icon_gotop
18+
autorisation
Войти | Регистрация
Время в Татышле
20:21
Вторник, 3 Августа
Рекламный баннер 990x90px top

Киужъёсызлы сюлэм шунытсэ сётэ

2015-05-28

Меншари апай веньё­сын гинэ ӧвӧл, курикен но усто керттӥське. «Курикез ньылетӥклассын дышетскы­кум нырысьсэ киям кутӥ», - вера Меншари апай. Соку со­лэн ки улысьтыз чебер чиль­тэр пӧрмем. Нош берло песя­най со выллем ужъёсыныз ӵушконъёсты, айшетъёсты чеберъям. Фермаын ужакуз но, пудооссэ возьмаса, киосаз керттӥськонэн пукылэм. Али но со очкизэ поныса курикез борды кутӥське. Ӟырдыт бакча ужъёс кутскытозь вуж басмаосты кесяса выжлёгет­сэ, пе, керттыса быдтоно. Нош диванзэ тол уйёсы вальыны вутскиз. Куиськон станокез сьӧры гинэ пуксьыса ӧз вуы. Но озьы ке но, Меншари апай со пумысен уг жаля, трос люкаськемын ни куэм выжлё­гетъёсыз. Соос вань нылпио­сызлы кузьмамын.

Гужем киужъёслы ӧжытгес дыр висъяно луоз. Тӥни ук укно улысьтыз сясь­каосыз но кузёзэс витё ни, ӝоген бакчаысь картофка ӝужалоз, кубиста, ӵужкушман но утялтэмез кулэ карозы. Эсьмаса, пудоосты но кыре келяно-пумитано. Ваньмыз сьӧры нылпиосыз гинэ уг вутско.Та вакытэ амалтэк тунсыкъяськонъёстэ во­штоно луод. Зэм, Меншари апай тол куазен но сяськаос сярысь уг вунэты. Соосты укно дуръёсаз будэтэ. Мыл­кыдыд ке луиз, котьмалы дыр шедьтыны луэ. Огез сярысь гинэ, пе, вунэтоно ӧвӧл: вань тодон-валандэ нылпиосыдлы сётоно, аслад быгатонлыкъ­ёсыдлы дышетоно.

Ольга НИГАМАТУЛЛИНА.

Татышлы ёрос.

1367

Оставить сообщение:

НАШИ ПАРТНЕРЫ