icon_gotop
18+
autorisation
Войти | Регистрация
Время в Татышле
06:47
Четверг, 5 Августа
Рекламный баннер 990x90px top

«Мар тӥледлы выжыкыл, со мынам улэп улонэ вал»

2016-02-11

Институтэз йылпумъямез, Мордовиысь педагогической училищеын кӧня ке ужамез но армиын службазэ ортчемез бере Менсадык Ижевске берытске но «Дась лу!» пионер газетын чеберлыко редактор луыса ужаны кутске. Газетын ужан солэсь полиграфия удысын тодон-валанъёссэ узырмытэ, солэсь но дуноез – суредасьлы творчествоен герӟаськем сюресаз юнманы юрттэ. Со шедиз гожъяськисьёслэн, кылбурчиослэн, суредасьёслэн тунсыко дуннеязы. Та аспӧртэмлыко адямиос пӧлын со ачиз но вылӥ малпанъёсын но бугыръяськись мылкыдъёсын гомӟиз. Солэн аслаз книга суредан-чеберъян ужен выремез потӥз, но тодон-валанэз уггес тырмы вал.

Книга ас бордаз синмез мед кыскоз шуыса тыршон – со суредась-чеберъясь азьын сылӥсь ужпум. Тае валаса, Менсадык нош ик дышетскыны пыриз – таяз учыре Москваысь полиграфической институтлэн заочной люкетысьтыз кыкетӥ курсэ.

Дипломной уж карыса, полиграфической институтын Менсадык возьматӥз удмурт мадёсъёслы но дауркылъёслы сӥзем нырысетӥ станковой листъёссэ. Дипломезлэн одӥгез люкетэз – «Куанер Иван но узыр поп» удмурт калык выжыкылъя лэсьтэм суред.

... Берло аръёсаз суредасьлы туж секыт вал. Странаын со вакытэ экономика удысысь югдур уродмиз: солы, профессорлы, пичильтык ке но коньдон поттон понна автомобильёслы буёлъёс утчано-быръёно луылӥз, бордаз ик ватсаськизы на висёнъёс… Ваньмыз та солэсь улонзэ укыр вазь уретӥз. Но кылизы солэн произведениосыз, отын шока но улэ суредась. Искусство, кудзэ со лулысь сюлмысь яратӥз но быдэс улонзэ сӥзиз солы, пумйылтэм улон кузьмаз суредасьлы.

В. О. Гартиг.

(Вакчиятыса басьтэмын «Менсадык Гарипов» книгаысь).

1397

Оставить сообщение:

НАШИ ПАРТНЕРЫ