Выль юрт ӧсъёссэ усьтӥз

Модульной культура юртъёс ӝутонъя проект Пермь шаерын 2013-тӥ арысен ужа. Cо дырысен шаерын 12 типовой юрт ӝутэмын. Котькудӥз сю адямилы чакламын. 2015-тӥ арын пуктэм типовой проектъёсын 200 инты лыдъяське.

- Социальной партнёрствоя программа, кудзэ «Лукойлэн» кутӥмы, азинлыко ужа. Культура юртъёс ӝутон юнме шорысь быръемын ӧвӧл. Асьмеос калык сям-йылолъёсты тодыны, утьыны но нылпиосмылы вуттон сярысь сюлмаськыса улыны кулэ. Асьмелэн пиналъёсмы но культура улонэ мед кыстӥськозы. Вуоно арын выль культура юртын трос выль кизилиос мед ӝуатскозы, - калыклы вазиськыса шуиз Виктор Басаргин.

Бӧрысь вераськиз Олег Третьяков. Ужрадэ вуэмъёсты со вуись Выль ар праздникен ӟечкылаз. «Бадӟым гондыръёслэн вормонъёссы сярысь азьпалан но мед кыломы», - шуиз со.

Ужрадэз бадӟым концерт азьланьтӥз. Калыкез Уралысь калыкъёслэн кырӟанъёссыя но эктонъёссыя «Прикамье» ансамбль (кивалтӥсез А. Муллин) шулдыртӥз. Куеда ёросысь ӟуч, чуваш огазеяськонъёс но концерт номеръёссэс кузьмазы. Учкисьёслэсь задор удмурт кырӟанъёсын мылкыдзэс ӝутӥз Татышлы ёросысь Улысь Балтач гуртысь «Удмурт пиос» ансамбль.

Миляуша БУЛАТОВА.