icon_gotop
18+
autorisation
Войти | Регистрация
Время в Татышле
14:20
Вторник, 19 Октября
Рекламный баннер 990x90px top

Мылкыдыз кырӟанэн буйгатске

2016-03-24

 - Малы тон улондэ крезьгурен герӟаны малпад?

- Мынам ӵужай но ӵужатай арганэн шудо вал. Атае но та крезьгуро инструментэз гажа. Нырысетӥ арганэ – ӵужаелэн басьтэм кузьымез.

- Кызьы но ку шӧдӥд кырӟаны быгатонлыктэ?

- Куинетӥ классын дышетскыку Рим агай (авт. – БР-ысь культура удысысь сӥё-дано ужась Р. З. Баймиев) монэ сцена вылэ кырӟаны поттӥз. Соку «Комарово» кырӟанэз быдэстӥ. Ӟеч пӧрмиз.

- Школаын дышетскон аръёсад гуртысьтыды духовой инструментъёсъя ансамбле ветлӥд. Нош собере кытын быгатонлыктэ будэтӥд?

- Уфаысь искусствоосъя училищеын, духовой инструментъёсъя ёзэтын  дышетски. Собере БирГСПА-ын вылӥ тодон-валан басьтӥ на. Зэм, таиз дышетсконэ крезьгурен герӟаськемын ӧй вал.

- Туннэ кыӵе крезьгуро инструментъёсын шудӥськод?

- Баянэн, гармошкаен, курайен, синтезаторен, трубаен, тенорен но мукет.

- Тон сцена вылын огнад кырӟаськод. Со сяна, пӧртэм ансамбльёсын ӵош но учкисьёсты шулдыртӥськод на.

- Туннэ мон «Ӧрӟи», «Удмурт пиос», «Ӟеч малпанъёс», «Туганай» ансамбльёсын кырӟасько. Ужъя эшъёсыным Рим Баймиевен, Янис Рафиковен, Олег Мардановен ӵош образцовой духовой ансамбле ветлӥсь 40-лы матэ дышетскисьёсын ужасько. Пиналъёсынымы пӧртэм ужрадъёсы вуылӥськом.

- Тыныд кыӵе кырӟанъёс, крезьгуръёс тужгес кельшо?

- Бурдъясь, мылкыдэз ӝутӥсь. Азьвыл та выллем крезьгуръёсын пиосмуртъёсты ож бусые келяллям. Нош кырӟаны ӟучсэ но удмуртсэ, мӧзмытсэ но шулдырзэ кырӟанъёсты огвыллем яратӥсько. Тросгес кылзӥсько классикаез.

- Тодӥсько, тон кылбуръёслы крезьгур гожтон бордын но тыршиськод. Трос-а кырӟанъёсыд «вордӥськизы» ни?

- Дас витьлы матэ люкаське ни,  дыр. Кырӟанъёсы Ирина Самигуловалэн, Екатерина Шайсламовалэн, Екатерина Салахутдиновалэн, Полина Шакировалэн, Валерия Гайнияровалэн, Галина Романовалэн, Анатолий Перевозчиковлэн, Юлия Кайрановалэн но мукетъёслэн кылбуръёссыя гожтэмын. Ачим ӵемгес кырӟасько «Мусо эше», «Вордскем гуртэ», «Шумпотон кузьмасе», «Эн уллялэ ӵуж уӵыез» кырӟанъёсты.

- Нылпиосыд кырӟан дунне шоры кызьы учко?

- Адрияна но Давид искусствоосъя школае духовой оркестре ветло. Кыкназы ик трубаен шудо. Нош Дарина нылмы нылпи садэ гинэ ветлэ ай.

- Мар со тон понна семья?

- Пыкъет, шуд, оскон но вуоноез.

- Кузпалыдлэн кыӵе сиёнэз тыныд тужгес кельше?

- Туж яратыса сиисько пловзэ, мантызэ но мильымзэ.

- Пи будэтӥськод, корка вутӥд. Писпу мерттӥд-а ини?

- Писпу трос  мерттӥ ни, тыпы гинэ ӧй на. Со юн, кужмо, кема будӥсь писпу.

- Улонад тужгес бадӟым вормонэд?

- Одӥг ар но кык толэзь ӵоже Кавказын служить кари. Отысь таза берытски.

- Ваньмон дырдэ кызьы ортчытӥськод?

- Выль корка пушкысьтымы но со котырысь ужъёсты лэсьтӥсько. Собере арганме кутыса корка тыр кырӟасько, нылпиосылы мультфильм учкыны люкетыса.

               Ольга НИГАМАТУЛЛИНА. 

2467

Оставить сообщение:

НАШИ ПАРТНЕРЫ