icon_gotop
18+
autorisation
Войти | Регистрация
Время в Татышле
01:37
Пятница, 29 Марта
Рекламный баннер 990x90px top

Тулыс бусы ужъёслы дасяськыса

11:08 09.04.2015

- Гурт удысэз азинтон понна 1,4 миллиард манет­лэсь трос коньдон висъямын ни, - вераз Ильдар Сагитович конференцилэн пленарной лю­кетаз, - соос пӧлысь 936 мил­лионэз тулыс бусы ужъёсты быдэстонлы кутэмын луоз.

Татышлы ёрослэн та уды­сысь ужъёсыныз тодматӥз ёрос администрациен кивалтӥсь Р. К. Гараев. Со гурт хозяйствоослэн арлы быдэ бусыосы ӟеч ю тысь пыртэмзы, трактор-комбайнъёссэс выль­дыны тыршемзы сярысь вераз.

- Асьмелы туэ но тысё, тысё-кӧжыё культураосты ки­зёно бусыослэсь быдӟалазэс кулэстоно ӧвӧл, - пусйиз Ни­колай Коваленко. – Бусыосы эскерем ю тысез пыртыны тыр­шоно. Со сяна, уйпал ёросъё­сын рапс но будэтыны луоно.

Гурт хозяйствоя минис­трлэн кылъёсызъя, уйпал ёросъёсын толйись куль­тураос ӟечгес утиськемын. Соослэн ньыль процентэз гинэ быремын. Табере соослы дыраз подкормка но мукет со выллем ужъёсты лэсьтон сярысь сюлмаськоно. Нико­лай Коваленко уйпал ёросъ­ёсысь гурт хозяйствоослэн бакча сиён будэтон борды басьтӥськымтэзы пумысен жаляса вераз. Нош та палан, пе, картофка туж ӟеч будэ.

Кенешонлы йылпумъянъёс лэсьтэм бере, БР-лэн Пра­вительствоез гурт удысын тыршисьёс азе ужпум пуктӥз: валтӥсь культураосты ки­зён ужъёсты 20-21 нунал ку­спын йылпумъяно, инкуазь воштӥськонъёсты лыдэ бась­тыса, уж 25-тӥ куартолэзёзь йылпумъямын луыны кулэ.

Ужрадлэн кыкетӥлюке­тэз ёросысь Крупская нимо СПК-ын ортчиз. Конференцие вуэмъёс хозяйствоын техни­казэс, кидысъёссэс ужлы да­сян амалъёсын тодматскизы, ю тысь тазатон комплексэ кожылӥзы.

Альфия САЛИМГАРАЕВА.

4218

Оставить сообщение: