшен улонзэ герӟам, Дания Алексеевна Выль Артаул пияшлы бызем.

Рустэм Хамитов Салават ёросын БР-лэн Президентэз¬лэсь «Об объявлении 2014 года в Республике Башкортостан Годом культуры» Указэзлэсь быдэстӥськемзэ эскерон пумысен семинар-совещанилэсь пленарной заседанизэ ортчытӥз. Отчы город округъёсын но муниципал ёросъёсын кивалтӥсьёс пыриськизы.

ГУЖЕМ гурт хозяйствоын ужасьёс понна котькуд нунал лыдъямын луэ. Бусы ужъёсты дыраз лэсьтоно, турын дасяно, хозяйствоез сенажен, силосэн тырмытоно. Ваньмыз вутскемез, уж шоры кузё синмын учкемез кулэ каре.

Кырӟаса лэзём али но Вераса лэзём али. Та мӧзмем но сюлэмъёсмес Буйгатыса лэзём али…

2008-тӥ арын Алтауын одӥг нуналэ куинь бадӟым ужрадъёс ортчизы. Ӵапак соку ик республикаямы быдӟым Элен вӧсь улӟиз. «Осто, Инмаре-Кылчинэ» чузъяськиз со нуналэ котырак. Нош таиз арысь 29-тӥ инвожое Алтау музъем вылын куинетӥ ползэ ни Быдӟым вӧсьын Инмарлы вазиськизы. Озьыен, туэ со огъя сизьыметӥ ползэ радъяськиз. Элен вӧсьын арысь аре республикаысьтымы Алтауын но Вуж Варяшын сяна, Пермь шаерысь Кирга музъем вылын но йыбыртто.

«Гуртэ, мынам гуртэ. Бадӟым ик со ӧвӧл…» - Г. Корепанов-Камскийлэн чуръёсыныз усьтӥзы гуртлы сӥзем праздникез ужрадэз нуисьёс Лидия Пукрокова но Гульфиза Садриева.

Гурт удысын тыршисьёс тулыс гырон-кизён ужъёс бере шутэтскыны но ӧз вуэ, мукетыз ӟырдыт дыр кутскиз - пудо сиён дасян. Та ужпумлы хозяйствоосын бадӟым саклык висъяське. Дыраз тырмыт турын, силос, сенаж дасямтэ хозяйствоослы толалтэ секыт йӧтэ угось. Та выллем шуг-секытъёсын гуртын улӥсьёс зоръёс луымтэ аръёсын трос пол пумиськылӥзы ни.

Котькуд гужем Удмурт шаерын улӥсь калык «Гербер» шулдыръяськонэз шумпотыса возьма. «Гербер» - бусы ужъёс йылпумъяськем бере ортчись праздник. Со Инмарез, Куазез, Кылдысинэз данъяса, калыклэн быдэстэм ужез сярысь вера, тулыс бусы ужъёслы йылпумъян лэсьтэ, тужгес тыршыса ужасьёслэсь нимъёссэс дано каре.

Кыкетӥ арзэ ни Татышлы ёросысь Улысь Балтач школаын нылпиос понна «Юный спецназовец» профильной военно-спортивной лагерь ужаз. Отын пиналъёс дас нунал ӵоже мугоръёссэс кыдатӥзы, родинамес утисьёслэн радазы султыны дасьлыксэс возьматӥзы. Пиналъёслэн стройын сылыны, пыӵал-тӥрлыкъёсын, противогазэн вырыны быгатонлыкъёссылы вылӥдунъет сётыны луэ.

Татышлы ёросысь Выль Татышлы гуртын улӥсь Вадим Зиядуллинэз тросэз усточи шуыса тодо.

1941-тӥарысь 22-тӥ инвожо – вунонтэм нунал. Со нуналэ воштӥськизы историлэн сюресэз, улон. Кышкыт ожмаськонын 27 миллионлы матэ адямилэн улонэз чигиськиз. Йыре тэрисьтэм лыдпус.

