icon_gotop
18+
autorisation
Войти | Регистрация
Время в Татышле
12:34
Sunday, 17 Октября
Рекламный баннер 990x90px top

Керттӥське, вуриське, мушъёсын тунсыкъяське

2015-07-02

Азьло вуж басмаез кесяса выж дэра куылӥм. Нош али басьтэм шортъёслэсь куисько, - вера Лидия апай. – Ыж гон шортъёсты буяны буёл гинэ но ӧй вал. Уже лулпуэз кутылӥм. Соин но быгатыса буяны кулэ на». Лидия апай туннэ но ыж гон шортъёссэ  ачиз буяны тырше. Солэсь со пукон, выж вылэ чебересь валетъёс курикен керттылэ. Солэн пӧртэм буёло шортъёсын быдэстэм киужъёсыз синэз ик мальдыто. Нош куиськон станоксэ кибашлы кышномурт табере ужаз туж шер кутылэ ни. Али магазинъёсын кыӵе гинэ чебересь паласъёс ӧвӧл ни, пе. Но озьы ке но аслэсьтыд сюлэм шуныттэ сётыса быдэстэм киужед котьку дуно но матын луэ. «Анкай милям толбыт керттӥське», - вера Лидия апайлэн Марина кенэз. Озьы со нылпиоссэ но внукъёссэ шуныт, небыт пӧзьыосын но ныросъёсын шумпоттэ.

Курикен, веньёсын керттӥськем сяна, Лидия апай туж усто вуриське на. Корказьысен ик солэн ки бервылыз шӧдӥське: кибашлы кышномурт татысь ӟус вылъёсы басма кесэгъёслэсь вӧлдонъёс вурылэм. Со сяна, Лидия Шаритдинова гуртысьтызы нылпи садэ ветлӥсь пичыльтокъёсты но удмурт дӥськутъёсын узырмытэм. Соос Лидия апайзылэсь дэрем-айшетъёссэ, камзолъёссэ ужрадъёсы котьку шумпотыса дӥсяло.

Тулыс лымы шунаса бырем бере, Лидия апайлы эшшо одӥг бадӟым уж ватсаське на. Со муш утёнэн тунсыкъяське. Зэм, азьвыл та ужез Леонид кузпалыныз быдэсъязы. Нош берло Лидия апайлы та ныпъетэз ас вылаз басьтоно луиз. Озьы ке но со пӧртэм ужрадъёсы пыриськыны дыр, кужым шедьтэ на. Удмурт калыклэсь сям-йылолъёссэ сӥлы карыса,  кибашлы кышномурт котькуд ар гурт вӧсьёсы, Элен вӧсе пӧраны вуылэ. Вӧсясьёсын ӵош Инмар-Кылчинлэсь шудбуро но таза улон куре.  

Марина НИКОЛАЕВА

2525

Оставить сообщение:

НАШИ ПАРТНЕРЫ