Нылпиослэн ымныразы мед луоз пальпотон

Башкортостанын кылем арын 58 сюрслы матэ нылпиос вордскизы. Соос пӧлысь тро­сэз анай-атайзы понна югыт тылси выллем луизы. Ре­спубликаысьтымы кивалтэт пинал дырез утён сярысь юн сюлмаське. Со уж вылын но яркыт шӧдӥське: республика­ысьтымы 213,3 сюрс пиналъёс нылпи садъёсы ветло, 429,1 сюрс дышетскисьёс школа­осын тодон-валан басьто. Соос башкир, бигер, ӟуч, пор, удмурт, чуваш но мукет анай кылъёсты дышето, пӧртэм кылын верасько. Нош гужем каникулъёсы соос ваньзы ӵошен шутэтско, эшъясько. Озьы кылем арын нылпиос понна куинь сюрслэсь ятыр лагерьёс кылдытэмын вал. Соос пӧлысь котькудаз ся­мен чузъяськизы кырӟан гуръёс: «Котьку мед луоз шунды! Котьку мед луоз ин­бам! Котьку мед луоз анай! Котьку мед луо мон!» Ныл­пиослэн ымныразы котьку мед луоз пальпотон, синъ­ёсазы – шумпотон, сюлмазы – бадӟымъёслы оскон.

Ольга НИГАМАТУЛЛИНА.