icon_gotop
18+
autorisation
Войти | Регистрация
Время в Татышле
01:50
Sunday, 23 Января
Рекламный баннер 990x90px top

Туп шӧдэ кужмооссэ

11:41 10.12.2015

Отын республикаысь городъёсысь но ёросъёсысь 20 кужмо командаос пумиськизы. Соос ньыль группаослы люкиськыса шудӥзы. Татышлы ёросысь пиослэн командазылы ньылетӥ группаын кужымзэ возьматоно луиз. Татчы озьы ик Янаул городысь, Стерлитамак, Белокатай, Караидель ёросъёсысь командаос шедизы. Соос пӧлын ӟырдыт нюръяськон пуромиз. Татышлыослэн янаулъёсты гинэ чигтыны кужымзы ӧз тырмы. Озьы удмурт пиос витетӥ – тямысэтӥ интыос понна нюръяськоно луизы. Нырысетӥ ньыль интыосты группаосысь вормисьёс люкизы угось.

Табере татышлыосты Дюртюлиысь, Краснокама, Бурай ёросъёсысь командаосын пумиськон витиз. «Котькуд шудон ӟырдыт мынӥз. Пиос зол шудо. Озьы ке но ми куиньзэ ик командаосты вормыны быгатӥмы», - вера Татышлы ёросысь командалэн одӥгез тренерез А. И. Сабанчин. Чемпионатын соос огъя витетӥ интыын луизы. Нош ёросъёс пӧлын – кыкетӥ.

Волейбол площадкаын Татышлы ёросысь команда понна шудӥзы Улысь Балтач но Выль Татышлы школаосысь пиос Влас Кайранов, Влад Кайранов, Андрей Зидымаков, Юлиан Гильманшин, Ярослав Мардамшин, Никита Ардуанов, Вячеслав Муллаяров но Виктор Даваев (туспуктэм вылын паллянысен буре). Ӵошатсконъёсы соосты дасязы тренеръёссы Ю. В. Губаев но А. И. Сабанчин.

    Ольга  НИГАМАТУЛЛИНА.

4116

Оставить сообщение: