icon_gotop
18+
autorisation
Войти | Регистрация
Время в Татышле
15:41
Sunday, 17 Октября
Рекламный баннер 990x90px top

Сочи. Олимпиада. Вунонтэм суредъёс

2015-07-30

- Сочи – со выжыкыл дунне. Со ноку вунонтэм выжыкылэз милемлы нылпиосмы кузьмазы. Бадӟым тау соослы, - вера Мавлетзян Каримович.

- Мар бордысен ваньмыз кутскиз? – юасько арлыдо дышетӥсьлэсь.

- 2013-тӥ ар. Сӥзьыл. Кузпалыным, Маргарита Петровнаен, бакчаын картофка октӥськом. Ву юыны шуыса доре пыри. Со куспын телефон жингыртӥз. Учкисько – пие. Соку со ивортӥз, ми, пе, тӥледлы сюрприз дасямы: тӥледыз Олимпиадаез учкыны ӧтиськом. Самолётэ билетъёс, пе, басьтэмын ни. Витьымтэ шорысь мар вераны ик пайми. Мыноно-а, ӧвӧл-а? Кема малпаським. Маргарита Петровна но ӝог гинэ соглаш ӧз луы, самолётэн, пе, лобыны кышкыт. Озьы ке но, вань урод малпанъёсты палэнтыса, Олимпиадаез адӟыны мыноно кариським.

Нырысьсэ Тазетдиновъёс Сочие 2011-тӥ арын вуылӥллям, Олеся нылзылэн сюаназ.

- Олимпиадалэсь куинь ар азьвыл Сочиын туж но туж бадӟым ӝутӥськон ужъёс мыно вал: гумырам сыӵеез адӟылэме ӧй вал на. Соку Сочи кузьыли кар выллем адњиськиз: стройка но стройка, кытчы гинэ эн учкы - грузовой машинаос. Ваньзы стройкаосы дырто, ӝутӥськон тӥрлыкъёс нулло. Пассажир поездъёс товарной поездъёслы сюрес сётыса сыло вал, - тодаз вае Мавлетзян Каримович. – Нош али? Самолётысь ваським. Кыӵе ке но фантастической шаере шеди кожай. Ваньмыз воштӥськемын. Котырак утялтэмын, чылкыт. Нокытысь пичи гинэ но жуг-жаг уд адӟы. Нош калык? Туж лякытэсь адямиос отын уло. Нокинлэсь урод кыл уд кылы. Котькин тыныд юрттэт возьматоз. Волонтёръёс сокем зћбытэсь, лякытэсь, сюлме пырыны дасесь. Быдэсдунне ужрадэ туж кужмо охрана дасямын вал. Кылсярысь, зарезьын дышетэм дельфинъёс уяло, нокыӵе тушмонэз соос уз лэзе: ву ултӥ лушкем пырыны малпасьёсты соку ик ву вылэ ӝутозы. Сочиын ваньмыз паймымон, шуыны луоз. Гуртысь вуэм пенсионеръёс понна дунъёс но туж вылӥын: одӥг чашка чай яке кофе 150 манет сылэ. Одӥг табанез но со ик дунэн басьтод. Паймымон вал соиз но: котькуд удысын, ӧрын усто ӧнерчиос ужазы. Кылсярысь, нуналаз кӧня самолёт аэропортэ вуэ. Соосты ваньзэс интыяны быгатоно. Одӥг пичи янгыш сыӵе дыръя адямилэн улонэзлы ӵошаны быгатэ. Олимпиадаын котькин ас ужзэ пыр-поч быдэсъяз, луоз.

Тазетдинов кузпалъёслэн Ульяна нылзы но Сочиын улэ, ужа.

- Олимпиадаез радъянэ нылпиосмы азинлыко пыриськизы, - веранзэ азьланьтыса шуэ Мавлетзян Каримович. – Ульяна «Взаимодействие с госорганами» департаментысь ужкагазъёсъя менеджерлэсь ужъёссэ быдэсъяз. Андрей пимы допинг-контролья валтӥсь менеджер вал. Куинь толэзь ӵоже со ФСБ эскеронъёсты ортчоно луиз, сое ужаны бырйизы (али со Уфаын ужа). Соослы кыкназылы ик Олимпиадаез радъянэ азинлыко пыриськемзы понна именной медальёс сётэмын, ужзэс дипломъёсын данъязы.

Тазетдиновъёс Олимпи шудонъёсты усьтонлэсь генеральной репетицизэ учкиллям, фигурной катаниын луиллям. Быдэс нунал ӵоже Олимпийской объектъёсты учкиллям.

- Сочи – Россилэн одӥгез паймымон, џыдонтэм шулдыр сэрегез. Котырак – зарезь, Абхазской гурезьёс. Кӧня ке час куспын лымыё гурезьын нискыланы но, вуын пыласькыны но луэ. Олимпиада суредъёс пырак син азям улозы, - вера Мавлетзян Тазетдинов.

Миляуша БУЛАТОВА.

Бурай ёрос.

1832

Оставить сообщение:

НАШИ ПАРТНЕРЫ