icon_gotop
18+
autorisation
Войти | Регистрация
Время в Татышле
00:23
Суббота, 24 Июля
Рекламный баннер 990x90px top

Усто шудӥсьёс – гондыръёс но качакъёс

2016-01-14

Пиослэн командаоссы трос луэмен, соос кыклы люкиськыса шудӥзы. Калмиярысь, Бадӟым Качакысь, Бадӟым Гондырысь но Улысь Балтачысь командаос Улысь Балтач школалэн спортзалаз нюръяськизы. Вераны кулэ, Улысь Балтачлэн кык командаез вал: егитъёс но дышетскисьёс. Выль Татышлы школалэн спортзалаз вуж варяшъёс, выль татышлыос, бальзюгаос но уразгильдыос кужымзэс мертазы.

Кызыл-Яр школа нылъёслэсь командаоссэс пумитаз. Татын Бадӟым Гондырысь, Бадӟым Качакысь, Выль Татышлыысь но Улысь Балтачысь командаос нюръяськизы. Площадкае бадӟым гондыръёс потэм бере ик шӧдӥськиз: соос зол дасяськемын. Кылем арын шудонын вормон утэм командалы туэ но вуисьёс ӧз луэ: гондыръёс - нырысетӥ интыын. НКЦ-лэн киысь кие выжись кубокез соос кие ик кылиз (тренерзы Р. А. Нуриев). Кыкетӥ интыын Бадӟым Качакысь команда (тренерзы Г. Ю. Тимирбаев), куинетӥ – Улысь Балтачысь команда (тренерзы Р. В. Губаев).

Нылъёслэн шудонзы мыныку, Григорий Тимирбаев милемлы шуиз, НКЦ-лэн кубокез туэ качакъёс киын, пе, луоз, ӵошатсконэ пиос сыӵе малпанэн вуиллям. «Тренер командаезлэн кужымезлы зол оске», - малпай ас поннам.

Ӵукна кутскем шудон ӝытозь кыстӥськиз. Ӟырдыт пуромем шудонын тужгес висъяськизы вуж варяшъёс, бадӟым качакъёс, улысь балтачъёс но уразгильдыос.

Площадкае потӥзы куинетӥ инты понна «ожмаськисьёс» - улысь балтачъёс но вуж варяшъёс. Командаослэн кужымзы огвыллемгес, лэся. 19:20 - йылпумъяськиз нырысетӥ партия. Азьпалан – улысь балтачъёс. Кыкетӥ партиын но кузёос азьпалтӥзы вуж варяшъёсты. Озьыен, куинетӥ интылы кузё луизы улысь балтачъёс.

Ваче пумит султӥзы кужмоослэсь кужмоосыз – бадӟым качакъёс но уразгильдыос. Кутскиз финал. Кинлы шедёз кубок? Таӵе юан котькуд учкисез, шудӥсез сюлмаськытэ. Качакъёс зол шудо. Кылем арын вормисе потэм уразгильдыослэн но сётскемзы чик уг поты. 1:1. Куинетӥ партия возьматоз, кудӥз команда кужмогес.

Спортзал ӵаш! вазе. Командаос понна висисьёс ӧжытлы но уг чалмытско: киоссэс чабо, кесясько. Муш палэп, кожалод. Качакъёс вормизы. Командаезлэн кужымезлы оскись Григорий Юлкубаевичлэн верам кылъёсыз юнме шорысь ӧз луэ. Качакъёслэн малпанзы быдэсмиз: кубок соос киын.

Со сяна, ужрадын тужгес усто шудӥсьёсты нимысьтыз номинациосъя пусйизы. «Лучший нападающий» нимлы кузё луизы Бадӟым Гондырысь Евгения Ишматова но Бадӟым Качаклэн командаысьтыз Андрей Попов, «Лучший защитник» нимлы – Бадӟым Качакысь Виктория Давлетбаева но Улысь Балтачысь Станислав Миллиятов. Улысь Балтачысь Валерия Губаеваез но Уразгильдыысь Виталий Зиннатуллинэз «Лучший связующий» номинациысь дипломъёсын пусйизы.

Ӵошатсконэ вуэмъёслы тау кылъёссэс вераса, вормисьёсты ӟечкылазы БР-ысь удмуртъёслэн НКЦ-енызы кивалтӥсь С. Г. Гарифуллин, Татышлы ёрос Кенешлэн секретарез Р. Г. Рахимов, Улысь Балтач гурт поселенилэн администрациеныз кивалтӥсь Э. Б. Рахимзянов, Улысь Балтач школаысь физкультурая дышетӥсь Р. В. Губаев.

Миляуша БУЛАТОВА.

1700

Оставить сообщение:

НАШИ ПАРТНЕРЫ