icon_gotop
18+
autorisation
Войти | Регистрация
Время в Татышле
10:20
Четверг, 29 Июля
Рекламный баннер 990x90px top

Кырӟанзы мылкыдмес буйгатӥз

2015-11-12

Соослы «Мы разные, но мы вместе» фестивале дасяськыны юрттэт, пе, кулэ. Городэ вуыса ми чылкак паймимы: ми азьын сыло удмурт дэремен дӥсяськем ӟуч нылъёс. Нош макем чебер кырӟало вылэм соос удмурт сямен. Соослэн жингрес гуръёссы котыре чузъяськизы:

«Экты, экты, пичи ныл,

Экты, экты, пичи пи.

Кимес чабом,

дэмен шудом,

Эктон гурен

кырӟалом».

Георгий Шамшияров соослы юрттыса арганэн шудӥз. Пичыльтыкъёслэн кырӟанзы милесьтым сюлэммес небӟытӥз. Татын Марина Михайловналэн аслаз удмурт кылыныз, культураеныз данъяськемез но сое гажамез шӧдӥськиз.

Фестиваль куинь час ӵоже кыстӥськиз. Сое йылпумъяны оскизы милемлы, Екатеринбургысь «Ошмес» ансамбльлы. Татын ансамбльмес «Вокал» номинациын нырысетӥ степенё дипломен данъязы.

Артёмовскын пумиськонмы соин гинэ ӧз йылпумъяськы. Марина Михайловна милемыз дораз семьяеныз тодматскыны ӧтиз. Татын куноосты перепечен но пӧртэм пыжиськемъёсын пумитазы. Эшъяськонмес шулдыр удмурт кырӟанъёсын юнматӥмы. Табере ми Артёмовскысь эшъёсмес 19-тӥ толсуре Удмурт ёлкаямы витёмы. 

Ольга ШАМШИЯРОВА.

Екатеринбург. 

1665

Оставить сообщение:

НАШИ ПАРТНЕРЫ