icon_gotop
18+
autorisation
Войти | Регистрация
Время в Татышле
05:27
Четверг, 5 Августа
Рекламный баннер 990x90px top

Гожъяськонлэн но кыллэн пӧртмась кужымзы

2015-10-22

Калтасы ёрос одӥг нуналэ шоркарысьтымы трос куноосты пумитаз. Соос ваньзы – тодмо гожъясьёс. Балтач ёросэн но калыкен тодматскыны вуиллям, кылсярысь, писатель-сатирик, Россия Федерациысь культура удысысь сӥё-дано ужась Марсель Салимов, «Шонкар» газетлэн редакторез Мунир Кунафин но мукетъёс.  Куноосты нянен-вӧйен пумитазы. Нош собере ёрос администрациен кивалтӥсь Ю. М. Садыров соосты ёросэн, отын улӥсь калыкен, ёрослэн социальной но экономической азинсконэныз тодматӥз.

Валтӥсь библиотекае интыысь кылбурчиос, литературая огазеяськонэ пыриськисьёс, журналистъёс люкаськизы. Татын ёросысь егит кылбурчиослэсь ужъёссэс эскеризы. Нош «Литература как искусство слова и её роль в духовной жизни человека» котырес ӝӧк сьӧрын вераськонэ дышетӥсьёс, культура удысын тыршисьёс пыриськизы. Соос азьын Уфаысь вуэм тодмо гожъясьёс вераськизы.

Ужрадлэн бадӟым люкетэз культура юртын ортчиз. Чылкак татын  Калтасы ёрос администрацилэн тӧроез Ю. М. Садыров книгаез Балтач ёрос администрациен кивалтӥсьлэн социальной ужпумъёсъя воштӥсезлы Ф. Г. Рахимовлы сётӥз. Ӝытэз «Певцы земли Калтасинской» литературно-музыкальной композиция йылпумъяз.

Республикаысьтымы дано гожъясьёсын пумиськон Балтач ёросын азинтӥськиз. Куноосты историко-краеведческой музеен тодматӥзы,  интыысь гожъясьёсын ӵош котырес ӝӧк сьӧрын вераськон радъязы. Нош берло Литературая марафонлэсь тодметпуссэ Благовещенск ёросэ келязы.

Дасяз

Ольга НИГАМАТУЛЛИНА.  

1578

Оставить сообщение:

НАШИ ПАРТНЕРЫ