Керттӥське, эктыны но вутӥське

Линаралы пӧртэм тусо лентаослэсь но мулинеослэсь браслетикъёс лэсьтылыны, пе, кельше на. Куд-ог ужъёссэ быдэстыны апаез но юрттэ. Нылашлэсь сюлэм шунытсэ сётыса быдэстэм киужъёссэ басьтыны мылкыд карисьёс но вань. Но троссэ со эшъёсызлы, матысьёсызлы кузьма. Нош эшъёсыз сярысь верано ке, Линаралэн соос трос. Уго «Орлёнок», «Усточикар» лагерьёс нылашлы уно выль эшъёс но вунонтэм нуналъёс кузьмазы.

Ӟеч дышетскись нылашез сцена вылысь но адӟыны луэ. Со Вуж Варяшысь «Югдон» ансамбльын эктэ. Учкисьёслы эшъёсыныз ӵош капчи мылкыд но шумпотон кузьма.                

Марина НИКОЛАЕВА.