2. Ортчоно инты но дыр: Татышлы ёросысь Улысь Балтач школа; 15-тӥ куартолэзе. 10.00-10.30 – мандатной комиссиез ортчон, 10.45 – ужрадэз усьтон, 11.00 – стартъёс кутскон дыр.
Олимпи шудонъёслэн радлыксы: ӵошатсконъёсы пырисько 2000-тӥ арысь 1-тӥ южтолэзе яке бергес вордӥськемъёс; олимпиадае вуэмъёслэн сьќразы паспортсы яке вордӥськемзы сярысь свидетельствозы (оригиналъёссы), школалэн директореныз заверить карем туспуктэмъёсынызы справкаоссы но заявказы луыны кулэ (улӥын сётэм приложениез учконо). Вылӥын пусъем документъёстэк вуэм спортсменэз ӵошатсконъёсы уз кутэ.
Олимпиадае пыриськемъёслэсь сиськем дунзэс тыре соосты келясь организация.
3.Олимпиадалэн программаез:
1.60 метре бызьылон (2 пи, 2 ныл).
2.Кузьдалае тэтчан (2 пи, 2 ныл).
3.Тупез кузьдалае лэзьян (2 пи, 2 ныл).
4.Кросс: пиос – 1000 м; нылъёс – 500 м (2 пи, 2 ныл).
5.Смешанной эстафета – 4х250 (2 пи но 2 ныл).
6.Пиос пӧлын волейбол шудон (7 пи).
7.Нылъёс пӧлын волейбол шудон (7 ныл).
Ӵошатсконъёс лично-команднойесь, 7 пӧртэм спорт шудонъёс радъяськозы. Одӥг дисциплинае кык адями пыриськыны быгатоз, зачётэ мыноз тужгес ӟечез лыдпус. Йылпумъянъёс лэсьтыку вылӥ баллъёсты лыдэ басьтозы. Вормисе потоз пиналъёслэсь утэм интыоссэс ватсаса тужгес ӧжыт балл люкам команда. Командаослэн люкам очкооссы тупазы ке, лыдэ басьтӥськозы утэм нырысетӥ, кыкетӥ но мукет интыос, эстафета. Одӥг спортсмен эстафетае, волейболэ но мукет кык ӵошатсконъёсы пыриськыны быгатоз.
4.Ужрадэз орчытон понна кыл кутэ Улысь Балтач шор ёзо школалэн администрациез.
Олимпи шудонъёсы валтӥсь судьяе Улысь Балтач школаысь физкультурая дышетӥсь Р. В. Губаев юнматэмын, валтӥсь секретаре – Улысь Балтач школаен кивалтӥсьлэн визьноданъя воштӥсез Ж. Г. Ардуанова.
5.Вормисьёсты пусъён: личной зачётын вормисе потэмъёс медальёсын пусйисько; нырысетӥ интые потэм школалы Данъян грамота но киысь кие выжись кубок сётэмын луоз, нош 2-3-тӥ интые потэм командаослы - интызылы тупась степенё грамотаос.
Кылдэм юанъёсын вазиськоно таӵе телефонъёсъя: удмуртъёслэн ИКЦ-зы - (34778) 3-21-91; Улысь Балтач школа - (34778) 3-11-38.
Заявкаос кутӥсько 9-тӥ куартолэзёзь таӵе адресъя: nijbalt.shc.07@mail.ru
Оставить сообщение: