icon_gotop
18+
autorisation
Войти | Регистрация
Время в Татышле
07:21
Понедельник, 26 Июля
Рекламный баннер 990x90px top

Сюлэсь трос шудӥсьёс кужымзэс мертазы

2015-04-09

2011-тӥ арын ёрос Кенешлэн секретарез Р. Г. Рахимов ны­рысьсэ Выль Та­тышлы гуртысь ӝӧквыл теннисэн тунсыкъяськись пиосмуртъёсты но нылкышноо­сты люказ. Соос вӧзын интыысь школаын дышет­скисьёс но ку­жымзэс эскеры­ны мылкыд ка­ризы. Нош кылем арын ӵошатскон паськытгес радъяськиз, отчы быдэс ёросысь ӝӧквыл теннисэн шудӥсьёс вуизы. Туэ соос витетӥползэ пумиськизы. Ӵошатсконэ огъя 100-лэсь ятыр шудӥсьёс вуизы. «Че­родысь ӵошатсконэз радъ­яны юрттэмзы понна ёрос администрациен, егитъёс­лэн политиказыя но спор­тъя ёзэтэн, гурт поселени­осын кивалтӥсьёслы тау карисько», - вераз Радик Галимзянович пумисько­нэз усьтыса. Собере кыл сётӥськиз капчи атлетикая спортъя мастерлы, ёросысь егитъёслэн политиказыя но спортъя ёзэтэн кивалтӥсьлы Н. Х. Хуснуллинлы, Татыш­лы ёрос администрациен кивалтӥсьлэн пӧртэм удысъ­ёсъя воштӥсьёсызлы Р. З. Минязевлы, И. Б. Карамовлы, А. Я. Мустафинлы. Та нуналэ соос шудӥсьёслы ӟырдыт нюръяськонын оскымон вор­мон сӥзизы.

Пиосмуртъёс сизьым группалы люкиськыса шудӥзы. Озьы соос трос дыр­зэс но кужымзэс шыръязы. Полуфиналын 21 пиосмуртъёс пумиськизы (ваньзы 51 вал). Ӟырдыт нюръяськонын соос пӧлысь дас кыкезлы финалэ сюрес усьтӥськиз. Кылем арын ӵошатсконын Улысь Балтачысь Ю. В. Губаевлы удалтӥз. Нош туэ кин кужмо­гес луоз? Шудон возьматӥз: С. В. Хасаньяновлы туэ но кыкетӥинтыен гинэ буйгат­сконо луоз. Нош кубок кылем арысь кузёез кие ик кошкиз. Куинетӥинтые потӥз Выль Татышлыысь В. В. Шаймуха­метов.

Ӵошатсконэ вуэм 26 ныл­кышноосты кык группалы лю­кизы. Та нуналэ соос пӧлысь тужгес удалтӥз Улысь Бал­тачысь О. Р. Ушияровалы. Со нырысетӥинтые потӥз. Нош кыкетӥно куинетӥинтыосты Уразгильдыысь А. А. Зайно­кова но Бальзюгаысь И. С. Гильфанова люкизы.

Нылпиос пӧлын теннис ӝӧк сьӧрын Выль Татышлы школаын дышетскись пи­налъёс пумиськизы. Озьы ке но шудон тунсыко радъ­яськиз. Кылсярысь, 7-11-тӥклассъёсын дышетскись пи­налъёс пӧлын вормон понна нюръяськизы кылем арысь устоосыз шудӥсьёс. Ильнар Латипов туэ но теннис ӝӧк сьӧрын кужмо адӟиськиз. Ӵошатсконын со нырысетӥинтыын луиз. Кыкетӥно куинетӥинтыосты Эдуард Рахимов но Вячеслав Мулла­яров басьтӥзы. Вераны кулэ, Ильнар бадӟымъёс пӧлын но ассэ кужмоен возьматӥз, со финалэ потӥз.

Нош 1-6-тӥклассъёсын дышетскись пиос пӧлын вор­мисе потӥз Рональдо Гари­фуллин, кыкетӥно куинетӥинтыосын – Бальзюгаысь Ривалдо Манапов но Биги­нейысь Фёдор Фархутдинов.

Таяз арын ӵошатсконын школаын дышетскись нылъ­ёс но кужымзэс эскерыны малпазы. Шӧдӥське, соос спортын кыдамын ни, вор­монлэсь шӧмзэ но валамын. Кылсярысь, Регина Латипова теннис ӝӧк сьӧрын агаез сьӧры уйиське. Со нырысетӥинтылы кузё луиз. Ӧжытлы бере кылизы Ангелина Са­диева но Виктория Даваева.

Ӵошатсконын вормисьё­сты медальёсын, дипломъё­сын но синпель кузьымъёсын данъязы. Со сяна, «Арлыдоез шудӥсь» номинациен пусйи­зы Бадряшысь Финат Гарипо­вез но Вылысь Татышлыысь Фардуна Фатхлисламова­ез. Нош тужгес пиналъёсыз шудӥсьёс луизы Айнур Мул­лаяров но Регина Латипова.

Ӵошатсконын ӝӧквыл теннисэн шудӥсьёслэн лыд­зы арысь аре йылэ, быгатон­лыксы но кужмоя. Кылем арын, кылсярысь, татчы Кур­дымысь, Вылысь Татышлы­ысь ӝӧквыл теннисэз гажа­сьёс шумпотыса вуизы. Нош туэ соос финалын вормон понна нюръяськизы.

Альфид ЗАЙНОКОВ.

1602

Оставить сообщение:

НАШИ ПАРТНЕРЫ