Башкортостанын таяз арын нылпиослэсь шутэтсконзэс радъянлы но соослэсь тазалыксэс юнматонлы 1,5 миллиард манетлэсь ятыр коньдон висъяське. БР-ысь Дышетонъя министерствоысь валтӥсь ӧнерчилэн-экспертлэн ивортэмезъя, со пӧлысь 1,3 миллиардэз республика бюджетысь сётэмын. Республикаын огъя 2830 шутэтскон интыос ужало. Соос пӧлысь 2580-эз – дышетскон юртъёсын.

Рустэм Хамитов Россия Федерациысь связья но массовой коммуникациосъя министрлэн воштӥсеныз Алексей Волинэн пумиськылӥз. Соос республикаысь калыклы выль иворъёсты дыраз вуттон сярысь вераськизы. Пумиськонын пӧртэм удысъёс огазе биниськизы. Уго газет-журналъёсты калыке вӧлмытонын Россиысь почталэн но люкетэз бадӟым.

Тулыс бусы ужъёслэсь йылпумъяськемзэс гурт калык вашкала дырысен пусъе. Та йылол туннэ нуналозь но возиськемын. Котькуд ар инвожо толэзьлэн нырысетӥ нуналъёсаз шаерамы сабантуй радъяське. Гырон быдтон праздник ужасьёсты но, палэнысь куноосты но огазея. Та нунал шулдыр гуръёсын, кырӟанъёсын но эктонъёсын тырме.

Адями аслэсьтыз ужзэ кызьы быръе? Со сярысь тросэзлэн малпаськемзы вань, дыр. Мон малпасько, котьмалы нырысь ик мылкыд кулэ. Калтасы ёросысь Бадӟым Качак гуртын улӥсь Виктор Шакирович Матзяновлэн трудовой книжкаяз учкид ке, 1977-тӥ арын культура юртазы художественной руководителе юнматэмзы сярысь верась чуръёсты гинэ пумитаны луэ. Культура удыслы 37 ар ужан аръёссэ сётыса, Виктор Шакирович али ке но уж дураз дышем сюрестӥз дыртэ. 1990-тӥ арын СССР-ысь Культурая министерстволэн нимыныз ас удысаз усто тыршемез понна солы гадьпус сётӥзы.

Урамъёс…Тӧдьы льӧмпу сяська пӧлы выйыса, радэн сыло чебер юртъёс. Коть-куд юрт югыт тылын пиштэ, котькуд коркан улон азьланьтӥське. Нылпи куараосын тырмем урам. Талэсь чеберез дунне вылын вань меда? Тӥни нылпиос бызьыса урам кузя лыкто. Соос - гуртлэн азьлане вамышез, гуртлэн вуоноез. Гурт урам жингрес нылпи куараосын тырмыса сайка, улӟе, чебергес луэ. Нылпи ке вань, гурт но вань, гурт ке вань, улон но вань. Гуртъёсысь, чебересь урамъёсын будыса дуннее пото адямиос. Соос ас гуртсэс но ас шаерзэс данъяло, быдэс дуннелы тодмо каро. Гурт урам. Кӧня отын кужымез, чеберез, данъяськымон музъем шунытэз. Со вылтӥ ветлыса нылпи кужым люка, визь шедьтэ, улон шоры учкыны, сое валаны дышетске. Котькӧня ар мед ортчоз, адями гуртэзлэсь котькыӵе кыдёке мед кошкоз, сюлэмыз сое одно ик вордскем гуртаз, будэм урамъёсаз вуттэ.

Башкортостан Республикалэсь Главазэ быръён дырызлэсь вазь ортчоз – 2014-тӥ арысь 14-тӥ куарусёнэ. Рустэм Хамитов со сярысь ивортӥз Россилэн Президен-тэныз Владимир Путинэн пумиськылэмез бере.

Вордӥськи, будӥгуртын. Гурт калыклэн улэм-вылэмез, солэн сюлмаськонъёсыз мыным тодмо. Пичи гуртъёслэн быремзы сярысь но ӵем малпаськисько. Егитъёс городъёсы кыстӥсько. Таӵе воштӥськонъёсты быдэс дуннеысь эскерыны луэ ке но, Россиын тужгес но шӧдскымон луо. Башкортостан но палэнэ уг кыльы.