icon_gotop
18+
autorisation
Войти | Регистрация
Время в Татышле
16:52
Четверг, 28 Октября
Рекламный баннер 990x90px top

Выль юртын ӟеч мылкыдын пумитало

2016-03-03

Та нуналъёсы Вуж Варяшысь эмъюртэн тодматскыны Башкортостан Республикаысь медицинской страхованиея фондлэн Бирскысь филиалэныз кивалтӥсь Тамара Ивановна Садыкова вуылӥз. Соку ик гуртысь фельдшерско-акушерской пунктэз усьтонлы сӥзем ужрад ортчиз. Отчы Янаул ёрос администрациен кивалтӥсь Ильшат Агзамович Вазигатов но пыриськиз. Со Вуж Варяш гурт поселенилэн администрациеныз кивалтӥсез Миншакир Шайсламович Шаритдиновез БР-ысь Тазалыкез утёнъя министерстволэн Тау карон гожтэтэныз пусйиз. Эмъюртэз выль юртэ выжтон понна со трос кужымзэ понэм. Озьы бадӟым ужез быдэстыны 1  миллион 600 сюрс манет коньдон выжтӥллям.

Гурт калыкез ӟечкыланы кыл сётӥськиз Т. И. Садыковалы, Янаул ёрос эмъюртысь валтӥсь эмчилы Р. Г. Хакимовлы, «Колхоз Восток» СПК-ен кивалтӥсьлы В. К. Камиуллинлы, БР-ысь удмуртъёслэн национально-культурной центренызы кивалтӥсьлы, «Ошмес» газетлэн валтӥсь редакторезлы С. Г. Гарифуллинлы. Соос котькудзы гурт калыклы бадӟым тазалык сӥзизы. Нош выль эмъюрт усьтэмзы понна кивалтэтлы гурт калыклэн нимыныз тау карон кылъёссэ вераз Александр Ахтариев.

Вуж Варяш гурт поселениын, администрациеныз кивалтӥсьлэн М. Ш. Шаритдиновлэн верамезъя, 573 адями улэ. Озьыен, татысь фельдшерско-акушерской пунктлы ӧжыт калыкен ужано ӧвӧл. Но со понна татын вань луонлыкъёс кылдытэмын. Эмъюртын вань возьман залзы, висисьёсты учкон висъетсы, смотровой, физкабинетъёссы. Соин татчы пиналэз но, егитэз но, арлыдоез но тазалыксэ юнматыны вазиськыны быгатэ. Шуныт юртын соосты котьку ӟеч мылкыдын пумиталозы.

Ольга НИГАМАТУЛЛИНА.

Янаул ёрос. 

2207

Оставить сообщение:

НАШИ ПАРТНЕРЫ